"نسالك يا الله لطف القدر ، وحلاوه الايام ، وسعاده الروح وراحه القلب"
🤍🤍🤍🤍🤍🤍🤍🤍🤍🤍
مليت من القاعده في البيت قررت اني انزل اتمشا استاذنت من ماما وخرجت كانت الساعه حوالي 4 العصر فضلت المشي ومركبتش تاكسي روحت للكرنيش مكاني المفضل وصلت للكرسي اللي متعوده عليه حطيت السماعه ف وداني وسرحت ف الفراغ للحظات ودموعي نزلت ف الاول كنت متملكه اعصابي بس بعدين مقدرتش اتحكم ف صوت شهقاتي مبقتش شايفه قدامي من كتر العياط كل الذكريات الوحشه اتجمعت قدامي 'وفات بابا'بعد اعز اصدقائي'خطيبي اللي سابني بعد محبيته علشان وقتها كان عندي كانسر مستحملش تعبي وسبني ف اكتر وقت انا محتاجاه في'بعدي عن عيلتي اللي بحبها'وغيرو من الاحداث المؤلمه فضلت اعيط فتره كبيره معرفش قد اي لحد مهديت وفتحت عيني لقيت واحد واقف قدامي ومبلم وكانه بيشوف لوحه فنيه
انا نور 23 سنه متخرجه من تجاره انجلش عايشه في شقه بابا اللي جينا فيها بعد ما عيلة بابا نصبه عليه وخدعونا كلنا واخده فلوسنا بعدها بابا مات بحوالي تلات سنين (حين غاب والدي إنكسر ظهري بقيت بلا سند والالام ملت قلبي)الشقه في حي راقي نوعا ما الناس هنا بتحبني ونا كمان بحبها
*******************
( سيف )
طلعت من المطار واخت تاكسي ورحت المينا استلمت العربيه بتاعتي اللي بعتها قبل نزولي بيومين ركبتها واتجهت علي شقه عيلتي واللي بقالي خمس سنين مشوفتهمش ونا رايح عديت علي الكرنيش وفتكرت ايام زمان حبيت ارجع الماضي ركنت العربيه ونزلت روحت علي الكرسي بتاعي اللي كنت بقعد عليه دايما قبل مسافر وكمان كنت حافر عليه اسمي عارف مكانو فين بالظبط مع ان كل حاجه اتغيرت تماما في الخمس سنين دول روحت عليه كان اتغير وملقتش اسمي عليه
(ما دا طبيعي اكيد يعني مش هيغيره وكتبه عليه الاسم تاني 😂)
بس لقيت اسم تاني محفور عليه وكان في واحده قاعده منهاره من العياط ومن الواضح انها محستش بيا اصلا بسبب السماعه اللي حطاها وكمان كانت مغمضة عنيها وهي بتعيط فضلت مده وانا واقف لحد متخلص معرفش لي وقفت بس شئ جوايا عاوز كدا عدي تقريبا نص ساعه ع الحال دا لحد مابدات تهدي وخلصت عياط وهي بتمسح دمعه من علي وشها كانت شبه الاطفال كف ايدها الصغير وطريقه مسح دموعها رياكشن وشها اول ماشافتني كانت شبه الاطفال قوي
انا سيف 30 سنه دارس هندسه اول سنتين في الجامعه كانه هنا ف مصر وبعدين سافرت كندا كملت باقي سنوات تعليمي وشتغلت علي نفسي وجتهدت وحققت حلمي وبقا ليا شركتي الخاصه ونزلت مصر علشان انقل كل شغلي هنا واعيش مع اهلي واللي بعيد عنهم بقالي الخمس سنين تقريبا
"""""""""*""""""""""*""""""""""
نور بخضه : سلاما قولا من ربارحيم
سيف بضحكه : ايه يا بنتي شفتي عفريت
نورهان بضيق:لا شفت واحد معندهوش دم واقف مبلم فيا انت واقف متنحلي كدا لي
سيف ببرود:مبلم ومتنحلي امممم علي فكره ولا دا ولا دا انا كنت جاي اقعد علي الكرسي بتاعي لقيتك منهاره محبتش ازعجك قلت خليها تخلص وبعدين اقومها
نورهان ببرود : هه وانت مفكرني هقوم تبقا بتحلم كل الناس هنا عارفين ان دا بتاعي انا ومحدش يقدر يقرب عليه
سيف بستفزاز:لي جيباه من بتكوا
نور:لا مكتوب علي اسمي ي خفيف ووسع من خلقتي علشان مش نقصاك
سيف:هو انا قومتك منتي قاعده ونا واقف مش مكفيكي
نور:والله انت واقف قدامي وانا بحب ابص في الفراغ وانت سادد الرؤيه ليا
سيف:متبصي هو حد كان منعك
نور بنرفزه:والله هبص في ميتين اهل استغفر الله العظيم يارب اصتبحت علي وش مين بس يا رب بص يا كابتن متعصبنيش علشان هقول كلام انا وانت هنتفجئ بيه اشطا
سيف: والله لو عملتي ايه مش همشي
نور:جتك البله في تناحتك انا اللي غايره سديت نفسي عن القاعده
سيف:استني بس هقلك انتي كنتي بتعيطي لي
نور:ونت ايش حشرك خليك في حالك
