ما بين العشق والغموض (الكاتبة/أميرة السيد)

اقتباس

_يا سيادة اللوا أكيد فيه حاجة غلط، مش معقول كل ده يكون صدفة، كل القاضايا دي مرتبطة ببعضها
أردف اللواء بهدوء يستفز أعصاب محدثه وكأن الأمر برمته مُزحة:
_مرتبط ببعضة أو لا مش مهم، المهم عندي تقبض على قاتل "أسيل الدويري" ودي هي مهمتك يا حضرة المقدم، والقضايا التانية دي متدخلش فيها، عشان دي موكلة لظباط غيرك، وشكرًا لمجهودك في الكشف في كل القاضايا دي، بس دي مش مهمتك، فياريت تركز على مهمتك بس ومتدخلش في شغل غيرك
قظم الآخر غيظه، وأردف محاولًا اقناعه:
_بس يا فندم ممكن نجتمع كلنا، كل الظباط الـ ماسكين القاضايا دي وأكيد هنوصل لحل

ـــــــــــــــــــــــــــــــــــــــــــــــــــــــــــــــ

_ملك
أردفت "ملك" بهمس وهي تسير ببطء شديد والأخرى تتبعها:
_نعم
_أنا خايفة أوي
توقفت "ملك" عن السير واستدارت لها بغيظ:
_يعني أنا الـ مش خايفة مثلًا، بقولك ايه انتي تخرسي خالص؛ عشان كله بسببك أصلًا، وأنا والله على تكة وهسيبك وأغور، وابقي حلي مشاكلك بنفسك بقى
أردفت الأخرى بسرعة:
_لا لا خلاص أسفة والله، يلا نكمل ومش هفتح بوقي تاني خالص
_ياريت وخدي بالك من صوتك مش عايزين نتكشف بسبب غبائك
_حاضر
سار الاثنتان ببطء مكملتان الطريق، ولكن فجأة فُتحت أضواء المخزن القديم اللتان كانتا تسيران به، ليخرج أمامهما الكثير من الرجال ضخام الجثة ليلتفوا من حولهم يشهرون أسلحتهم بوجه الاثنتان، وفجأة خرج رجل بعمر الأربعين من باب جانبي قائلًا بسخرية:
_مفكرين نفسكم رايحين فين يا حلوة انتي وهي
اردفت "ملك" بامتعاض:
_ايه يا مروان ده كله، بقى كده تخضنا يا راجل، ده أنت خالنا حتى
_ومادام أنا خالكم ايه لازمته الـ انتوا بتعملوه ده
_كُلك نظر بقى يا خال
_وانا أهو بقولكم لو انطبقت السما على الأرض مش هيحصل، وبعدين يا "ريم" ما لقتيش غير "ملك" تيجي معاكي، دي اغبى منك يا بت
أردفت "ريم" بتذمر:
_ما انت الـ خليت "مريم" معدتش تكلمي، فملقتش غيرها
اردفت "ملك" بغيظ:
_انا أستاهل ضرب الجزم أصلًا عشان ساعدتك، انا هغور واتفلقي بقى يكش يقتلك ونخلص
_أنا؟! أنا اقتل "ريم" حبيبة قلبي اخص عليكي يا "ملك" ده أنا خالو برده
أردفت "ملك" بسخرية:
_يااااه قلبك طيب أوي يا خال

بقلمي: أميرة السيد