.
.
.
فاتن : طلعت قبل البنات من الامتحان صورت كم صورة ومن طلعن رحنا نصور سوة
جانت اكو حديقة قريبه على المدرسة وهم حسيت اكو احد يراقبني باوعت اكو شباب بس ماعرف احد منهم
اخذنا صور وشغلنا اغاني وبقينا كاعدات نسولف كلت
بنات هذا اخر يوم بعد مانلتقي مو
مهى : اني بعدلي دور ثاني
نور : ليش اجلتي
فاتن : كم ماده اجلتي
مهى : انكليزي وكيميه
فاتن : الانكليزي صعب بس الكيميه سهله
مريم : اني هم اجلت كيميه
فاتن : اني ردت اجل رياضيات بس امي ماقبلت كالت لتاجلين الدور الثاني تجي اصعب
نور : يعني بس مريم ومهى دور ثاني
فاتن : الحمدلله اني خلصت
نور : اني هم
مهى : يالله بنات كومن نروح
فاتن : وين
مهى : للبيت غير !
فاتن : لا احنا متفقات منرجع ونطلع نفتر ورا الامتحان
مهى : لا اني ماكدر ماكلت لاهلي
فاتن : بكيفج حبيبتي احنا نروح مو بنات
البنات كالن اي كمنا كتلهن
لحظه لحظه بنات من هسه نبقى على تواصل مو تنقطعن وتكولن مشغولات بالدنيا ومدري شنو
اريد مثل المسلسلات من يخلصون ثانويه يحددون يوم وكل سنه يلتقون بي
نور : حبيت الفكره كلش
مريم : اني هم
فاتن : زين السنه الجايه مثل هيج يوم نلتقي بهاي الحديقه واذا ماكدرنا نبقى على التواصل نحدد مكان ونلتقي بي
مريم : اي اني راح ارجع افتح حسابي مالت الانستا هناك راسلني
مهى : اني ماعندي كلت من نخلص امتحانات اسوي
فاتن : اوك بما انو اتفقنا يالله لعد امشن
لحظه تعالن حضن جماعي لان مهى راح تروح
حظنا بعض كلنا ودعنا مهى ومشينا للشارع العام علمود نصعد سيارة ونروح نفتر بشارع اربعين وجوعانات هم نريد ناكل شي نمشي ونتفق وين نروح وشنو نسوي
قبل لانصعد اجاني اتصال من رقم غريب استغربت
الو منو
يوسف : اذا صعدتي وياهن بالسيارة راح تكونين انتي السبب بموتهن
فاتن : شنوو شلون يعني
يوسف : ابقي طبيعيه وكوليلهن ماراح اكدر اجي وياجن طلعي اي عذر وامشي باتجاه المركز
فاتن : يامركز
يوسف : امشي على ايدج اليمنى واوكفي على الجسر
فاتن : ليش
يوسف : اذا تحبين صديقاتج سمعي الكلام
فاتن : اوك
سديته واني احس جسمي كله يرجف كلت
ـ بنات لازم اروح ماكدر اجي وياجن
» ليش شكو
فاتن : مادري بطني كامت توجعني فجئه
نور : امشي اكو مستشفى قريبه خل نروحلها
فاتن : لا ماكو داعي مغص بسيط شويه ويروح
مريم: امشي شبيج هاي قريبه
فاتن : لا والله ماكو داعي هاي راح امشي منا واصعد واحتمال امر على ***
أنت تقرأ
النرجسيه والسادي
Romanceاكثر وصف اسمعه من الاقارب هو ( انتي احلى وحدة بالعائلة ) اما الناس من وجهة نظرهم ( انتي نرجسيه مغرورة متكبرة ) !! اني من الخارج مظهري جدا قاسي بس داخلي عكس خارجي تماما اني بالضبط مثل الي يشمروه كدام سيارة ويكللوله جنا نتشاقه وياك شبيك متتحمل شقى ومع...
