Chapter 506 - မယုံကြည်သူ
ဝမ်မျိုးနွယ်ခေါင်းဆောင် ဝမ်ချန်ချင်ကတော့ ယန်ချီကို အံ့အားမှင်သက်စွာနဲ့ ကြည့်နေခဲ့ပြီး အချိန်အတော်ကြာမှ သူ့ဆီကို သတိပြန်ဝင်လာခဲ့တယ်။
“မင်း. . . ဘယ်လိုဖြစ်ပြီး မင်းရဲ့ အမြန်နှုန်းက ဒီလောက် မြန်တာလဲ”
ရှီးချန်မြို့မှာ အစွမ်းအထက်ဆုံး လူတစ်ယောက်ဖြစ်တဲ့ ဝမ်မျိုးနွယ်စုခေါင်းဆောင် ဝမ်ချန်ချင်အနေနဲ့ ဒီလောက် မြန်ဆန်တဲ့ လူမျိုးကို တခါမှ မမြင်ဖူးပါဘူး။
“ပုံမှန်ပါပဲ။ ဒီလောက်ကြီး မမြန်ပါဘူး”
ယန်ချီက ပေါ့ပေါ့ပါးပါး ပြောလိုက်တယ်။
ဝမ်မျိုးနွယ်ခေါင်းဆောင် ဝမ်ချန်ချင်လည်း နောက်ဆုံးမှာတော့ ယန်ချီအနေနဲ့ ဘာကြောင့် ဒီလောက်ယုံကြည့်မှု ရှိနေလဲဆိုတာ သိသွားခဲ့တယ်။ သူ့ဘေးမှာ ပေါ်လာတာက တကယ်ကို အစွမ်းထက်တဲ့ လှုပ်ရှားမှုပဲလေ။
စိတ်ဝိဉာဉ်ကုန်းမြေမှာ ကျင့်ကြံသူတွေ အများကြီး ရှိတယ်ဆိုတာ သူသိပါတယ်။ များစွာသော လူတွေက ကြည့်လိုက်ရင် အလွန်ငယ်ရွယ်ကြသော်လည်း သူတို့ရဲ့ အသက်တွေ ဘယ်လောက် ရှိလဲဆိုတာ မသိကြပါဘူး။
“ငါ အလေးအနက်ထားပြီး တိုက်ခိုက်မယ်”
ဝမ်မျိုးနွယ်ခေါင်းဆောင် ဝမ်ချန်ချင်က ယန်ချီကို စူးစိုက်ကြည့်လိုက်ပြီး အေးစက်စက်ပြောလိုက်တယ်။
သူက သူ့ရဲ့ ဆက်နွယ်မှု လက်နက်ကို ဆင့်ခေါ်လိုက်တယ်။
ချက်ချင်းပင် စိတ်ဝိဉာဉ်ခုနှစ်ခု ရစ်ပတ်နေတဲ့ ဂျူယောင်တူ ထွက်ပေါ်လာခဲ့တယ်။
ဒါပေမယ့်လည်း ဒီစိတ်ဝိဉာဉ်လက်နက်တွေက စကားထဲ ထည့်ပြောစရာ အကြောင်းမရှိပါဘူး။
“ဒါက ငါ့ရဲ့ ဆက်နွယ်မှု လက်နက် ဂျူယောင်တူပဲ”
ဝမ်မျိုးနွယ်ခေါင်းဆောင် ဝမ်ချန်ချင်က ယန်ချီကို ပြောလိုက်တယ်။
ယန်ချီက ဒီစကားကြောင့် မထူးခြားသလို ပြုံးလိုက်ပြီးပေမယ့် သူ့မျက်နှာပေါ်မှာတော့ မည်သည့်တုန်လှုပ်မှုမှ ရှိမနေခဲ့ပါဘူး။
YOU ARE READING
နတ်ဘုရားရေးရာ ဓားဆွဲထုတ်ခြင်းစနစ်( ယန်ချီ )စနစ်စာစဥ် အတွဲ ၁ (ခွင့်ပြုချက်ရပြီး)
Adventureယန်ချီရောက်ရှိသွားတဲ့ လောကကြီးမှာဆိုရင် နတ်ဆိုးမိစ္ဆာတွေနဲ့ လူသားတွေက နေရာလု တိုက်ခိုက်နေကြပြီး တနေ့မှာတော့ ယန်ချီက စနစ်တစ်ခုကို မတော်တဆ ရရှိသွားခဲ့တယ်။ အဲ့ဒီစနစ်ကတော့ ဓါးဆွဲထုတ်ခြင်းစနစ်ပါပဲ။
