يلا يا اينور يا حبيبتى احنا خلاص مسافرين دلوقتى اخواتك نزلوا ومستنين تحت البيت يلا يا اينور
واقتربت الام من ابنتها اينور التى كانت تنظر من شباك غرفتها بشرود وكأنها فى دنيا غير الدنيا
وكررت اميرة كلامها بشىء من الخوف يلا يا اينور هنتأخر يا حبيبتى
والتفتت اينور الى الام بحدة وقالت بصوت كله كرة وحقد وقسوة
قولتلكوا انا مش هسافر ومش هسيب اوضتى فاهمين ولا لاااااااااااااااااااااا واعدت اينور تصرخ بصوت عالى و بشع
وجريت اميرة وهى بتعيط على الصاله وكان آدم والد اينور واقف على باب الاوضه
اميرة قالت هنتصرف ازاى يا آدم اينور بتضيع مننا هنعمل ايه هنسيبها كدةدى اينور يا آدم
آدم اعد يفتكر البدايه واللى وصل اينور للحاله دى افتكر الحج عدلى السمسار ابن عم مراته
،،،،،،،،،،،،،،،،،،،،،،،،،،،،،،،،،،،،،،،،،،،،،،
و فى التليفون
والله لقطه لقطه يا آدم صدقنى هتدعيلى
انا خايف يا عدلى ليكون البيت قديم ولا هيقع يعنى احط كل اللى حيلتى فى بيت مش ضامنه
والله يا آدم يا أخويا انا لولا العشرة اللى بينا وعارف ظروفك وظروف شغلك انت و اميرة بنت عمى واد ايه بتتعبوا فى المواصلات
والله مكنت قلتلكوا على الشقه وكنت اخدتها لنفسى دى لقطه يا ادم لقطه هو فى شقه تمليك وفى المكان دا بالسعر دا يا راجل
مدا اللى مخوفنى يا عدلى اصحابها عايزين ليه يبيعوها بالسرعه والسعر دا
يا راجل مأنا قولتلك انهم مهاجرين كنكا باين ههههههه
كنكا ايه بس يا عدلى تقصد كندا ههههه بس بردوا انا مش مرتاح لصاحب الشقه خالص
يعنى انت يا آدم هتنسبه ولا هتجوزة اينور ههههههه
ودخلت اميرة وهى شايله صينيه الشاى وقالت قوله يا عدلى يا ابن عمى خلينا بقى نسكن فى مكان قريب من الشغل لحسن انا قرفت وزهقت من زحمت المواصلات والبهدله فى الاتوبيسات
تصدق يا عدلى الشقه دى من وصفك يدوب تلت دقايق مشى للشركه اللى شغلين فيها
حد يلاقى فرصه زى دى وميمسكش فيها بايدة واسنانه يا ادم
والله انا ممرتاح للراجل صاحب الشقه حاجه جوايا مش مطمنه معرفش ليه شكله كدا مش طبيعى ابداااااا
ردت اميرة : بقولك ايه يا ادم احنا يا اخويا مش هنسبه على راى عدلى كبر بقى دماغك ونشوف مصلحتنا فين ونعملها والراجل كدا كدا مهاجر استراليا ولا كندا اهو مش هيرجع تانى
تعال نروح ونتفرج على الشقه وناخد معانا العيال واللى فيه الخير يقدمة ربنا يا ادم بس انت انوى وصفى نيتك
.................................................. .........................
تعالوا نتعرف على الاسرة وهى مكونه من خمس افراد
اميرة الام
آدم الاب
الاتنين شغالين محاسبين فى شركه قطاع عام الشركه جنب الشقه الجديدة يدوب تلت دقايق مشى
أنت تقرأ
The Fateful House
Horrorفى هذه الرواية تأخذنا الاحداث الى ازمنة و مناطق بعضنا لا يحب ان يسمع عنها ولكن البعض الاخر يرون فيها الاثارة و التشويق تتحدث الرواية عن اناس تركوا منزلهم و اشتروا منزل اخر ،، ما يثير شكوكهم انه رخيص الثمن فتنقلب الاحداث فيرون فى هذا البيت اشياء غريب...
