الكاتبه••
{عهودي القطعاني}
ملاحظه " لاايمكنكِ سرقه الروايه لانها تحتوي رُموز مُشفره!
موثوقه علي منصات التواصل الاجتماعي!
________
روايه🔥 " الخطيئه"🔥
من ضمن البوم
🔥 سلسله الانكسارات🔥
الحلقه {1}
____
لابأس انها جُرعه كبيره وثقيله من الخذلان وشرِبتها مره واحده وكان درساً قاسيا تعلمت منه ان الحب لايجب ان نبحث عنه فهوا من سياتي في وقت لم اكن اتوقعه ليطرق باب قلبي مثل نسمه بارده في صيف او مثل نسمه دافئه في شتاء تعلمت ان الاقدار مكتوبه مهما كنا نريد ومهما كانت رغباتنا حُره لن يحدث إلا ما كُتب لنا كانها طريق مرسومه بدقه لكل خطوه!
_______
جميله: باتك(والدك ) حصل لنا حوش جديد بكره نمشو في صبح وجهزن دبشنا (ملابسنا)
ليان: ووو تعبنا من شيل والحط
جميله: يا بنتي الله غالب تحملن هيتي قولي لختك تساعدك
ليان: حاظر يا ماما
دخلت ليان غرفتها هيا واختها!
ليان: شذي هيا نحطو ملابسنا في شناطي
شذي:مش فاضيه نا توه هيا
ليان: في شن اديري !؟؟
شذي: اتشوفي فيا قاعده ع نت هيا بري وجك
ليان: نت هذا خارط عقلك خرط
شذي: عقلي وحره فيه هيا خطيني
ليان: استغفر الله ياربي
#مشت ليان جهزت شناطي وكل شي من اغراضهم لعند غابت الشمس وجت ساعه 8مساء !
جميله : يا بنتي سعديني ع عشاء ظهري وجعني
ليان:توه نطيب انا عشاء بس شذي حتغسل لصحون !
جميله: هيا سلم بنيتي
ليان: حاظر
مشت ليان طيبت العشاء وتعشو وشالت لصحون للكوجينه (المطبخ)
ليان:هيا عدي اغسليهن ونشفيهن وحطيهن في البوكس مع لصحون لخرات مش في دولاب عشان نخذوهن معانا حوشنا جديد بكره
ريان: تسمعي فيااااا هييي
شذي: به به شوي بس
ريان:حنشوف
مشت ريان قعدت في غرفه وحدها تقري قرءان وتصلي وتدعي ربي يرزقهم ويفرج عليهم مجاهاش نوم ترقد نين إجي بوها (ناصر)مثل كل ليله !
وابوها مكنش يعلم ابدا انه بنته ليان تنتظر فيه كل ليله!
دخل ناصر للحوش (المنزل )
جسمه كله تراب ومتبهدل من شغل ومكنش احب انه بناته اشوفنه بلمنظر هذا كان يدخل حمام الامامي (حشاكم) ويغسل يدوش علي طول وتكون جميله مراته مجهزتله ملابس و بعدها يدخل للبناته ! ومكنش يحساب انه بنته ليان عارفه وفاهمه كل شي تشوف فيه من فتحت الباب وتبكي ع حالتهم و وضعهم تعبان كيف بوها يشقي عشان يوفرلهم لقمه العيش!
أنت تقرأ
الخطيئه (روايات ليبيه)
Mystery / Thrillerلاباس انها جرعه خذلان وشربتها مره واحده وسأتعلم درسا لم أتعلمه من قبل ♡"
