عشك علويه

بارت 5

رحت نمت واني افكر بحجايته الي معرف شنو جانت بس ملازم ارد هيج عليه مهم اعتذرله واسكت مااجفص وياه وميعاد اكول للامي توكل لمها واني اعلمها
محمد.. دخلت غرفتي واني اكول هذا اول يوم هيج شلون راح اخلص الشهر اووووووف لفيت راسي ونمت واكتشفت عطر لحاف يجنن على هدوه نمت
ساااعه 5 العصر دك جهازي واني مغمضه وبلكوه العيون مفتحتهن تعالي نزلي خطار عدنا
ماما خو اني سلمت على خطار يعني مو وكتج ماما
هنأ.......تجين ولج خالاتج وخوالج وعوائلهم كلهم جاين
سمر....شنو سالفه حشد عندنا 😂😂😂
هنأ......كومي بسرعه 😂
سمر..... كمت بدلت ولبست بنطرون وقميص كابوي ازرق وقميص زيتوني وشال اسود ومكياجي بس مرطب ومسكاره واني اسوي بيها سحبه مثل الاينر وتنت خوخي وقليله منه على شفه وياها حمره نود وعطري المفضل (جيامن).اخذت جهازي ونزلت بعد عن درج 6 درجات وامي صحيلي لمحمد بسرعه ابو حرك جهاز عليه ركضت دكيت الباب عليه مرتين وثالثه كال تعال طب طب
اول مافتحت باب وصرت وراه بدون مااشوفه كولتله ابوك يدك عليه وعصبي انزله شو هذا بس كولتله هيج كمز يمي يله يله كوليله عشر دقائق يمك بسرعه
محمد .......جهازي سايلنت (صامت)ونايم وهدوء كلش حلو جان وعطر جان اله دور مدريت بيش ساعه واني متفق ويه ابويه نطلع ومواعد صديقه علمود بيت ب3 اجت البنيه ام شسوار كالت كمزت معرف شلون  ونزلت هيه وخابرته اني ورزاله غسل ولبس ماعرف ملابسي بجطه جوه لبست جنت بيهن نزلت اركض وامي غزرتني ابوك كلب دنيا عليك نوم كهف يما  عفتها وطلعت
سمر...... من نزلت سلمت على خالاتي وبناتهن وميعاد وساره ماموجودات سالت امي عليهن كالت راحن
سنا......يما ثموره شهل جمال فدووه
سمر......فدوه لعيونج حلوات  عمه
حضرنا اكل وخفايف بليل وشويه عمتي ام محمد اجتني يما سموره فدوه اروحلج محمد مياكل كباب بيت شنو عندكم غيره كولتلها اي راح اسويله كبه وبورك اوك ؟اي عاشت ايدج حبيبتي

احنا اتعشينا وخلصت هوسه مالت عشا بس لسا مرجع محمد بس ابو رجع جنت اريد اصعد انام اول مصعدت على درج حسيت احد دخل للمطبخ اجيت اريد اتاكد وشفت خيال بصراحه خفت كلش اريد اطلع وجان صون وكع كلبي من خوف كالي لحظه  صدك تحجي انت خوفتني خو كح سوي صوت
محمد ...... هاا افزع عالم اجيت اني واطكطك بل جدوره
سمر...... ضحكت بابتسامه صغيره
محمد ...... اوووو ماي كاااااد ضحكت يا ربي
سمر ...... باوعتلي بطرف عيني وكولتلع تره بشر
محمد ...... من اججيت لسه ماشفت ابتسامه لاباس من ضحكتي
سمر ...... حاولت اعتذر على خطا ضهر بس من شفت حجيه اتراجعت بسرعه كولتله تصبح على خير ورحت
محمد ..... حسيتها ضاجت من حجيت هيج بس اني كارهم كلهم مطايق احد
سمر من صعدت اتذكرت هوه مامتعشي
نزلت صار بوجهي وبعد بينا شبر وكولتله تريد عشى
محمد .....صعدت شو هاي نزلت وصارت بوجهي وعرفت عطر الغرفه من عطرها لان نفس الهدوء
صدك اني جنت جوعان كتلها لا
سمر .....ضل صافن عليه وكلي لا ونزلت اسوي عشا وهوه صعد واخذ  واني سويلته صينيه مرتبه وصعدت وجان ادك باب كالي لحظه
فتح باب واخذ صينيه وكلي لحظه اكدر احجي وياج شي كولتله تمام تفضل
محمد .... بس سوال واحد منو هنا من بنات عم او خال وما شابه اسمها سمر
اني انصدمت بسوال يعني ميعرفني
كولتله ليش بيها شي لا بس دا اسالج كولتله اني سمر اكو شي
باوعلي بعيوني ولوجهي بل كامل واني بسرعه كولتله يلا باااي ارتبكت كلش