شلونكم فلذات كبدي 🤍
مشتاقين .. قبل كلشي صوتو للبارت واستمتعو 🤍
_________________________________________
نرمان : خلصت محاضرة وطلعت انتظر حكيم الجو بارد وبلاعيمي ملتهبة اريد بس ارجع للبيت
نسرين : لج عيونج فدنوب ذبلانة امشي احمد يوصلنة
نرمان : لا ميخالف حكيم ميقبل ارجع ويا احد
نسرين : يمعودة احمد من زمان تعرفي وخطيبي مو غريب هسة نوصلج واكيد اذا شافج هيج تعبانة ميكول شي باعي الساعة بيش صارت
نرمان : دقيقة خل ادك علية .. فتحت جهازي اتصلت بي ماكو رد تقريبا اربع مرات وماكو رد
نسرين : خاف صار قدر لا سامح الله وميكدر يجيج امشي عاد
نرمان : ماعندي حل ثاني راسي يون علية وافقت وصعدت وياهم بالسيارة والطريق كلة كلبي يدك سريع اخاف اذا شافني اتفشل كدامهم مشت السيارة شوية وكف
احمد : ابن خالتي يرجع ويانة
نرمان : هنا حسيت كلبي وكع من الخوف انوب ابن خالتة ويانة دغيت نسرين نزلت من السيارة وصعدت بصفي وصعد ابن خالتة .. سلم وكعد
نسرين : لج شبيج فكي شوية راح تموتين
نرمان : لو باقية بالشارع احسن
نسرين : ترة الولد محترم حتى حلكة ما فتحة
نرمان : وحكيم شيقنعة
نسرين : بلكت مموجود وكليلة رجعت ويا البنات بالخط
نرمان : اذا حكيم مموجود اخو موجود
نسرين : منين ما اجيج تجيني
نرمان : وصلنة قريب البيت طلبت منهم ينزلوني براس الفرع بس ماقبلو وكفت السيارة بالباب شفت فاروق والجهال واكفين اول ما شافوني ركضو علية
كنان : ماما عبالنة خطفوج
علي : بجي .. شيليني
نرمان : اجة فاروق سلم على الولد واشكر منهم طبيت للبيت سألت علاوي بصوت ناصي .. بابا وين
علي : يدور عليج
نرمان : صخام بوجهي التفتت على فاروق الكالب وجها فتح مبايلة واتصل على حكيم
فاروق : هاي مرتك رجعت تعال
حكيم : ويييين جااااانت وشلون تررررجع وحدهاااا
فاروق : ارجع واسألها ..
نرمان : اخذت الجهال وصعدت الوم بنفسي لو باقية بالشارع ولا هيج صاير فتحت مبايلي لكيت 40 مكالمة من حكيم ونزار والمبايل صامت .. دكيت على حكيم رفضة ما اتأخر شوية ودخل طبيت للغرفة وسديت الباب طب يباوعلي وايدة ورا ضهرة وعيونة تنط شرار
أنت تقرأ
على قمة الحكيم
Romanceروايه حقيقيه .. بقلمي انا الكاتبة : ضحى ال عامر وكلما زارني الحنين كنت ارتشف معه جرعة من الماضي الى ان نثمل سويا لوعا والما ما جعلني اخشى سكون اليل وحشة لمن كان اسير ذكرياتي ذكريات غير قابلة للنسيان .. بين ثنايا الضلام هناك من فتح ذراعه لي هوا رجل ح...
