لماذا ياأمي؟!

(٣)

ابو خالد: خلاص خلاص البنت بتروح بيت ابوها ونتِ بتشوفينها مارح نخرمك منها ولحين جيبي البنت

فاطمة:اول شي شلونك يبدر وابو بدر ؟

بدر وسليمان: الحمدلله بخير

فاطمة:كيف امك يا بدر إن شاء الله بخير؟

بدر: الحمد لله بخير ونتِ؟

فاطمة: الحمد لله المهم ساليان طلعت مع امها وخالتها للسوق اول ماتحي بجيبها

ابو خالد:طيب روحي جهزي اغراضها

سليمان :يالله حنا نستأذن يالله يا بدر

بدر:ليه مني ماشي من  هينا الا وبنتي معي

سليمان:يعني خمس سنوات ماشفتها جت على اليوم ؟؟. إن شاء الله اول ماتحي نجي حنا وناخذها
ونت ياأبو خالد لاتقصر إتصل علينا وحنا نجي ناخذها أو خل أحد من عيالك بجيبها

ابو خالد: لا لا خلوكم تقوو

سليمان:لا والله عندي شغل ولازم اروح

ابو خالد: خلاص تمام وإن شاء الله اول ماتحي أدق عليكم

طلع سليمان وولده بدر وبدر ضايق خلقه وده أن بنته تجي معه

بعدقائق من خروج سليمان وولده بدر دخلت حنان البيت هي واختها وساليان وقبل لا اعلمكم وش صار بعرفكم على العائلتين

اول شي عائلة أبو خالد
ابو خالد هو اسمه إبراهيم بس مشهور بإسم ابو خالد ابو خالد شخصية طيبة يحب عياله وأحفاده ومايرضى عليهم زوجته فاطمة نفسه تحب الناس كلهم وماتحقد على أحد هم الاثنين في الخمسين أو الستيين عندهم بنتيين وولديين

الاول خالد وعمره ٢٨مو متزوج

الثاني سلطان ٢٥متزوح وعنده ولد واحد عمره ٦سنوات اسمه علي سلطان يحب ولده أكثر من كل شي ومو مهتم بلي حوله اهم شي ولده وزوجته
زوجته نجلاء شخصية مره طيبة

الثالثه ساره متزوجة وعمرها ٢١عندها بنت عمرها ٤سنه وولد عمره ٣ سنوات البنت اسمها وسام والولد اسمه عمر

الرابعه حنان وعمرها ٢٠وعندها ساليان عمرها ٥سنوات طبعاً حنان هي طليقة بدر 

     

               عائلة أبو فيصل (سليمان)

الجد/سليمان عمره في الخمسين أو الستيين. يشتغل في شركه خاصة حقه هو وعياله

الجدة/حليمة نفس الشي عمرها في الخمسين أو الستيين.   عندهم اربع شباب وبنتين

الاول فيصل عمره ٣٩ يشتغل مع أبوه في الشركة عنده ولدين وبنت زيد عمره ١٦يدرس في ثاني ثانوي
زياد عمره ١٥في اول ثانوي وليان عمرها ٦في اول إبتدائي

الثاني سلمان عمره ٣٦ يشتغل دكتور جراحه عنده ولد اسمه نواف وعمره ١٤في ثالث متوسط وسحر
عمرها ١٠سنين في خامس ابتدائي

الثالث بدر وعمره ٢٨عنده بنت وحده من طليقته حنان والي هي ساليان وعنده من زوجته الثانية قمر بنتين والي هم نوره عمرها ٤وحلا عمرها٣

الرابعة نادين عمرها ٢٣ مخطوبة واول سنه لها بالكلية
الخامس صقر وعمره ١٩ مايدرس تخرج من الثانوي ورافض يدخل الجامعة حتى يصير عمره ٢٠او٢١ويدخل عسكرية

السادسه واخر العنقود دارين عمرها ١٨
طبعاً هذولي عمان ساليان

باقي الشخصيات راح نعرفهم مع الاحداث و اح نعرف طبع كل واحد منهم

يلا نكمل.........

فاطمة:حنان

حنان بخوف وفجع : هلا يمه وش فيك ليه تبكين ؟؟!

فاطمة:جا بدر يبي ساليان بياخذها عنده

حنان في نفسها : والله وجت الفرصة واخيرا بفتك منها واعيش حياتي وراح اخلي ابوها يعيش في كابوس ، لا وساليان لسانها طويل مع الغريب وبدر بالنسبه لها غريب
تكلمت وقالت لامها:طيب ماراح امنعه

فاطمة:اخ قلبي يعورني عليها

ساره: خلاص يمه اليوم الملكة فكيها مابي اشوف دموعك البنت مردها لابوها وبعدين لا تنسي أنه ماشافها خمس سنيين

فاطمة:اخ كيف تبيني افرح اليوم وحفدتي بتفارقني

قعدت تبكي وتبكي بالقوه سكتوها ولما هديت تكلمت فاطمة وصوتها مبحوح من البكي :حنان

حنان:هلا يمه؟

فاطمة:أنا عارفة انك مو مهتمه لها لاكن الحين ابيك تقولي لابوك يخلي ساليان حتى بعد الملكة

حنان بإنفعال زايد :لا يمااااه تكفيين بتخرب علي خليها تروح احسن

فاطمة:أنتِ ماعندك قلب ماعندك رحمه أنتِ ام انتِ؟؟
عمري وحياتي كلها ماشفت ام تكره بنتها

حنان:اي أنا أنا ما أحب بنتي وعندي قلب بس عمري وحياتي ماراح احبها لا هي ولا ابوها 

فاطمة:حسبي الله ونعم الوكيل فيك من بنت وش هل الكلام حرام علييك

ابو خالد:يالله جهزو البنت عشان خالد بيوديها عند ابوها
وقبل لا تقولي اي كلمه ياأم خالد (فاطمة) البنت بتروح عند ابوها غصباً عن الكل خلاص كافي ضلم البنت عندكم صار لها خمس سنوات

اخذتها حنان للغرفة وجهزت اغراضها وجلست حنان مع ساليان ساعة كاملة بس لا تحسبوها تودعها بس بعدين تعرفون

يتبع........