انقذني من اشباه الرجال

البارت ٣٨

انقذني من اشباه الرجال

الكاتبه خالده يونس ...

غيمة سوداء علئ سماء نينوئ 😔
     
وليلة سوداء اضلم موصل الحدباء💔

أشخاص لانعرفهم غرباء وأشكالهم غريبه جائونا بأسم الدينا يخدعون العالم
راياتهم السود كلً سواد قلوبهم
لايعرفون الرحمه
وبراياتهم منقوش كلمه لاإلا الإالله ورب العزه أهتز عرشه من أعمالهم
ذبح وقتل وهجر وسبي
عن اي دين تتكلمون وانتم ترتكبون المعاصي والأثم
فـ والله انكم اقذر خلق الله علئ الأرض واسم الله بريئ منكم
بأي ذنباٍ سبيتم  النساء
وبأي خطيئة ذبحتهم الرجال
ماذنب الطفل الذي ذبحتهم اباه أمام عينه وكم من طفل عاش يتيما وكم من أمراةٍ ترملت وكم من بيت هدُمت واصبحت دمارٍ وخراب 💔

اطلاقات ناريه والأوضاع باتت سوءٍ
والخوف عم المكان وضحايا كٌثرت
مانعلم ماذا حصل بين ليلة وضحاها انقلب الأوضاع الئ سوء بعد ماكنا نعيش حياة بسيطه  برفاهيه والسلام تعم بنا وكنا سعداء 💔

بريئ منكم السلام تاريخ ما ينسي على كل شخص مر عليه هذا اليوم سقوط الموصل

اجه عمو أبو نصر كال موصل سقطت وسجن بادوش فتحو وحررو كل المعتقلين الي بيه يعني الوضع أبد مايطمأن أبد بقه بس دعواتكم ان يرجع الوضع مثل ماكان كمنه ندك ونلطم بيبيتي ضغطها صعدت وحرنا بيها والطلاقات الناريه مستمرة ماادري أشلون مرت ذاك اليله الكل أستعد للدفاع عن الوطن كلمن بأيده سلاح صار يحرس مايعرفون لٱ ليل ولانهار والأخبار كله عن اشلون الدواعش كاعد يقتلون بالعالم بلموصل وبدو يستحلون الأطراف الموصل شلون يقتلون ويسبون الانساء  يعني بختصار مثل الفيروس من ينتشر بجسم الأنسان

لميت ملابسي وغراضي ورجعت للقريه مرت يومين وكلنه كاعدين ع أعصابنه تعبت أعصابنه من الخوف والتوتر لم يعد الوضع مثل ماكان قبل لقد فقدنا الراحه والسعادة شهر شعبان والمفروض احنه محتفلين بأجواء ولادة الأئمه (عليهم السلام) وحتئ نستقبل ورها رمضان مثل كل سنه م̷ـــِْن نستقبله بس هسنه كلشي تغيرت

جنه كاعدين كلنه ع القريوله الي بحوشنه دك موبايل أمي اجه علوش اخوي جابه وهو يركض المتصل كان بابا

وكلامه الي بجانه كلنه كال سمعنه أخبار ان القضاء الًيَوُمًِ راح يهجمون عليه الدواعش اخخخخ امي كامت تنوح وتبجي دكول يمه بناتي كومن خل نصلي وندعي خل تمر الليله بخير ولجن بنات الأخبار مايطمن ابد كمنه توضينه وكلنه بدينه نصلي وندعي الله يهدي الأوضاع صار الليل وبدت النزوح من القضاء للقريه وهوسه وسيارات كلمن يريد يخلص عائلته جابو النسوان واالأطفال

والزلم رجعو للقضاء وكلمن بأيده سلاح وفعلا بدت الهجوم ع القضاء والجيش وسكان القضاء اهواي قاومو 4 ايام ماهدئت الوضع اطلاقات ناريه ضحايا شهداء واكثر  الأمر المؤسف من احتلو القضاء بكامل وسكانها الشيعه كلهم تهجرو ونزحو لقريتنه انترس ناس بيتنه تقريبا بي 5 عوائل أغلب اهالي السنه ضنو ان الدواعش يريدون يحاربون بس الشيعه فـ ضلو بأماكنهم بس خاب ضنهم وماجانو يعرفون ان الدواعش اجه لخراب العراق بأكمله وبكل طوائفه 5 ايام بدت الحصار علينه من الأكل والكهرباء والي عنده مّرَيَـضّ ماكو اله علاج يموت مرينه بفترة كلش صعبه تحملنه الجوع والعطش والم الخوف وفقدان الفرح الوجوه كله كئيبه كاعده بلحديقه وبيتنه هوسه اطفال يبجون وناس مانعرفهم اصلا غربه فتحنالهم بيوتنه سمعت صوت مره عجوزة كاعدة وتون تقربت من يمها منظرها تقطع القلب لزمتها من ايدها كتلها خاله أشبيج توجعج شي اجه ابنها جايبلها علاج كال كومي يمه هاج هاي كوه دبرتلج حب راس كتله العفو خويه الوالدة أشبيها ليش جسمها كله اثر حمر وكدامات سود كال بصوت ناصي امي مريضه بمرض السرطان كافكم الله شره والمفروض هسه جاي ينطونها علاج كيمياوي بس يااختي مثل ماتشوفين الوضع اشلون صار نزلت دموعي ياربي ليش هيج صارت بينه شنو ذنبها المراة المسكينه فوك مرضها تهجرت من بيتها وكاعد تتألم ومالها علاج صرت ضليت 3 ايام اهتم بيها اخدلها الاكل يوم الرابع اخدتلها الأكل شفت ابنها حاضنها ويبجي بكل قوته عرفت ان المره ماتت كعدت بلكاع وصرت ابجي بكل قوتي والناس هم التمو منظر الابن مايروح من بالي من يكول يايمه