دع عنكَ تبريرَ الجروحِ ونَزفها
من كنتَ غالٍ عندهُ لن يجرَحك..
.
...............................
اني :كل. الي سويته عفت الطفلة من ايدي ونزلتها بلگاع
ورحت بين المعازيم والهوسة حتى اغلس عن الي صار
بنات خالي مستمرات يضحكن علية وبنت عمي اخذوها لابن خالي
يعني بيت عمي اغلبهم موجدين بهاليوم وهم يضحكون علية
صعدت بغرفة من غرفهم وبقيت ابجي بجيت هواية حسيت انكسرت كسرة قوية ختنگت رغم الفرحة واجواء العرس
امي :جمانة تعاي نزلي وينج
جمانة :هياتني ماما جيت
مسحت دموعي وعدلت نفسي ونزلت وبقيت اضحك وارگص وياهم كانو مصاير شي ولا شفت شي
بنص الهوسة والعرس واجواءة شفت شخص شايل هالطفلة ويفتر بيها
ابوية : بلحوش شايل بنته وفرحان بيها وديرگصها
جمانة :بقيت صافنه علية
ابوية :هو هم صفن علية وبقى كانو متلهف علية يباوعلي من بعيد
جمانة : اني بسرعة طبيت جوا ومطلعت بعد مردت اشوف وجها بعد
رجع بية شريط حياتي كلة
رجعت للبيت واني صافنة شنو الفرق بيني وبين هالطفلة
شايلها ديلعبها ديشتريلها
وفرحان بيها
گعدت اسئل امي
جمانة :ماما احجيلي بعد شون جبتيني لدنيا ؟.. ... هالمرا جانت اسئلتي مختلفه
اغلبها ردت الها جواب يقنعني اني غلطانة بحق ابوية ؟
أمي: من حبلت بيج فرحانين وگلنة بلكت تطلع ابنيه
جمانة :ابوية هم فرح بيه من طلعت ابنيه !؟
أمي : شون لعد دللني دلال من عرف انتي ابنيه وشگد جنت اشوفه متلهف عليج
جمانة : من عافنة وراح وتزوج ابوية مبيوم اجة علية لو شتاقلي
امي : اجة اخذ اخوتج يمة
ويرجعوهم هيج بين فترة وفترة وانتي جنتي صغيرة اخاف عليج تروحين
جانو اخوتج يرجعون بيهم ابوخريان وگمل ووصخين وبعد مخليتهم يروحون يمة
جمانة : اي يمة كملي
أمي :جمانة عوفي هاي السوالف متفيدج روحي اقري وشدي حيلج عندج امتحانات
جمانة :كمت فتت للحمام سبحت وبدلت وكعدت اقرة
جانت عندي امتحانات ثالث متوسط
بالليل خابر رجل اختي رسل أمي
أمي : ها خاله شونك
زوج اختي رسل :هلا خاله الحمد لله
اگلج خالة راح امر عليج اخذج للمستشفى لانو رسل راح تجيب
أمي :ماشي خالة هياتني راح احظر نفسي
جمانة : ها ماما وين حتروحين
أمي : يمةة اختج راح تجيب نجيبها ونجي هاج هاي خمسة مصرف حطي بيدج خاف تحتاجين شي
جمانة : ماشي ماما نتبهي ع نفسج مو تتاخرين علية
أمي : يلا اجه رجل اختج راح اروح
جمانة : ياربي امي ترجع اليوم امتحاناتي عگب باجر ومحد بلبيت وياية بس مرة اخوية وجهالها
اجه ثاني يوم وامي ماكو !
جمانة :صعدت فوك لزوجة اخويا اكلج علياء خابري ع مجتبى خليشوف امي وينها كالت ارجع وماجتي
علياء :خابرت زوجها ودزلها خبر انو بنت اختي بلخدج وامي نايمة وياها من تصير زينه يطلعون
جمانة : نزلت جوا والوب هسه شون بية اني
عندي امتحانات وماعرف اقرا الا امي تسمعني
بدت لامتحانات وامي ماكو
اكعد الصبح ابجي واروح مختنگة لصديقتي رند
رند :صباح الخير جمانة
جمانة صباح النور رند
رند : شبيها عيونج حمر
جمانة: ها لا مابية شي
اني بداخلي الف غصه وميته الف موتة امي متعلقة بيها كلش وهي الي تسمعني وتغسلي ملابس وتسويلي ريوك
وهسة هي ماكو !
رند : تعاي كعدي بالصاله بين ما ابدل
جمانة : ماشي
ام رند تعاي رنودة بدلي وخل اراجعلج
جمانة :اني هنا ختنگت
وگمت ابجي
ام رند : شبيج خالة منو وياج مقارية احد مضوجج
جمانة : اني اشهگـ وابجي هاا مابية ودموعي تنزل وحدها
بلمدرسة ورند عرفت اني ليش جنت ابجي ع امي ومحد يقريني
رند حجت لامها الي صاير
وام رند قررت هي تراجع النه المادة من 6صبح للـ 8 اني ورند سوا
واعتبرتني كانو بنتها
ام رند كل يوم تدعي النه اني وبنتها حتى نجاوب ونتوفق ونرجع لبيتهم نحل لاسئلة سوا وصرت قوية واگعد وحدي من الصبح واغسل ملابسي
جمانة : مر عشرين يوم وامي مشايفتها لان بعدهي نايمة ويا بنت اختي جانت حالتها خطرة كلش وعشت ايام البكلوريا كلها وحدي
وقريت وحدي
أنت تقرأ
عوض ربي
Mystery / Thrillerوان شفيت فماذا عن الندوب ايتوقف نزيف الروح بكلمة اعتذر اتسامحنا الوسائد على الدموع التي ذرفناها فوقها اتسامحنا الاعين على ليال ذبلت فيها بالسهر والبكاء وحرمان النوم اينسه العقل ايام من التفكير المفرط ارهقته ليلاً نهاراً لسماعه كلمة اعتذر؟
