عوض ربي

البارت الاول

‏أسوأ ما قد يصيب الإنسان
، هو أن يفقد شهيته في القول
، في الضحك
، في إظهار ردات الفعل
، أسوأ ما قد يصيبه أن يموت حيا .

__________________________________

جمانه: ست ممكن تعيدين لان مداسمع
المعلمه: سمع اهل القريه
جمانه:...........
المعلمه: نداءه
جمانه: شنو!!
المعلمه: ندااءه
فلم يصدقوا
جمانه: ست فدوه عيدي
المعلمه: راح اجي يمج وارد وانتي كتبي

كملت الرابع الابتدائي ونجحت ومرت الايام لحد موصلت ثالث متوسط ويوم عن يوم سمعي ديقل واعاني بس ماهتميت

ست سرى : جمانه ماما انتي مستواج زين وداتحلين كلشي بس المعادلات ليش متحليهن شنو متفهمين عليه؟

جمانه: ست مو ماسمع شرحج ف اعتمد فقط على الحفظيات

مدرسة الحاسوب كانت تعاني من نفس المشكله من تسألني ابقى صافنه على حلكها افهم شنو كالت من حركة الشفه

اتفقوا المدرسات بيناتهم وسوولي تقرير طبي وحولوني للمستشفى

وجانت النتيجه انو اذاني مطمومه نهائي ماسمع
وماتصير الي أي حل
الدكتور كال لامي فقدان السمع جان بسبب الحادث لانو وگعت ع راسي وتاذت الاوتار المسعية
أمي هنا بوكتها حظنتني وبقت تبجي
اني حسيت كانو اكو شي موزين راح يصير بية بقيت ابجي ويا امي واني ماعرف شنوو صاير اصلا
..........................
نرجع شويه ليورا

احمد (زوج اختي ): جمانه جمااااانه
جمانه: ها هاا
احمد: روحي جيبلي جكاير وتعالي
جمانه: هذا المحل معزل طعم
احمد: روحي عبري لذاك الشارع اكو محل يبيع جيبيلي وتعاي

جمانه: رحت جبت الجكاير واثناء عبوري للشارع فقدت وصحيت على صوت عالم يصيحون

عيفووهااا
وخروا عنهاا
وين اهلهاا
بت منو هذي

لحد ما رجعوني لاهلي وضلوا يلومون بيه ليش عابره الشارع وزوج اختي نكر انو هو دزاني اعبر الشارع وبقى يحجي عليه ويكولهم اني مادزيتها
والدليل جان باكيت الجكاير بيدي معقوج
بس تطمطمت السالفه وتنست

................

الدكتور دخلني غرفه فيها سماعات كبار وصغار مثل مال طياريين كاموا يسمعون الذبذبات مال اذاني ويسمعوني اصوات طنطنه او رنين ويسألني تسمعين صوت عالي تسمعين صوت ناصي كملت فحوصات وكلولي بكذا يوم تجين تاخذين سماعه الخاصه الج

.............
اجه اليوم تسليم السماعه واني بالطريق افكر ياربي شون حيكون شكل السماعه
زين شون حيتغير صوت العالم
زين شون حيكون صوتهم وهو عالي
زين راح توالمني لو لا
معقوله حيبقى سمعي نفسه

صحيت من تفكيره بصوت من امي

الام: جماااانه
جمانه: هاا هااا

الام: يلا وصلنا

نزلت ودخلنا للدكتور ولبسني السماعه وبرمجها على گد النقص العندي

وسألني تسمعيني؟

جمانه: بقيت فاكه حلكي ومصدومه اسمع الصوت بكل وضووح مثل من نخلي الهيتفون ويبعدنا عن ضوضاء اليمنا طاعت للشارع واسمع صوت سيارات
اسمع خطوات الناس
اسمع حديثهم
شعوور كلشش غريب
حسيت انو كنت ميته
وهسه عدلت

تغيرت حياتي فعليا وهواي امور تسهلت الي
بس كثرت المشاكل
كثر الضحك عليه

جنت دوم اسمع يكولون عني طرشه هههه متسمعين منو ياخذج
بيوم من الايام سمعت اقاربنه يسولفن
وحده تكول لثانيه ياا عبالي مثل جمانه متسمعين

ومرة اخويه دوم من تصيح بأطفالها تكولهم مو احاجيكم ليش متسمعوني لو طالعين على عمتكم طرشه

خلوني الوم بنفسي هواي
ليش اني هيج
ليش الوحيده بالدنيا لابسه سماعه
ليش ربي ديعاقبني
عن أي ذنب زين