كتاباتي..

مشاعر..

هيلوو حبايب روحي شخباركم..

مشاعر...

لانسان يمر بحياته بفترات صعبه حيل ويحس نفسهه بس هوه الي مار بهاذه الشي مايعرف اكو الي مارين بلاصعب منه..

مشاعر مامفهومه
احيانا لانسان يحس نفسه كلش مختنك ويريد يبجي اي شي ميعرف شنو يسوي مشاعره ممفهومه مايعرف شنو يريد مايكدر يتحكم بنفسه ساعات يحس يريد يبجي ساعات يحتاج احد يكون يمه ويفهمه بدون ميحجي يفهم الي بداخله من نضره عيونه يحس بي ويكون اله وطن وامان

شعور مؤلم
شعور مؤلم لمن تكون طول حياتك لنقص شخص واحد تتمنه موجود وياك بس للاسف هوه موجود لمن تبقه تخطط وتفكر شنو تحجي شنو تشكي شنو تعتب شنو تسولف لمن تشوف ولمن تروح تشوف قبره گبالك وانت اجيت بأمل تشوفه هوه عقلك ميريد يستوعب انو هوه خلاص مموجود بلحياه مامتقبل هل فكره بس تخيب كل لامال لمن تشوف اسمه محفور ؏ قبر وتنسه كل الي خططته اله وبس الشهكه تطلع منك ودموع تنزل ياااريت اتمنه يطلع صوتي واصرخ بأعلى صوت اتمنه اطلع الصرخه الي بداخلي تهز الكون كله اتمنه اتمنه بس ماااكدر احس نفسي اختنك ماعرف شعور ماينوصف بكلام..

شعور موجع
تحس اكو شي مخفي عنك بحياتك ومخفي من اقرب الناس الك تكدر تكشف هل شي بس تخاف تنصدم من الحقيقه انت كاشف الحقيقه بس ماتريد تصدك ماتريد تسمع ماتريد حته تتخيل ماتعرف شنو تتصرف لو واجهتك هل حقيقه ساعات بدلي اصرخ گبالهم واواجهم بلحقيقه ساعات اسكت مااحجي ساعات اكرهمممم حيل اتمنه موتهم بعدين اندم واكول لا ماريد يموتون اني احبهم

تفكير متناقظ ماتعرف شنو تريد ولاشلون تتصرف هواي تخطر اشياء اتمنه اسويه واخاف من الذي خلق كل شيء

شايف من تحتاج شخص يمك تحتاجه حيل تحتاج حنانه امانه حضنه لمسه ايده الكله حنيه تحتاج تمسع صوته تحتاج تشوف عيونه مختنك حيل وتريد تحضنه وتصرخ بحضنه تريده يمسح بديه الحنونات اعله گلبك يمسح دموعك تحتاجه يدافعلك تحتاجه حيل الناس ماترحم ابد مترحم مابيهم الحنيه بس كلام بدون فعل الناس حيل قاسيه مؤلم هل شعور صح
مراح يحس بهل شعور اله الفاقد.
صعب حيل لمن تعرف شي بس تخاف تحجي لان اذا حجيت مراح يصدكونك تخاف حيل صعب لمن تتعرض الشي من شخص قريب عليك وتخاف تحجي صعب شعور احتاج اشكي وابجي وماالكه احد يمي صعب لمن تحتمي بلغرب بس تحسه امن الك من القريب.....

من بعدك الدنيه مابيهه امان
ادور بلبشر مات الحنان..
محتاجتك يابه🫂💔

حافضو ؏ ماتمتلكون فقد يأتي يوم وتتحسرون ؏ الوقت الذي مر من دونهم.. في حفظ الله.

الكاتبه.  يتميه الروح 🦅.