راهب: رحنه ثاني يوم لبيت ابو علي حته نخط بنته ابوها وافق بس شرط انو اتكمل دواسه طبعن اني وافقت اتكمل دراسه حالها حال اخواتي،،،
ابو راهب: خويه أنشأ الله يمته اتردونه خبر.
أبو علي: باجر أنشأالله
ابو راهب: الله كريم يالله يابه احنه نترخص بس صيحونه النسوان
ابو علي: الف هلأ بيكم
راح علي وصاح امي واحلام وصعدن قبلنه بل سياره..
رجعنه لبغداد وامي كل الطريق اتسولف بل ابنيه على حلاتها وادبها...........
ثاني يوم ردلنه خبر الموافقه كملت اسياكها ورحت لكركوك انطيت الاسياك وحددنه العرس الخميس يعني بعد باجر ردت اشوفها حته نتفاهم عل عرس وهل اشياي بس كالو نايمه عرفت ما اتريد اتشوفني لنو ماكو عروس من يجي خطيبها اتروح اتنام عفت الموضوع وطلعت كلت لعلي (صح نسيت اكللكم علي صديقي قبل ما اخطب إماره).....
راهب: علي خويه باجر اجيب الوالده حته يشترون ذهب وهل سولف تعرف
علي: تدلل حبيبي الف هلأ بيكم اب اي وكت
راهب: تسلم حبيبي ياالله اني اترخص عندي اهواي شغل
علي ومحمد : الف هلأ بيك
طلعت ورحت خلصت شغلي ورديت لبغداد بليل كلت خلي اخابر علي حته نتفاهم اني وياهه عل عرس والحنه واشوف طلاباتها دكيت على علي
راهب: الوو
علي: هلا بل حبيب
راهب: شل أخبار
علي: والله صافيه دافيه
راهب: اي هوه هاذه المطلوب، اكلك
علي: امرني
راهب: ما يامر عليك ضالم، بس ردت احجي ويه المره حته نتفق عل عقد والعرس وهل اسولف
علي: تدلل سيدي
انطانياهه كالت
إماره: الووو
راهب: هلا عيني شلونج
إماره: زينه الحمدلله
: اكلج ايها من الاخر حفله مال خطوبه ما انسوي هيه حنه هيه عقد ماشي
: تمام بس ما ايصير اناجل العرس اشويه لنو حيل قريب يوم الخميس
: لا اني عن نفسي جهزت كل شي واذا عليج باجر اجيب الوالده حته تشترون ذهب وتختارون بدله...... اكو صعوبه بل موضوع
: زين العرس حنسوي ابغداد
: ابكيفج وين ما يعجبج انسوي حته لو بل مالديف
: ههه لا خلي انسوي ابكركوك فدوه
: ياالله يابه انسوي ابكركوك اهم شي ما تزعل العروس
: شكراً
: العفو عيني يله تصبحين على خير
: وانته من اهلو باي
سديتو منها جان صوتها كلش ناعم وحلو الصراحه ما ردت اسدو بس ما ضل موضوع احجي بي فسديتو ورحت نمت..
كعدت الصبح كمت سبحت لبست الزي العسكري لنو عندي شغل هناك اخذت الولده وتوجهنه لبيتهم نزلنه الحجيه راحت جوه واني كعدت يم ابو علي والولد اشويه وترخصت لنو وراي شغل وكلفت علي ياخذهم ومن ايخلصون اجي اخذ الحجيه ابطلعتي فاتت ابنيه عليهم كلت ايجوز هيه بس عرفت انو مو هيه من ابو علي كللها فوتي ابنيتي إماره جوه تنتضرج رحت لشغلي بس چان ابخاطري اشوفها وما شفتها😕
//////////////////////////♡♡♡♡///////////////////
إماره: بليل اجه علي كلي راهب ايريد يحجي وياج ماضل بيه دم من الخوف اخذت التلفون واول ما سمعت صوتو كلبي صار ايدك سريع عبالك جنت دا اركض چان صوتو ثخين ويخوف رغم انو جان يحجي وياي عادي وريحني من خلني اختار وين انسوي العرس لنوجنت خايفه لا ما ايوافق سديت التلفون وانطيته لعلي وكلي
علي: اموره حبيبتي باجر ام راهب جايه تا اتروحون انتي وامي والمره تشترون ذهب ماشي
إماره: ماشي
علي: ياالله تصبحين على خير حبيبتي
إماره: وانته من اهلو
رحت نمت وكعدت الصبح على صوت مامه اتكول...
أم إماره: اموره مامه كومي يله المره صارلها ساعه كاعده تنتضرج
: اي مامه كمت
: اسبحي واتحضري ونزلي حته انروح عل سوك
: ماشي
كمت سبحت وبدلت لبست تنوره سوده جلد لحد الركبه وقميص احمر و بوت احمر بس مو كلش طويل لحد عظمت الرجل وسويت شعري ذيل احصان عالي
ودكيت على نور .....
