PACIFY 🌈( Mizo BL Story )

IM COMING EDDIE 😇

CHAPTER -  22

PACIFY

THIHNA CHUAN THEN HRANG MAHSE

THIHNA BAWK CHUAN A IN TAWN TIR LEH TA .....

🍁🍁🍁

Ni leh thla a liam a , kum thum hial a vei ta reng mai , ni tam liam tawh mahse ani kha he ka thinlung tlawm te ah hian ala cham reng a , ngilh ni reng a awm thei ngai dawn hian ka ring silo , karkhat ah vawihnih tal a thlan ka tlawh thin mahse kei atan chuan chu thlan chu tahna leh lungngaihna a thar a min thlen tu mai ani si

A thlalak en in tap hawm hawm thin mah ila , a beng a thleng pha tawh silo , ka Ngaih thin zia leh ka Hmangaih zia te , a tello a hringnun hahthlak zia te hi hrilh fo thin mah ila chhanna min pe tu tur ber a awm tawh si lo...........

Tlangval nupui nei rual kum 28 lai ka lo ni ve ta reng mai , mahse he ka rilru leh taksa zawng zawng hi a chau ani , chhungkaw din turin chakna reng ka neilo , bakah hmeichhe pawisawilo tihnat chu ka duh bik hauh lo , fa lo pawm ta teh reng pawh niila , pa Hmangaihna tak tak ka pek theih hi ka ring lo .

Ka nu leh pa pawn nupui nei turin min ti ngailo ka kum pawn a pha mah mah tawh tih pawh an hre meuh mai mahse ka awm dan in zir hek lo le , mipa puitling ka ni tawh a ka tana chhia leh tha hrerual ka ni bawk a , naupang anga tih tur hrilh diam diam rual ka ni tawh lo bawk nen .............

Eng pawh chu nise kum a vei nasa hman bawk nen thil hi a danglam sawt lutuk , Pa Jordan pawh Bangkok lamah a awm leh tawh a , chuan ka nau bella pawh kum 18 a ni ve tawh a , class - XII zirlai niin shillong ah lehkha zirin a awm ve mek bawk  , ka nu pawh a kum te alo tam tawh a ,a  hna atang a pension in ,  inlamah hian a awm chawt tawh mai ........

Skip....................

Sawi tak ang khan , ka pa pawh a kum alo tam ve tawh bawk nen a aiawh chuan ka thawk ta a , ka pa hian Bangkok lamah tho hian Company lian pangai ve tak a nei a chutah chuan CEO nihna ka chelh ve mek ani ......

Mizoramah kum khat dawn lai chu ka tlawh tawh lo , ka seilenna ram ngei nimahse haw chakna ka nei hran tawh lo , a chhan chu nghaknghel taka min lo hmuak tu tur ka nei tawh miau silo , nun thar neiin bul han tan tha tawh mah ila , nunhlui nghilh ni lah awm lo , sulhnu tam tak min hnutchhiah a , chuan kha a bracelet min kawl tir pawh kha tun thleng hian ka la kawl tha , naupang lai a ami anih avang khan ka bun tawk lo mahse ka dah tha tlat thung ..........

Ni a liam ang zel in , thil a danglam a , hmangaihtu chuan a hmangaih chu a theihnghilh a , hmalam pan in hun kal tawh ten a ti buai phalo a , tih te hi ka hringnun ah erawh lang pha ve tlat lo ........

Kum a vei hnem pauh leh nunhlui ka hrebel a , zantin deuh thaw amah ngaiin ka tap a ........

Mangramah tal in hmu thei thin mah ila , a tak ani ngai silo .

Amah ka ngaih avanga ka mittui tla te hi hmuve hian ka ring thin ......

Ani chu thlarua niin , min thlir ve reng thin hian ka hria a , mahse ngaihruatna mai mai ani thin si .....