[حَاولت أحبّگ زودً عن باقي الناس وأثري نسيت الناس من زودّ حبّگ]

Part 1

في (حايل ) وفي احد قصور عائلة ال عبدالله في قصر ( الفهد) عند بيادر أم العين: بيادر يامي يلا قومي الساعة 10:00 وانتي محاضرتك 10:30
بيادر بصراخ من الصدمه: احلفي؟ يالله يمه وشنوحتس توتس تصحينن ؟
أم العين: تو اشوف رسالتس بس قومي البسي ودقي على نارت
بيادر: ماييزي الوقت بس ان شاء الله ييزي
أم العين: والله من هذرتس مارح ماييزي ابتس انهجي
بيادر: ابشري ههههههههههه
قامت بيادر تصلي تلبس ملابسها وتحط تنت ومسكره وراحت تدق على نارت عند نارت: الو
بيادر: هلا
نارت: هلابتس شخبارتس اليوم؟
بيادر: الحمدالله بخير وانتي؟
نارت: بخير دامتس بخير ترا اليوم بنروح مع الآدهم او ملفي
بيادر: خير نروح معهم وانا معي سيارة؟ بس مادم انو فرصه خل ارتاح من السواقة بس لا مانبي ملفي احس مو جونا
نارت: شفتي اني ابيتس تارتحين ياملي صدز ملفي مو جونا بخلي الآدهم يودينا كوفي ونشغل اغاني ونستانس
بيادر: يابعدهم كلهم ي نارتي جعلني م اتزوج واقعد معتس وتدلعينن طيب بس لا تبطون بسرعه
نارت: اميننن ابشري بعزتس بس.
______________________________________عند اربع قصور كبيره وصباح يوم الأحد الساعة 5:00 صباحاً تحديدًا “حائل“ قام أبو الفهد يقوم عياله واحفاده للصلاة أبو الفهد: يعيال ثوروا لا بارك الله فيكم ثوروا للصلاة الله يهديكم ان شاء الله
أبو العين:خلاص يبه وش نوحك حارق أعصابك عليهم وهم كل واحد اكبر واطول من الثاني
أبو الفهد: غميضه عليهم حتى اخوانك الكبار صاروا يتوغدنون أنهج طق عليهم وأمش قوه على الصلاة واللي م يجي علاجه عندي
أبو العين: ابشر يبه
راح أبو العين رفع صوته وصوت للنادر والجسار و عياله وعيالهم أبو العين: يعيال ثوروا لا ترفعون ضغط أبوي اخلصوا علي ترا رحنا الحقوا بنا
أم ايهم:يليل ي ذي الناس اللي م تسد حلقها نادر قم صل وصح عيالك ترا أبوك وأخوك أزعجونا
أبو ايهم همهم لها: هم هم
أم ايهم بصراخ: نادر قم اذلف عني بسرعه قم
أبو ايهم: ابشري
………………………………
……………………………….

في نجد “العذية“

عند أبو الكاسر: أم الكاسر وش رايتس الاسبوع المقبل او باتسر نروح حائل والله اني مشتاق لصديق عمري
أم الكاسر: والله انها فكرتن طيبه مير بصرك شورك وهداية الله بس مانبي نروح كلنا ناس تروح باتسر و ناس تروح الاسبوع المقبل
أبو الكاسر: لا ي مره خلينا نروح كلنا مع بعض نص عند أبو الفهد ونص بالفندق
أم الكاسر: طيب ان شاء الله برسل عليهم بالقروب وانت روح للشغل
أبو الكاسر: ابشري خل اروح عاد اليوم عندنا شغل كثير يلا مع السلامة
أم الكاسر: الله معك
………………………………
……………………………….

بقروب الواتس
أم الكاسر: السلام عليكم يا عيالي وبناتي واحفادي باتسر ان شاء الله نبي نروح لحائل من اللي يبي يجي عشان نقسم السيارات
سلطان: عليكم السلام انا ياميمتي
دارين:عليكم السلام انا ولمى
الجساس:عليكم السلام انا وعيالي وزوجتي
وش عندكم بحايل؟
أم الكاسر: والله أبوكم يبي يتونس ويبيكم تروحون لعمكم
الجازي:انا وعيالي
الود: انا وعيالي الا عبدالله
أم الكاسر: وراء عبدالله م يجي يتونس معنا
أبو جابر: انا وعيالي كلهم
عبدالله: والله يجده عندي ودوام ولا اقدر اجي لكن الجايات اكثر
أم الكاسر: الله يحفظك يولدي
عبدالله:امين
______________________________________
في “نجد“عند بطلنا اللي قام وراح للشغل واتصل على سعود و الادهم سراج: الو
سعود:هلابك
الادهم: ارحُب يابعد حُيي شلونك؟
سراج: الحُمدالله وانتم؟
الادهم: بخير دامك بخير
سعود: تمام ي بعدي
سراج: يعيال والله ان الشوق واصل حُده
سعود: اي والله م ودكم تنزلون لنا؟
الادهم: اي والله حُاول بجدي سلمان
سراج: اما عاد؟ جدي سلمان م قال لجدي فيصل ترا بنجي لكم بحُائل باتسر ان شاء الله
الادهم: احُلف؟؟والله انو اطلق من يجي حُائل ياملي
سعود: يحُظ حُائل يوم انكم بتجونه
سراج: يلا مع السلامة يعيال جاء الغثيث
سعود و ادهم: مع السلامة
عند سراج
سراج: خير وش تبي انتِ انا ابي أفتك منك وانتي تلحُقني
سالم: وش فيها اذا جيتك وسولفت معك حرام
سراج: ياخي سالم اذلف الله يخليك ترا ادري انك تكرهني خلاص روح
سالم: اقول سمعت انكم بتروحون حائل ودي اخطب من عند جدانك ومن قال اني اكرهك؟
سراج: اتوقع معندنا بنات يخذون من الناس اللي م يحبونا اي بنروح لحائل ويلا اطلع من المكتب بروح للبيت اطلع بسرعه.
______________________________________
في (نجد) عند الجد سلمان بالشركة بعد م خلص من الاجتماع قرر انه يتصل يعلم فيصل انها بيجي (حائل) سلمان: الو ياصديق اشتاقت له والشوق وصل حده
فيصل: هلا بصديق لولا الاتصالات كان متت من الشوق يابعدي
سلمان: شلونك؟
فيصل: الحمدالله بخير وانتِ؟
سلمان: بخير دامك بخير
فيصل: الا م ودك تجي؟ حائل تراك من زمان عنها
سلمان: بسم الله كانك قاري أفكاري
فيصل: ليه؟
سلمان: كنت قايل لعيالي وبناتي اني باتسر بجي لكم وكلكم تروحون معي
فيصل: هاذي الساعه المباركه اخيرا يابعد حيي بتنور حائل
سلمان: اي يبعدي
فيصل: كم بتقعدون بحائل ي سلمان؟؟
سلمان: يمكن اسبوع ونص
فيصل: والله بتنورنا والود ودي انكم تقعدون شهور
سلمان: يويلي لو بنقعد شهور كان شغلنا كله خرب بس ان شاء الله بالعطلة نقعدها كلها عندكم
فيصل: ان شاء الله يلا يسلمان مع السلامة بروح اعلم أم فهد والعيال
سلمان: يلا مع السلامة.
______________________________________اللهم صلى وسلم على نبينا محمد.

