نامت روز قليلا ثم استيقظت علي كابوس أنها زوجه نادر الذي لا تعرف عنه شئ سوي اسمه ولم تره من قبل
فكرت في استعطاف قلب والدها كانت تعرف أنه سيرفض لكنها حاولت ذهبت إليه في غرفته
روز : بابا ممكن اتكلم معاك شويه بعد اذنك
هشام : لو في موضوع نادر فمفيش كلام
روز:ذهبت وجلست بجانبه يا بابا انت ليه مش عايز تفهمني ولا تسمعني حتي يا بابا يا حبيبي انا مش جاهزه اني اتجوز دلوقتي سواء نادر أو غيره انا لسه معشتش حياتي انا لسه مخلصه ثانويه عامه من شهرين ملحقتش ارتاح
نظر لها هشام دون أن يتكلم فاكملت روز كلامها
بص انا عارفه انك مش بتحبني عشان اللي بينك انت وماما الله يرحمها بس صدقني انا مليش ذنب في كل دا حاول تفرق بين ماما وبيني انا وفارس احنا عيالك يبابا لو ملقناش الحب منك هنلاقيه فين
حاول هشام انه يخفي حزنه حين تذكر ما حدث
Flash back
هشام خلص شغل بدري وكان عايز يعمل مفاجأة لزهره مراته جاب تورته عليها صورتهم مع بعض عشان يحتفل بعيد جوازهم دخل البيت براحه عشان متحسش بيه والمفاجأة تبوظ بس اتفاجئ لما سمع صوت راجل جاي من اوضه النوم غصب عنه العلبه وقعت من أيده عملت صوت زهره خرجت تشوف اي دا اتفاجإت بهشام قدامها دخل الاوضه لقي محمد جارهم نايم علي سريره معرفش يعمل اي من صدمته محمد زقه وهرب وزهره قعدت تعتذرله كتير لكن هو مردش عليها بالعكس سابلها البيت ومشي وهي قعدت تبكي هي بتحب هشام واتجوزته عن حب بس محمد لعب ف دماغها وخلاها تعمل كدا استنت هشام لغايه ما جه حاولت تكلمه بس هو صدها وقالها أنه مش هيفضحها حتي بعد ما غلطت ف حقه وسمعته بس كل واحد هينام ف اوضه ومحدش ليه دعوه بالتاني
-------
فاق هشام علي ايد روز بتمسح دموعه بصلها كتير اوي بس هي مفهمتش معناها
هشام :روز اطلعي بره ونبقي نتكلم في الموضوع دا بعدين
خرجت روز هي مش عارفه هو اقتنع بكلامها ولا مقتنعش قعدت صاحيه معرفتش تنام الفجر آذن راحت صحت فارس عشان يتوضي ويصلي وراحت تصحي هشام عشان يصلي معاهم بس لقيته صاحي
روز: صباح الخير يبابا هتيجي تصلي الفجر معايا انا وفارس
هشام : تعالي اقعدي قدامي يا روز
راحت روز قعدت قدامه
روز: نعم يا بابا
بصلها هشام والتردد باين عليه سكت شويه وبعد كدا
هشام : لو كنتي مش عايزه تتجوزي نادر فأنا مش هغصبك عليه يا روز وهقدملك في الجامعه اللي انتي عيزاها
بصتله روز بصدمه
روز :بابا انت صاحي
ضحك هشام ضحكه خفيفه
هشام: ايوه يا روز صاحي ومش هرجع في كلامي انتي كان كلامك صح انتو ملكمش دعوه باللي زهره عملته تعالي نصلي الفجر وبعد كدا ريحي شويه عشان شكلك منمتيش من ساعتها عشان بعد كدا اروح اقدملك ف الكليه زي ما قولتلك
حضنته روز جامد بفرحه وقعدت تشكره كتير أنه سمعها وهو كمان حضنها
بعدت عنه روز والضحكه علي وشها
راحوا صلوا مع بعض وبعد كدا دخلت تنام عشان لما تصحي تقدم ف الجامعه
روز قدمت ف كليه الهندسه وكانت فرحتها متتوصفش قابلت صحابها هناك وقعدوا يهزروا وهما ماشيين في واحد وقفها
احمد : انتي جديده هنا
روز :ايوه عن اذنك عشان متأخره
احمد وقف قدامها :استني بس يعسل انا محدش يسيبني ويمشي فاهمه
يتبع ....
ماريا ايهاب
أنت تقرأ
عشق البدر
Short Storyكنتي صادقه عندما قلتي اني لا احبك لاني اعشقك بل انا مُتيم بكي يا عزيزتي 😘 انا اشكر الظروف التي جعلتني التقي بكي واتزوجك يا روز ♥️
