رواية مشاعر مؤقتة
البارت الاول
القصة حقيقية 100%
جمانة يمة اكعدي صارت ب ٦ يلة تلحكين العالم تريد
الخبز من الصبح
جمانة : اي ماما كعدت اني اسمي جمانة خالد ارملة
وعمري ٢٣ تزوجت عمري ١٩ ورى سنتين انتحر زوجي
لاسباب بعدين تعرفوهة ورى وفاة زوجي رجعت وية
وية امي بابا متوفي من جنت صغيرة تمرض ومات
اتذكرة مثل الطيف جان عمري ٤ سنوات من توفى
اني كملت سادس علمي وكعدت لان حالتنة ضعيفة
ومنكدر لمصاريف الكلية امي جانت تخبز وتخيط للعالم
حتى تعيشنة اني الوحيدة لاهلي بابا جان متزوج قبل
امي وعندة منهة ٥ ولد و٣ بنات بس ماعرفهم
ولاشايفتهم يكرهون ماما لان بأعتبار نزلت ضرة على
امهم والي عرفتة انو امهم توفت كرايب عدنة خير
من الله عمام وخوال بس كلمن ملتهي بحياتة ومحد
مفكر بينة بس بالمناسبات نشوفهم وامي هم متحب
تختلط بيهم تكول كلهم مو خوش ناس ومصلحجية
من قبل لااتزوج اني جنت اعين امي بالخبز والخياط
علمتني من اني وطفلة على شغل البيت والخبز والطبخ
لان ماعدهة غيري ورى مترملت كمت اني اخبز واخيط
لان امي كبرت وتعبت من الشغل رجليهة بعد متعينهة
وصار عدهة اشكال امراض من القهر علية ورى مترملت
لان جان حلمهة تزوجني واستقر ويصير عدهة احفاد
بس القدر رجعني عليهة اني شكلي مقبول شعري اسود
طويل عيوني وسط ولونهن جوزي خشمي وسط حلكي
صغير ووجهي دائري وبيضة وطولي ١٦٠ الناس تكول
حلوة بس اني اشوف شكلي عادي ومقبول عندي
جيرانة
تغريد مرية ارملة عمرهة ٤٣ وهي صديقتي ودائما
وياية
وتساعدني وهي ساعدتني وسوتلي راتب ارامل هي
جارة واخت عزيزة علية حيل
حياتي متعبة وشاقة اكعد من الصبح ب ٥ او ب ٦ اخبز
وراهة انظف البيت واطبخ الغدا واكعد اخيط اضل
علمكينة للمغرب اسوي عشى وهم ارجع اخيط لل١٢
يلة انام تغريد ترزل بية وتكلي راح تعمين ويصير
أنت تقرأ
مشاعر مؤقتة
Romanceهي ارملة عشرينة تدخل بسبب الضروف في زواج مؤقت مع عسكري فهل سيقعان في الحب ام تبقى مجرد مشاعر مؤقتة القصة منقولة من حسابي الاول بقلمي روان احمد
