جمعنا القدر

2

حطوا نجمه و تعليق حلو زيكم

رواية / جمعنا القدر ❤️
للكاتبه / هاجر كرم ❤️

**********************

هاجر دخلت الاوضه ورزعت الباب وأخذت تبكي وتقول أنا تعبت أنا تعبت مبقاش عندي طاقه اتحمل ده كله عشان بسمع كلام ربنا وباره بأمي وأبويا علا هو انا وحشه اوي كده هو انا عملت حاجات كتيره وحشه في حياتي عشان كده ربنا بيعاقبني
علا : إنتي مش وحشه يا هاجر إنتي مفيش احسن منك أنا مشوفتش ولا هشوف واحده بترضي ربنا زيك إنتي كان ممكن ماتوافقيش علي الجواز ده بس وافقتي عشان ربنا عشان ربنا امرك بطاعة الوالدين غير انك صديقه مخلصه ربنا بيحبني عشان تبقي إنتي صديقتي وأختي اللي امي ما جبتهاش علي الدنيا وانتي بتحفظي الاسرار وبتتقي ربنا في كل حاجه في حياتك وفيا وفي نفسك وفي اهلك وأهل جوزك وجوزك وزمايلك وصحابك وغير كده المؤمن مصاب
هاجر : إنتي بتقولي كده عشان مزعلش صح
علا : والله ابدا ، أنا بقول كده دي الحقيقه ، بس صحيح شكله حلو
هاجر بعدم فهم : مين ؟؟؟؟
علا بضحك : هيكون مين جوزك طبعا
هاجر بضحك : تاني وانتي مالك
علا : بقي بتخبي عليا
هاجر : بخبي عليكي إيه يا هبله ، ده جوزي
علا : شكرا علي الشتيمه دي ، بس يلا قولي ...... يلا قولي ...... يلا قولي
هاجر : حاضر.....حاضر ، آه
علا : آه إيه
هاجر : حلو
علا : حلو بس
هاجر : بطلي يا لمضه آه حلو اوي كمان ومز
علا : اوبااااااا وقعناااااا
هاجر : تصدقي أنا غلطانه اني بتكلم معاكي ده إنتي ماشوفتيش نص ساعه تربيه اقفلي
علا : شكرا علي التهزيق ده
هاجر : عقبال كل مره
علا : تسلميلي ، اسيبك أنا لجوزك
هاجر : مع السلامه يا بكاشه
علا : مع السلامه وخلي بالك من نفسك ومتنسيش تكلميني
هاجر : حاضر
علا : لا اله الا الله
هاجر : محمد رسول الله
هاجر أنهت كلامها وقامت بخلع ثيابها وارتدت تيشرت من إحدي تيشرتاته وصل إلي منتصف فخذيها
هاجر : إيه ده ده قصير اوي أنا هقعد في الأوضه كده ، اه صحيح كده كده أنا قاعده لوحدي ومفيش حد معايا ومحدش بيدخل الا لما يخبط علي الباب 
خرجت هاجر من غرفت الملابس وذهبت الي السرير ونظرت الي زوجها المستقلي علي السرير وأخذت تلعب بيديها في شعره البني وتقول : آخ
ليه بيحصل كل ده أنا متلخبطه اوي اوي أنا حسه اكني في دوامه أو في كابوس ومش هصحي منه تاني آه ياربي انت اللي في ايدك كل حاجه يسرلي طريقي وريحني وعوضني عن التعب ده خير يارب
شعرت بيد تتحرك نظرت إليه ولكن لم تجد شيئا
هاجر : أنا شكلي بتخيل وإلا حاجه
شعرت تاني بنفس الحركه نظرت إليه بضقه فوجدت يديه تتحرك
شعرت هاجر بيد تتحرك مجددا
نظرت هاجر إليه ولكنه لم يتحرك
هاجر : إيه ده هو أنا مجنونه وإلا ايه ، هو بيتحرك ازاي ده أنا بيتهيقلي أنا زودتها اوي
رأت هاجر صهيب يتحرك مره اخري
فركت هاجر عينيها : إيه ده ده بيتحرك ده بيفوق هو جاي يفوق بعد ما اتجوزنا ، يا اخ إنت يا اخ إنت أنا هنزل اعرف بابا وماما أن أبيه صهيب صحي
صهيب بتعب ويحاول فتح عينيه : استني
هاجر : أنا
صهيب : آه أمال امي
هاجر : هو انت فيك حيل تتكلم لولا بس أن إنت لسه صاحي من الغيبوبه كنت وريتك
صهيب : كنتي هتعملي إيه ، وبعدين إنتي مين
هاجر : أنا مين ، أنا مراتك  وهعمل إيه ، هعمل كتير
