بعد ما اتعرفنا الجزء الاول على ابطالنا نكمل خطة ندى
ندى بدات تجهز خطتها فى الانتقام من على وازاى هتنتفم منه؟
دخلت معملها فى الشركة اللى بتشتغل فيها وحضرت تركيبة سحرية بحكم خبرتها فى الكيمياء التركيبة هتخلى على يبقى ست كاملة
ايوة كدة بالضبط زى ماقريتوا مش غلطة كتابية
ندا حضرت التركيبة وجربتها على فيران التجارب بتاعتها ونجحت كويس جدا بس عندها مشكلة عويصة ايه هى؟
ازاى على هياخد التركيبة من ندا وهما الاتنين فيه بينهم مشاكل مع بعض؟
ندا فكرت كتير اوى ووصلت لفكرة مذهلة جدا ايه هى؟
ان ندا تتعرف على مى مراةعلى وتقرب منها وتبقى صاحبتها من غير متعرفها على شخصيتها الحقيقية ولا نيتها ف الانتقام من على
وبدات التنفيذ
ندا اخدت شهر اجازة من شغلها وبدات تراقب مى وعلى من بعيد وتجمع كل المعلومات اللى تقدر تعرفها عنهم علشان تعرف توصل لمى وتخليها صاحبتها وتديها التركيبة اللى تخليها تنتقم من على شر انتقام
ندا عرفتكل حاجة عن مى وانها صاحبة كوافير كبير وراقى ف منطقة كويسة وفكرت تروحلها بس هتقرب منها ازاى؟
ندا صحيت تانى يوم ولبست اشيك طقم عندها واتشيكت وراحت الكوافير بتاع مى ودخلت ولقت انه اول زبونة ومى بس اللى موجودة فابتسمت بخبث وراحت غندها وبدات تتعرف على مى وخلت اسمها شيماء علشان مىاكيد عارفة من على انه كان متجوز واحدة اسمها ندا
شيماء (ندا) طلبت من مى انها تقصلها شعرها وتغير لونه وتعملها ميكب وتخليها عروسة على زوقها فمى عجبها الموضوع وان اول زبونة تسيبلها نفسها تعمل فيها اللى تحبه وتفترى ف قص شعرها وى ماهى عاوزة
مى. ايه راى حضرتك اقصلك شعرك بوى واصبغهولك اصفر؟
شيماء(ندا)(بحسرة على شعرها بس محبتش تبين لمى) موافقة طبعا على زوق حضرتك ف القصة واللون واللوك كله
مى.(ابتسمت وحست ان الزبونة دى لقطة علشان شعرها هينفعها وهتعمل منه باروكة كبيرة خصوصا ان شعرها طويل جدا وتقيل ولونه اسود طبيعي)
مى جابت فوطة لونها ابيض ولبستها لشيماء وجابت الترابيزة اللى عليها عدة القص ولمت شعرها كله ضفاير وقالت لشيماء جاهزة؟
شيماء.( بدموع كتماها وحسرة على شعرها) جاهزة اوى ومنتظرة النتيجة بفارغ الصبر
مى. غمضى عينيكى علشان هبهرك وهتشوفى نفسك واحدة تانية خالص
شيماء. غمضت عينيها وسابت نفسها لمى
مى جابت مقص وبدات تقص الضفاير من جدرها من الجناب ماعدا من فوق سابته طويل شوية وبعد مابقت الجناب فاضية مى جابت الككنة الكهرباء وشغلتها جنب ودان شيماء اللى اتخضت بس لسة مغمضة عينيها وسايبة نفسها لنى علشان خطتها تنجح
مى خلصت الجناب زيرو يدوب نمرة تلاتة وبدات تقص شعر شيماء من فوق وخلته حوالى 5 سم وسابت المقص وبدات تجهز الشفرة تحدد بيها الجناب والرقبة والسوالف لحد ماخلاص مفيش شعر تامى هيتقصوبدات تجهز الصبغة وتصبغ الشعر اللى فاضل علي راس شيماء لحد ماخلصت ولفت راس شيماء بفوط الصبغة وقالتلها فتحى عينيكى مؤقتا لحد ما الصبغة تنشق واغسلك شعرك وتشوفى اللوك بعينيكى وهتتفاجئى
شيماء فتحت عينيها واتصدمت م الشعر لللى اتقص من راسها المرمى عالارض بس متكلمتش وقامت تقعد على كرسى الانتظار لحد ما مى تغسلها شعرها وتشوف اللوك بعينيها
مى تشربى ليه يا مدام؟
شيماء. اى حاجه حلوه شبهك كده
مى اوك انا هعمل نسكافيه سكر حضرتك ايه؟
شيماء بلاش حضرتك وجو الرسميات ده ممكن تقوليلى شيماء عادي ولا مش عاوزه نبقي اصحاب؟
مى ياخبر ابيض انا اتشرف بصاحبة زى القمر زيك ياشيمو انتى دخلتى قلبى من اول ماشفتك