إماره: صباحو يا حلوو
نور: صباح الورد
: كومي بدلي خلي اخذج وياي اشتري جهازي
: شنوووووووووو
: مثل ما سمعتي
: إماره مو وكت شقاج من الصباحيات
: ولقران ما اتشاقه وياج اريد اروح اجهز لعرسي يوم الخميس
: إماره عله كيفج صدمه وره صدمه مو كلهن سويه
: ههههههه دكومي بدلي وتعالي ابساع
: كوليلي اشوكت صار كل هاذه واني ما ادري
: هسه مو وكتها تعالي وبعدين نحجي
: تمام هسه اجي باي
: بايات
سديت التلفون ونزلت رحت سلمت وبست الحجيه ورحت اجيب الها عصير جبت العصير ورجعت كالت الحجيه
ام راهب: يمه مو وكت العصير كومو خنروح يا دوب انلحك
إماره: عمه فدوه بس خمس دقايق بس تجي صديقتي
ام راهب: عادي بعد امج ننتضرها
اشويه ودخلت نور سلمت علينه وكمنه رحنه عل سوك وعلي هوه الي وصلنه الصراحه اني ارتاحيت من علي وصلنه ما اعرف ليش خايفه من شوفت راهب وصلنه السوك واخذتنه ام راهب عله محل فتنه وجان الرجال كام ايهلي بينه حجت عمتي
ام راهب: صالح جهزت الكتلك عليه
: اي حجيه جاهزه
اندارت عليه وكالت
أم راهب: بعد أمج اشيعجبج نزلي
اختاريت ست اسورات موديلهن ممسوحات ما بيهن نقش وتراجي وحلقه ومحابس اثنين كلت عمه خلصت
ام راهب: بس انه عندي هديه الج
راح الولد وجاب علبه جبيره وعلبه اصغيره فتحت الجبيره وجان بيها اكلده جبيره توصل لحد البطن بيها صورت راهب واول مره اشوفو جان بل صوره مالت الاكلده والعلبه الاصغيره هم اكلده بس اصغيره جان مكتوب بيها اسم راهب كلش حلوات جانو تشكرت من عمتي وطلعنه من المحل بس تعجبت عمتي ما حاسبة الرجال كلت....
إماره: عمه الرجال ما حسبنه
أم راهب: هاذه المحل لرجلج ميحتاج انحاسب
سكتت ورحنه اشترينه ملابس وامي وعمتي هنه اشترن سيتات النوم اني ونور نستحي نختار 😂 اشتريت مكياج واحذيه واخذت خذاء ابيض للعرس ورحنه لسوك العريس حته اناجر البدله واختريت بدله كلش حلوه مثل ما جنت احلم اتكون بدلتي مالت العرس اجرت ما جانت منفوشه بس من وره واخترت المسكه وردينه عل بيت بس حرفين اتكسرنه كعدت عمتي بل هول رحت جبتها مي اشويه وكال علي كول لم راهب اجه راهب يخذها كتله وسلمت علينه وراحت لمحت واحد لبس زي عسكري بس من شافني انطيته ضهري وفتت جوه
فتت ابغرفتي وكلبي ايريد يطلع من اهدومي ماادري اشبيه مع انو ما شفتو بس لمحتو وهيج صار بيه،، رحت
سبحت ونزلت اتعشينه ورحنه حجزنه يم ام الصالون ورجعنه اني طلعت ابوجهي لغرفتي انام وامي ضلت تحجي ويه عماتي وتعزم بيهن وتعزم خالتي ودايخه بيهن،،،،،
اشويه وخابرتني نور
إماره: الوووو
نور: الوو عيني مرت الرائد إلي ما تتحاجه
: هههههههه
: اي ليش لا ضحكي بعدين ليش ماكلتيلي من جو خطيوج
: ليش المراسل مالتج ماكل
: لا ماكل
: شعجب
: مو احنه متناتفين
: هااا اي هاذه الحجي
: زين عوفيج منه احجيلي من البدايه هسه يله
حجيتله كل السالفه
: يعني هسه راح اتروحين وتعوفيني
: شسوي والله موبيدي تعرفين لو بيدي حته ما افكر بل زواج ،، ونزلن ادموعي
: هااا هااا علش البجي اكلج
: كولي، ابخنكه
: عود الرائد مالج شقاقي
: 😂😂
: اي دضخكي الدنيه ما تسوه
: باجر تجين وياي عل صالون
: شي اكيد لعد اذا ما تخذيني تاخذين منو
: اندري
: يله روحي نامي عروستنه العسل
: يله باي
: بايات
رحت نمت وما كعدت اله عله صوت المنبه كمت توضيت وصليت وسبحت ونزلت جوه لكيت بس مامه كاعده سوينه الريوك واجو اتريكو الباقين وكل واحد راح على دوامه رتبنه البيت اني ومامه ونور ورتبنه الصاله وديكور ورحنه عل صالون اني ونور ومامه ضلت بل بيت طبعن السيد عمر ما راح للكليه بس حته ايوصلنه هوه ماايريد ايوصلنه علمود سواد وجهي بس علمود ايشوف نور
اخوي وادري ابكل احصينياتو😅
صعدت اني بل صدر ونور وره الطريق كلو ايدحك بل امريه اله كتله.....
إماره: بعد اختك انتبه الطريقك لا انموت
عمر: الله اشكد انتي كطاعة رزق
ضحكنه بس نور صارت طماطيه من الخجل
نزلنه وخلتلي مكياج كلش حلو وتسريحه هم كلش حلوه
........
أنت تقرأ
الحسناء والقاسي
Randomتحچي القصه من بنت مدلله وعايشه حياتها طبيعي بس ابلحضه كلشي يتغير ابسبب كلمه كاله ابوها
