" ثم يأت الله بأكثر شيء يعلم أنه سيقر عينك ، و يعوضک به علی صبرک . "
.
.
.
الكاتبة: فَاطِمه الــَ محُمد
___________________________________________________
واكفة انضف بالدرج وايميليا كاعده تلعب وي الاطفال.
ايڤانا: ميلي كعدي لا تتعورين
ايميليا: اريد العب ماسوي شي والله بس العب حبابهه
ايڤانا: تمام بس ديري بالج مو تركضين اني راح اصعد انضف فوك
صعدت فوك علمود انضف الغرف لان عليه تنضيف الغرف والدرج.
كملت تنضيف ونزلت علمود ناكل رحت صحت ل ايميليا علمود يجيبولنه الاكل.
جابو الاكل عبارة عن ماعون بي تمن ومرك كل واحد اله ماعون ومن الغده لحد العشة ممنوع ندخل للمطبخ او احد ياكل شي.
اكلت ايميليا خلصت ماعونها بس بعدهي جوعانة بسبب اللعب انطيتها ماعوني وضليت بدون اكل مع انو جوعانه لان ما تريگت بس اهم شي اختي تاكل.
___________________________________________________
كاعد بمكتبي اگلب بـ اوراق القضية شعر راسي وگف معقولة اكو هيج بشر قاتل اخته بحجتة العار شهل جهل هذا يمته يصيرون واعيين ويحلون كلشي بالتفاهم.
اندگ باب المكتب
سفيان: تفضل
ادهم: هالك كلب شلونك وين ماوين
سفيان: تعال شوف هاي القضية وكفت عقلي تخيل كاتل اخته بحجه جابتلهم العار لان جانت تحجي وي زميلها بالجامعة
ادهم: صدك عود هاي الناس شبيها شنو هل تخلف هذا
سفيان: مادري والله هسه اريدك تستلم القضية خوش
ادهم: خوش انطيني الاوراق ورايح لمكتبي
راح ادهم واني ضليت بالمكتب شويه وطلعت رجعت للبيت لان جنت محتاج ساران بشغلة.
سفيان: هاا يوم شلونج
ريم: هلا هلا يمه حبيبي انتَ شلونك
سفيان: حبيبتي الحمدلله اكلج يوم ساران بعده بالمستشفى لو رجع
ريم: لا والله يمه بعده ما رجع اليوم عنده خفارة
سفيان: خوش اني رايحله
ريم: الله وياك.
___________________________________________________
جنت كاعد بمكتبي فجأة اجاني ممرض كال اكو حالة طارئ لازم اروح اشوفها رحت وجان ولد مسوي حادث هوه واهله بس الولد متأذي اكثر شي اما اهله فـ عدهم جروح طفيفه
ساران: حسن تعال بسرعة لازم ندخله للعمليات روح جيب سدية وتعال.
راح حسن جاب السدية نقلنه الولد للعمليات وتمت الحمدلله والشكر طلعت من العملية رحت للمكتب علمود ارتاح لكيت سفيان كاعد
سفيان: ها ساران وكالو عندك عملية نجحت؟
ساران: اي الحمدلله والمريض حالتة مستقرة
سفيان: الحمدلله. اكلك اجيتك بشغلة
ساران: اي كول شنو تريد
سفيان: عدنا ولد وياي بالمحكمة عنده عملية قلب ومايكدر يسويها حالتة المادية مو كلش
ساران: اي عادي اسويلهيا اهم شي صحتة طز بالفلوس
سفيان: خوش هاهيه يمته فارغ حته يجيك
ساران: خلي باجر ماعندي عملية الساعة 9 خل يجي
سفيان: خوش يلا رايحه يمته ترجع للبيت؟
ساران: بعد عندي عملية بعد ساعه لازم اخلصها وارجع
سفيان: خوش يلا اودعناك
ساران: الله وياك.
___________________________________________________
رجعت للبيت دخلت واجتني لؤلؤتي وگمرتي يركضن حضنتهن
ادهم: هلا هلا بورداتي شلونجن
جيلان + ايميليا: زيناتت انتَ شلونك
ادهم: حبيباتي اني زين ما دام انتن زينات
جيلان: ادهومي سويت برياني الي انتَ تحبهه
ايميليا: وانيي سويتلكك كيكة بالكاكاو
ادهم: عفية عفية بگليباتي النادرات
جيلان+ايميليا: حضنن ادهم
___________________________________________________
Flashback:
كاعدة ويمي ايڤانا ماكدر اشيلها بحضني بسبب بطني.
شوية وبديت احس بألم فضيييع حسيت روحي راح تطلع كمت اصيح بصوت اريد احد يجي بالكوه اخذت جهازي واتصلت على جيرانة ام سجاد.
خيال: ام سجاد لحكيلي راح اجيب ابو ايڤانا ماهوههه
ام سجاد: ياا يااا هسه جايتج اني وسجاد ناخذ للمستشفى
اجت ام سجاد اخذت خيال للمستشفى بسرعة دلخوها لغرفة العمليات وايڤانا الي عمرها سنتين بـ ايد ام سجاد
سجاد: يمه راح اخابر ابو ايڤانا علمود يجي
ام سجاد: خوش يمه
راح سجاد خابر ابو ايڤانا علمود يكلة
سجاد: السلام عليكم
ياسين: وعليكم السلام هلا ابني سجاد شلونك
سجاد: هلا بيك عمي الحمدلله. عمي هسه احنه بالمستشفى اني وامي لان ام ايڤانا بالعمليات راح تولد
ياسين: هااا صدك عودد يلا جايكمم بالطريق
سجاد: خوش عمي الله وياك.
___________________________________________________
صعدت بسيارتي بسرعة دست اسرع شي خايف افقدها لان حملها خطر وممكن يأثر عليها وعلى الطفل.
دايس بنازين اسرع شي وبالكوة مسيطر على السيارة فجأة ضار ضوه بعيوني وبعد ماحسيت على شي....
___________________________________________________
ام سجاد: ولكم يمه سجاد اشو طولو تعال اخذ ايڤانا خلروح اشوف شصارلهم
سجاد: جيبيها يمه وروحي
راحت ام سجاد دخلت تسأل الممرضات على خيال فجأة اجاها الخبر الي جانت تتمنى ما تسمعه..
الممرضة: اسفين جدا بذلنه جهدنا كله لكن الاعمار بيد الله واكيد هاي ساعتها المريضة توفت...............
.
.
.
.
.
القصة من خيالي لاحد يجي ويكول القصة تشبه كذا قصة يمكن تكون صدفة،، الاسماء من خيالي
الكاتبة: فَاطِمه الــَ محُمد
أنت تقرأ
أصوات المساء
Romanceفتاة ڪَالملاك ولِدت بينَ عائلتها وحِيدة، بدأت حياتها معَ عائلتها بسلام لـــينور حياتها وردة صغيرة وهيَ أختها ومن هُنا تبدأ المعاناةٌ... . . . فتىٰ عــــاشَ طفولة قاسيةٌ من قِبل عائلتهُ لكنَ يأتي ذلكَ الشاب الذي سُـوف يُغير حياتهُ تدرِيجياً
