*#المريود 《03》* 💙❤️
➖💱➖💱➖
*♡♡♡ــــــــــــــــــــــــــــ☆☆☆ـــــــــــ♡♡♡*
لبست للعيد وطلعتا مع صحباتي للمعايدة ولفينا الحلة كلللها 🤣😭 وكنت شايلة تلفوني في يدي لكن نهاي ما لقيت وقت افتحوا بس كنت متلهفة اشوف رسلي شنو 😔. جيت البيت المغرب وقلتا لامي زول يتكلم معاي مااافي انا فترانة شدييد قالت لي انتي بتين كنتي ما فترانة فتحت التلفون لقيتو مرسلي 😭❤ " كل سنة وانتي عيدي ❤ وانا بحبك بعد الالف ألف كمان وكمان " ولقيو كاتب لي شعر 😭❤.
انا: وانا بريدك بالحيل والله وكان الحيل فتر ريدتي لسا باقية ❤
سعيد : أحي ي لطيف 😔💙
انا : الاستهبال يخلوا لمنوا 🤣
سعيد : بتعرفي تفصلي اللحظة الحلوة 🤣😭 الصلاة ع النبي
داير اتصل ليك
انا : دقيقة بس اتحرك من الناس
المهم اتصل علي
سعيد : طلعتي حلوة لمن جهزتي للعيد 😔💙 صح ايي عارفك هو زول قلبو ابيض حيطلع كيف يعني😔💙
انا : شلتا نفس نظام خجلانة 🤣❤ وقلتا ليهو لااا طلعتا شينة
سعيد : 🤣🤣 بتخربي اللحظة العميقة الحلوة وتخليها أحلى وأعظم المهم انا بحبك ❤
انا : كيف العيد معاك الليلة ؟؟
سعيد: والله بقى حلووو اسي لمن اتصلتا عليك ❤ .. ذكرتيني حاجة .. قبيل اصحابي قالوا لي انتا فرحان كد مالك والليل كلوو امس ما نومتا ومع د كلو ما تعبان ومبسوط . انتي عارفة انك بدخلي البشاشة على قلبي وكل ما افكر فيك بضحك لا اراديا 😔💙.
" احنا علاقتنا دي ماف زول عارف بيها الا انا مكلمة صحبتي البيست بسسس وهو ما مكلم ولا زول حتى لو شاف منشور بتاع حب ولا منشور عن حاجة حلوة ما بعملي تاق بعملوا اسكرين وبرسلوا لي في الخاص " وبقولي د ليك ❤
" للوقت داك انا كنت بريدو وشايفاهو شخص مميز جدا لحدي ما حصل موقف وخلاني اشوفو الشخص ألارهب والاطيب والاحن قلب ع الاطلاق وخلاني أحبو ألفين مرة " اللي هو كان صادف يوم ضرب لي وانا مضغوطة من البيت وفي راسي ألف حاجة وضغط الجامعة وغايتو "
سعيد : بلسم كيف عاملة مشتاق ليك شديد إنتي وين الليلة؟؟
انا ؟ مرحب ، تمام والله
سعيد : شنو ، صوتك مالو كد عيانة ولا زعلانة ولا مالك ؟؟
انا : مافي شي كد د
سعيد عليك الله خلاص كويس لا انتي الليلةما طبيعية نهاي
انا : والله بس زهجانة وعندي كم شي معقد كد
سعيد : ايوا طيب كدي قومي صلي ركعتين وادعي فيهم حيلك كلو وانا برجع ليك بعد 10 دقايق بالظبط
انا : كويس " لحدي اللحظة ديك كنتا مستاءة وتعبانة وانا بتوضأ حسيت التعب كلو بقع معا الوضوء صليت ودعيت وبكيت حيلي كلولقيتو ضرب ...
لقيتو ضرب لي في الاول ما قدرتا ارد من حالة ما كنت ببكي المكالمة التانية رديت سكتنا زول فينا اتكلم مافي بقينا بناخد في نفسنا سوا لمسااافة كأنو بنطلع في كتمة جوانا صوت نفسو اداني هو قدر شنو زعل لمن عرفني مضايقة اللحظة دي بس كبر في عيني عشرة مرااات اتربع كد ع عرش قلبي ❤" كسر السكوت وقالي الدقايق الكنتي زعلانة فيها دي حسيت بنفسي مضايق 😭
انا : معليش والله 😔.
سعيد : قال معليش قال 🙂
انا : ضحكتا زييييين من قلبي كد
سعيد : قسما بالله أشتقت للضحكة دي ❤
" قعدنا اتونسنا واتكلمنا كتييير وعدت الايام وفي يوم كد صاحبتي جاتني زي الساعة9 قالت لي ارح معاي الدكان فقلتا خلاص انخت تلفوني امش واجي لشقاوتي ختيتو 🤣😭. مشينا الدكان وقعدنا نتونس وكنتا بحكي ليها بيهو والوقت مشى وما حسينا بيهو قلتا ليها ارح انا اتأخرت رجعنا البيت لقيت ابوي ماسك تلفوني قالي في زول دقا هنا قلتا ليهو ألو قالي هلا هلا 🤣🤣وقفل فيني انا وصاحبتي انفقعنا ضحك قلتا ليهو تاني ما قالك شي ابوي قالي انتي عويرة قلتا ليك قال هلا هلا وقفل 🤣🤣
بعد شوية ضرب رديت ليهو قلتا ليهو هلا هلا 🤣🤣وهو يضحك ويستريح
سعيد : 🤣 اقول ليهو شنو لقيت صوت راجل قلت شينة اقفل سايي
انا : لا حلوة تقول هلا هلا 🤣
" ما اكضب عليكم من يوم داك وللان صاحبتي كل ما زول يسلم علينا بنقول ليهو هلا هلا🤣❤❤.. الله يطراك بالخير "
المهمممممممم🤣🤣
سعيد : كيف عاملة
انا :كويسة والله ! عندنا عرس
سعيد : شنو ؟ ولي ؟ وبتين ؟ وعرس منو ؟
انا : بسم الله مالك 🤣
سعيد : عرس شنو كمان اهاااا من العرس البجيب لينا الهوا د
انا :🤣🤣🤣 كدي قول بسم الله اسي انتا مالك بتسوي كدي 🤣
سعيد : لازم تحضريهو يعني
انا : اييي طبعا عرس بت عمي والباقي ليهو شهر
سعيد : شهر كويس اطمنتا شوية
انا : غايتوو انتا
سعيد : ايي غايتوو انا ، عرسكم د الله يعديهو ع خير "حاسد الناس العايشين معاك ياريت لو كان حظي أعيش معاك واكون من أهلك ، كل مرة بتثبتي لي إنك كتلة حب ماشة ع الارض " بمناسبة حب دي انتي ما دايرة تقولي لي بحبك ؟؟
انا : لو قلتها ليك تاني نهاييي ما حأتكلم معاك وبحظرك فيس ومكالمات
سعيد : ي كافي البلاء لي ياخخ؟
انا : ما عارفة والله لكن بس كد
سعيد : فهمتك خلاص ما حأجبرك ع حاجة وكلمة بريدك دي منك انتي براها عندي بالدنيا والله ❤ وانا أصلا أدمنتك❤
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*
