ဘဝ

ဘဝ

စကားလုံးကတော့နှစ်လုံးတည်းပဲ။ ဒါပေမယ့် အဓိပ္ပယ်ကအရမ်းကြွယ်ဝတယ်(ဆိုလိုရင်းက အကြောင်းအရာအများကြီးနဲ့ဆိုင်တာပေါ့)
ကောင်းတဲ့ဘဝ၊ ဆိုးတဲ့ဘဝ၊ ဘဝရည်မှန်းချက်၊ ဘဝလက်တွဲဖော်
စသည့်ဖြင့်အများကြီးပဲပေါ့။ ကျနော်တို့အရွယ် လူလတ်ပိုင်းအရွယ်ပေါ့
ငယ်ငယ်ကလိုဆိုးတာမိုက်တာကို ပြန်လည်သုံးသပ်တတ်လာတာမျိုးကို 
ကောင်း၏ အိုး၏ သေချာဝေဖန်သုံးသပ်တတ်တဲ့အရွယ်ပေါ့။ အဲ့လိုအရွယ်မှာပဲ ဘဝတစ်ခုကိုတည်ဆောက်ကြဖို့ တွေးတောကြချိန်တွေမှာ
ဘဝတစ်ခုကိုဘယ်လိုဖြတ်သန်းရမလဲဆိုတာကိုပါ ထည့်ပြီးတွေးတတ်ကြတာပါပဲ။ ဥပမာ ငါကတော့ ပျော်ပျော်ရွှင်ရွှင်နဲ့ဖြတ်သန်းချင်တယ်၊
တချို့က စွန့်စားရတာကြိုက်တယ်၊ အေးဆေးနေရတာကိုကြိုက်တယ် အမျိုးမျိုးပါပဲလေ။ ကျနော် နားလည်သဘောပေါက်တာကတော့ ကိုယ့်ဘဝကိုကိုယ်ပဲ ဦးဆောင်ရုန်းကန်ရတာမျိုးပါပဲ၊ ပျော်စရာတွေကော
စိတ်ညစ်စရာတွေကောပေါ့ ပျော်စရာကြုံရင်လည်း မိတ်ဆွေသူငယ်ချင်း၊ မိသားစုတွေနဲ့အတူဖြတ်သန်းရမယ်။ စိတ်ညစ်စရာတွေကြုံလာပြီဆိုရင်လည်း တီးတိုးစကားပြောဖော် အကြံညဏ်ပေးနိုင်မယ့်သူငယ်ချင်း၊ မိသားစုတွေအပြင် လက်တွဲဖော်တစ်ယောက်ပါရှိရင်တော့ ပိုပြီးပြည်ြစုံတာပေါ့လေ။ ကိုယ့်ဘဝရဲ့ အစိတ်အပိုင်းတွေထဲမှာ ပါဝင်ပက်သက်နေတဲ့သူတွေကော ကိုယ်ပါပျော်ရွှင်ကြမယ်၊ ဆွေးနွေးကြမယ် ၊တိုက်ပင်ကြမယ် ဆိုရင် ပျော်စရာကောင်းတဲ့ဘဝလေးဖြစ်နေမှာပဲလို့ ယုံကြည်ပါတယ်။