____________________
عمرو.."ناض من بلاصتو دفل دم شاف فميمون وتم طالع لعندها دخل لبيتها وسد لباب ملقاهاش سمع حس فدوش ومشا تقابل مع لمرايا كيشوف فجروح وجهو بيما خرجت"
دوجا.."خرجت من دوش كتنشف شعرها بفوطة ولابسة سروال واسع مع ديباردو تا لقاتو استغربت"
- عمرو؟
"قربت عندو وشافت وجهو كيف مضروب تصدمت" ماالك شكوون ضربك هكاا
عمرو.."متسوقش لهضرتها" عندك شي حاجة نديرها لوجهي
دوجا.. صبر أنا جايا
"رجعت دخلت لدوش جبدت بوماض وشي لعيبات وخرجت عندو"
- اجي گلس هنا
"جراتو من يدو گلساتو جنبها وخدات قطن دارت فيه معقم وبدات كتمسح ليه دم"
- شكون دار فيك هاد لحالة
عمرو.. مكيهمش عقمي ليا هاذشي باش نخرجو
دوجا.."سكتت معاودش دوات معاه مسحت ليه كاع دم عقمت ليه جروح وجهو ودارت عليهم بوماض"
- صافي ساليت
"حطت يدها بالغلط على ضهرو وبعد عليها بزربة مقصح" ماالك دوور نشوف
عمرو.."شدها من يدها" بلااش خليينا غير نخرجو دغيا
دوجا.."استغربت من حالتو"
- واخا صبر
"مشات هزت جاكيط طويلة شوية لبساتها خلات فرجلها غير كلاكيط وخرجت عندو" يلاه زيد
عمرو.."جرها من يدها خرجو نزلو من دروج لورانيين نيشان فالاكاب فتح لوطو طلعها ودار طلع ديمارا حتى خرجو مع لباب و كسيرا عفطة وحدة بلما يدوي"
دوجا.."كتشوف فيه وباين على ملامحو معصب لأقصى حد بغات دوي تفكرت راه سايكو فضلت تسكت و دورت وجهها لجيهة ثانية كتفكر فشكون غيكون دار ليه هاد لحالة"
عمرو.."خدا طريق أخرى بعيدة على قصر حبس جنب طريق نزل وفتح ليها لباب جرها من دراعها غاديين"
دوجا.."مبقات فاهمة والو قررت تسولو"
- عمرو مغاديش تقولي فين غاديين واش غادي تبقى غير جارني كل شوية
عمرو.."هضر بلما يشوفيها ولا يوقف"
- سدي حلقك حتى نوصلو
"تمشاو شي نص ساعة حتى بعدو على لوطو و لقاو طوموبيل ثانية ركبها فيها وطلع حداها كسيرا خدا طريق لغابة"
دوجا.."حطت يدها على كرشها كتحركها بشوية"
- راه مغاديش نقدر نتحرك بزاف كتبقى ضرني كرشي هكا
"شافتو مجاوبهاش وهيا تمد يدها كتزعزعو بشوية"
- عمروو جااوبني متخليينيش كي حمقة كنهضر بوحدي
أنت تقرأ
Barona / مُسَافِحَة الخَلِيج
Actionيشبه فاكهة الجنة المحرمة.. إن كانت الخطيئة معه فأنا التبس الذنوب.. ذاك الرجل المحرم صديق أبي ايفا هوسوك مين يونغي القصة بها مشاهد غير مرحب بها قد تكون للبالغين فقط ها أنا ذي أعلمكم مسبقا حتى لا تشتكو من مشاهد المحرقة ولا أقبل بأي انتقاد لهذه المشا...