شيماء (دانا هندمك على كل حاجة وخصوثا اما اخليكى تدى الحيوان على التركيبة) انا اللى اتشرف بصاحبة زى القمر زيك ياميوش وياريت نبقي اصحاب بجد وكمان برة الشغل كمان وازورك وتزورينى ونخرج سوى ولا عندك مانع
مى (مستغربة بس مرضيتش تبينلها حاجة) ياريت ياقلبي انا حبيتك وحبيت جراتك ولبسك زوقك وموافقة اوى اوى
شيماء (ضحكت وحست ان مى بلعت الطعم) قلبي ❤ انتى ياميوش
مى طيب سكرك ايه ياشيمو؟
شيماء زيك ياميوش وياريت تحطى صباعك ف للمج هيبقى عسل زيك ياعسل انتي ❤
مى حست ان شيماء هتبقى صاحبتها خصوصا ان مى ملهاش اصحاب خالص وكمان يعوضوا غياب على الميتمر ف شغله
شيماء تيه يبنتي روحتى فين انا بقالى ساعة بكلمك وانتى ولا هنا؟
مى لا ولا حاجه سرحت بس اتفضلى النسكافيه بتاعك بالف هنا ياقلبي
شيماء ميرسي جدا ياقلبي بس زوقك تحفة فالكوافير وستايلك ولبسك وقصة شعرك جميلة جداً ورقيقة وستايل
مى من ذوقك الراقي ياقلبي انا اصلا بقصه كدة من زمان وجوزى عازنى اطوله بس انا رافضة وكمان سهل ومبيتعبنيش ف الشغل والبيت
شيماء حست ان مى غلبانة جدا ومستاهلش واحد زى على بس هى هتنتقم من علة عن طريقها وهتاخد بتارها
مى ايه يابنتي روحتى فبن؟
شيماء فاقت وحاولت تبان طبيعية فقالت لمى بفتكر انى فعلا ماليش اصحاب وعايشة وحيدة وحبيتك جدا
مى تسلميلى ياقلبي انا كمان ماليش اصحاب وعايشة وحيدة زيك
شيماء امال فين جوزك واولادك؟
مى انا لسة متجوزة جديد وجوزى معظم الوقت ف شغله ومبشوفوش الا كل اسبوع يومين ولسة ربنا ماردش بخلفة واحنا ماجلين الموضوع ده دلوقتي علشان ظروف شغله لحد ما يفتح مكتبه هنا ونستقر ونبدا نشوف الموضوع ده تاني
شيماء (حست ان مى بتكدب عليها بس معلقتش) ربنا يرزقك ياقلبي
مى (غيرت الموضوع) يلا قومى معايا علشان اغسلك شعرك من الصبغة وتشوفى اللوك بعينيكى وهتتفاجئى
شيماء قامت مع مى وراحت المغسلة وقعدت
مى غمضى عينيكى علشان هبهرك وهتشوفى نفسك واحدة تانية
شيماء غمضت عينيها ومى شالت الفوطة وغسلت شعرها بالمية والشامبو وخلصت وقومت شيماء تانى وهى مغمضة عينيها وقعدتها على الكرسى وجابت فوطة ونشفت شعرها بعد الغسيل وشالت الفوطة وجابت استشوار ونشفت شعرها وعملتلها تسريحة
مى فتحى عينيكى ياقلبي
شيماء فتحت عينيها واتصدمت من اللوك بس مبينتش لمى وضحكت من ورا قلبها وقالت تسلم ايديكى فنانة
مى انتى اللى قمر ووشك جميل وعينيكى الاجمل
شيماء قامت ولبست الحجاب وفتحت شنطتها علشان تحاسب مى بس مى رفضت تاخد مليم منها وحلفت ان ده عربون صداقتهم
شيماء اوك ياقلبى ممكن رقمك علشان نتكلم مع بعض كتير وازورك او نتقابل ف اى مكان متغدى سوى
مى بفرحة موافقة طبعاً وادتها رقمها
شيماء سيفت الرقم وادت مى رقمها الجديد اللى مش متسجل باسمها علشان ممكن يبان عالتروكوللر اسمها
مى هكلمك نتقابل بكرة الاتنين وانا اجازة ونتغدى ف اى مطعم على زوقك
شيماء بخبث طيب وجوزك ممكن يدايق؟
مى متقلقيش جوزى بينزل يوم الخميس الجاي اجازة
شيماء اوك ياقلبى ان شاء الله وسلمت على مى وخرجت روحت شقتها واول ما دخلت شقتها فضلت تعيط على شعرها اللى راح وهى عمالة تحسي على راسها اللى بقت مفيهاش شهر تقريبا
مى فرحت جدا بالشعر اللى اخدته ببلاش اللى ممكن يجيبله اكتر من 5000 الاف جنيه عالاقل
يتبع
اهه الجزء الثاني طويل علشان متزعلوش وياريت اعرف رايكم ف التعليقات وافكاركم فالقصة
