انا بكِل ليلة اسافرلَك
و اشوفَك مِن ورا الشباچ و ابچيلَك
و الگه ويَاك ذاك المَا يغنيّلَك
ذاك المايعرف مِن تُبرد يلولِيلك
چِنت وياي من تنَام حَتى عيوني اطفيلَك
و أرِد مَتعوب و اكولَن يَمتى اشكيلَك!
153#_في_قانون_الحَب
#اريج_المحمداوي
علي: ريناااااااادددد القميص وين
ريناد: شبيكك انته مو بغرفتك
علي: وينه گلبت الغرفه گلاب ماكو
ريناد: خيه هذا المطي طاك عنده عرج خل انطيه اله واجي
سارة: ههههه طاح حضج روحي بسرعه
علي:.... هذا سلوبي يعني ترديني مو محترم
واگو*
سارة: عفوا شهل الفاظ؟
علي: لتسوين نفسج غشيمه سمعتج
سارة: عزا هذا شبي يمهه.. احم
ريناد: هاك هذا متشوف اعمى
علي: اكلي تبن
ريناد: بكلمه وحده اطشرك واخلي بابا يطردك
علي: صدك خاف ماعندج خردة اني انطيج
يمه الحكيلي اوي خفت اؤي شكود قاصيوه
ريناد: ايعععععع
سارة: اسمعهم يتناگرون واريد اسد حلكي واحبس ضحكتي بس غصب عني اضحك
ضلو يتعاركون لحد ما ملو وزهگو من يمي راسي صار طبل
بقيت شويه ورحت نزلت سلمت على ام
ريناد ورحت للبيت لگيت ماما گاعده
(حبايب بعد من نگول ماما يعني خاله سميه)
تقره قرأن رحت يمها سلمت عليها وصعدت لغرفتي بدلت وضليت كاعده
على التلفون ضايجه وشوي وكمت
سويت حلويات وكذا وضميت قسم اودي لريناد ورة المغرب لان تاكل راسي ليش ما وديتييلي
وتسويلها زعله لان الانسه ريناد متعرف تطبخ سويت كيك وحلويات معجنات وكذا
خلصتهن ورحت اتوضيت وفرشت سجادتي وصليت خلصت صلاه مالي وديته انطيته ل امها واجيت رحت لزمردة هية وزها الي گاضياتها نوم وتلفون واكل ما اشوف منهن شي رحتلهن لكيتهن يباعن علتلفوناتهن وكاعدات
ضليت شوي يمهن وضجنه لعبنه دومنه
وگمت صارت بل 10 رحت سويت عنايه
بل بشرة وب 11 خلصت ونمت لان حيل تعبانه واكعد بل 4 اضل علتلفون لان مالي
واهس بكلشي حرفياااااااا.
_______________________________
علي: اباوع للبنيه لكاعده حلكها مشروك من الاذن للاذن
هاي شبيها.. انتِ ادخلي جوة يلا
رحت لغرفتي رحت سبحت .طلعت
بدلت ومشطت. خلصت اخذت السويج وطلعت افتر ضايج حيل.
وعندي اجازة فا ماعندي شي اسوي افتريت. شوي وخابرتني ريناد..
📞 ريناد: هلا بسندي هلا بحياتي وعمري
وگلبي وجلاويي ومصاريني وكلياتي و.
📞 علي: انجبي وبلا صبغ طلعه ماكو
📞 ريناد: خوية شبيك شنو طلعه شنو بطيخ لااا بس احم تدري ضوجه وكذا فا احم. اااا
📞علي: شنو فا احم احجي بساع
📞ريناد: شهيق زفير شهيق زفير.. اريد انزل بوبجي عليك الحسين والعباس اي شي تريده اسوي عسا ما تگلي انطيني غرفتج
📞علي: بصوت ناصي.. بدينه بل كلان خر* عمي نزليها بس ولي عني بس بشروط
📞ريناد: أامرني حبيبي سندي.
📞: حبشكلاتج منا منا الي بل ثلاجه طلعيهن.
📞ريناد: دنجب لك صدكت اسوي اي شي بش ردت اضحك عليك واروح.. اندگ باب الغرفه
📞علي: ها حبيبتي كلشي ماسوي فتحي
وانعل يوم الينطيج وجه بسرعه فتحي
اخذ غراضي و اولي
ريناد: ما تنجب.. سديت الاتصال ضل يدگ بل باب مالي خلگه اخير شي متت منه
فتحته. اتفضل استاذ
علي: غصبا ما عليج استاذ.. دخلت رحت للثلاجه مالتها الي متخلص
ريناد: لتمد ايدك على الكيك ولا على هاي المعجنات اخذ الثلاجه ولتاخذهن
علي: لا حبيبتي راح اخذهن.. غصب عنج
ريناد: لااااا متاخذهن
علي: لا والله
ريناد: افف اخذهن شسويلك لازم اتحمل
حرامات... صنعت بأيادي جميله
علي: ترا ما مصنوعه من ذهب
ريناد: انجب انته شتفتهم غير هاي مالت
حبيبتي وروحي وحياتي وتاج راسك.. الانيقه المتألقه سويرو
علي: صدوكك بداعتي دنجبي. اخذت الماعون ورحت للغرفه اكل. اكلت شوي جانت كلش. طيبه ضليت كاعد اكل وصافن
گطع سلسله افكاري صوت جهازي يرن
كمت اخذ الجهاز الي مخلي على الميز
واخذت جگايري همين المتصل جان صديقي....
علي: لك حمندلي
محمد: ها سرسري شلونك ما تدخل نلعب ضوجه..
علي: يلا ادخل هسة ادخل وراك
محمد: تمام يلا باي
سديت الاتصال ورحت للعبه.. ببجي جنت اللعبها ولحد هسة همين. دخلنه نلعب طلعت وردنه ندخل گيم شفت جايتني اضافه.. شفت الاسم..... جان...
_____________________
ها حلويني شلونكم
اول شي عظم الله اجورنا واجوركم بمصاب سيدي ومولاي موسى الكاضم عليه السلام
--------------
توقعاتكم للبارت الجاي
١-منو دز الاضافه لعلي؟
٢-شنو سوت ريناد!
منتضرة اجوبتكم ولو ماكو اي تفاعل
يلا باي حياتي انتو 😞✨✨✨✨.
أنت تقرأ
153 في قانون الحَب
Bí ẩn / Giật gânمشـهـد صوت عالي صوت حَزين وگفت والجو بارد وزخات المطر سريعه ومسموع فقط صوت المطر والبرق وصوته الي هسة بدا يحجي التفتت وباوعت على مصدر الصوت چان يباوعلي بنضرات توسل.. المطر چان غزير وسريع بس نبضات گلبي چانت اسرع بهواي بسبب رگضي واني اشرد منه، ضل يگ...