صهيب بصدمه : إيه ....... مراتي ، ازاي أنا فاكر كويس أنا مافقدتش الذاكره أنا ماكنتش متجوز إنتي مين يابت اخلصي
هاجر ببكاء : والله أنا كنت زيك كده ، احنا كان كتب كتابنا امبارح
صهيب : احكيلي كل حاجه بس الاول اقفلي الباب كويس
هاجر : حاضر
قامت هاجر وقفلت الباب بالمفتاح كويس
هاجر : أهو قفلت الباب
صهيب : ماشي احكيلي يلا كل حاجه
هاجر : اول امبارح
Flash Back
يوسف : هاجر اعملي حسابك يا بنتي كتب كتابك بكره
هاجر : إيه ، ازاي هتكتب كتابي من غير موافقتي
يوسف : ما أنا وافقت
هاجر : وأنا مش موافقه
يوسف بغضب : هتوافقي غصب عنك يا بت إنتي
هاجر ببكاء : يعني انت عاوز تجوزوني غصب عني ، هو مين ده
يوسف : هو واحد عمل حادثه من اربع سنين وفي غيبوبه دلوقتي
هاجر : إيه ....... ازاي عاوز تجوزني غصب عني وكمان عامل حادثه
يوسف بغضب : هتتجوزيه بكره يعني هتتجوزيه  خلص الكلام وبكره كتب كتابك فهمتي يعني جهزي نفسك
هاجر ببكاء : حاضر
والباقي انتم عارفينه
Back
هاجر ببكاء : هو ده كل اللي حصل بالظبط
صهيب : يعني انتي متجوزاني بالغصب
هاجر ببكاء : آه ، هنزل اعرفهم تحت عشان هما كمان هيفرحوا اوي لما يعرفوا انك صحيت بالذات ماما سوسن
صهيب باستهزاء : ماما سوسن
هاجر : آه مالها
صهيب : ماما سون هي اللي عملت فيا كل ده
هاجر : ازاي
صهيب : هي اصلا مش امي ، هي مرات ابويا ، ابويا طلق امي بسببها
هاجر : ازاي
صهيب : من اربع سنين
Flash Back
صهيب : يا بابا ........ يا بابا ...... يا بابا
ولكن لا يوجد رد
صهيب : ممكن يكون في اوضته هو ماما سوسن وإلا حاجه
صهيب وهو يدخل جناح والده : يا با..........
صهيب بصدمه : مين ده يا ماما
سوسن بصدمه : صهيب استني
صهيب بصدمه وبكاء : بقا بتخوني ابويا مع ده ، ده أنا ابويا طلق امي بسببك وحرمني من امي بسببك وفي الاخر ده رد الجميل بدل ما تصونيه وتحفظي شرفه وكرامته تعملي كده
سوسن بضحكه شيطانيه : انا اصلا مش بحب ابوك أنا اتجوزته وخليته يطلق امك عشان هي كانت كل حاجه عاوزاها أو بتتمناها بتحصل عليها  أما أنا كنت مركونه علي الرف
صهيب : ده امي بعد كل ده بتقول إنتي اعز واغلى صديقه عندها
سوسن باستهزاء : اعز ما اعزش اغلي ارخص مش مهم
صهيب : هروح اقول ل أبويا دلوقتي و أخليه يعرف هو اختار إيه واللي بسببها طلق امي
سوسن بخوف : تبقي تعملها وأنا هموتك
ثم خرج صهيب من الڤيلا وركب سيارته وذهب مسرعا الي شركات السيوفي ليخبر والده بكل ما رآه لكن كان عشيق زوجت والده يتبعه بالسياره وقام حادث كبير ادي الي حالة صهيب هذه
Back
صهيب : هو ده اللي حصل معايا
هاجر ببكاء : يعني انتي حصلك كل ده وساكت
صهيب بضحك : اه في إيه مالك
هاجر : انت كنت في غيبوبه اربع سنين بسببها وهي بتمثل أنها بتحب ابوك وبتحبك
صهيب : هو أنا ليه مش قادر تحرك رجلي
هاجر : أنا سمعتهم بيقولو أن إنت لما عملت حادث حصل عجز في رجلك ومش هقدر تحركها  ، بس أنا عندي فكره تخليك تقدر تمشي وتعرف والدك الحقيقه وترجع امك ، اوكيه
صهيب : اوكيه ، بس اعرف هي إيه الاول

*************************
استووووووووب
هنكمل في البارت التالت انشاء الله 💙❤️🖤💫

اتمني الروايه تعجبكم ❤️💙🖤