في (حُائل) عند أبو فهد اللي من يوم م قفل من سلمان راح وأتصل على أم فهد أبو فهد: الو يا أم فهد
أم فهد: هلا يا بعد حُيي شلونك؟
أبو فهد: بخير يا ملي أم فهد أسمعي بكرا بيجي سلمان وأهله كلهم وابيتس ترسلين بالقروب للعيال وعيالهم عشان يجهزون كلشي بكرا طيب
أم فهد بفرحه: صدز؟ بس أبشر كلشي بيجهز اليوم وكم بيقعدون؟
أبو فهد: أسبوع ونص تقريبًا
أم فهد: غميضة عليهم ودي أنهم يقعدون أسبوع
أبو فهد: قلت لسلمان بس يقول يخرب الشغل بس زين انهم بيجون أسبوع
أم فهد: اي والله يلا مع السلامة بروح اقول للعيال
أبو فهد: مع السلامة
………………………………
………………………………
بقروب عائلة ال عبدالله
أم فهد: السلام عليكم يعيالي و يبناتي بكرا بيجي عمكم سلمان لحائل ويقول أبوكم ناموا بدري عشان تجهزوا لبكرا تراكم بتقومون من الفجر
أبو العين: عليكم السلام والله هاذي الساعة المباركة يوم عمي سلمان ينزل لحائل
أبو ايهم: عليكم السلام ان شاء الله
عبير:عليكم السلام طيب
المهرة:عليكم السلام بإذن الله
أبو الفارس: عليكم السلام تبشرين ياميمتي
والكل منهم رد ردود مختلفة.
______________________________________في مكان بعيد عن ابطالنا في مكان مظلم وبس في ضوء خفيف عند ايهم وسالم اللي يخططون على ابطالنا عشان يخربون كلشي ايهم:الا انتِ من تبي تأخذ من عائلتنا
سالم: والله مادري لان ماعرف بناتكم
ايهم: خواتي استبعدهم من اللي تبيهم
سالم: من زين خواتك عاد بنات عمانك احسن منهم بكثير
ايهم: ياشيخ انقلع بس احمد ربك اني بزوجك من عندنا
سالم: من زين عائلتكم شفت وحده من بنات عمات سراج يحلوهم عسل احسن من بناتكم الشينات وبعد على شينهم رفلات
ايهم بقرف: انتِ بقره ولا وش كلشوي تبي بنت تحسب بنات خلق الله لعبه عندك خاف ربك
سالم: انتِ البقره يالدبشه
ايهم وهو بيطلع من المكان: الدبشه ماغيرك يالمره
سالم: اقول لا تنسى تعزمني اذا جوا جدكم سلمان
ايهم: رح بس

………………………………
………………………………
في نجد (العذية) بعد ما رجع أبو الكاسر من الشركة على الغداء أبو الكاسر: مها علمتي العيال والبنات
أم الكاسر: اي يسلمان بس متى بتقسم السيارات؟
أبو الكاسر: طيب الحين اكتبي بالواتس اللي بيروحون مع بعض
أم الكاسر: طيب يلا قول
أبو الكاسر: انا وانتي وسلطان ودارين/ الكاسر وهند وجابر وتيا وعشق/ الجساس وليلى وسعد ويزيد/سراج وجميلة والجود ولمى/الجازي وعيالها/الود وعيالها.
أم الكاسر: طيب ان شاء الله كم الساعة بنروح؟
أبو الكاسر: الساعة 7:30 تقريبًا
أم الكاسر: اجل يلا خل اقول للعيال ونروح نقيل
أبو الكاسر: طيب
………………………………
………………………………
في قروب عائلة ال سلطان
أم الكاسر: السلام ترا قسمنا السيارات وشوفوا من اللي بيروح معكم انا وابوكم وسلطان ودارين/ الكاسر وهند وجابر وتيا وعشق/ الجساس وليلى وسعد ويزيد/سراج وجميلة والجود ولمى/الجازي وعيالها/الود وعيالها.
الكل منهم رد ردود مختلفة .. طيب،ان شاء الله،بدري والله.
______________________________________