كمت من فراشي على صوت طكطكة بالغرفة واني خايفة مشيت ؏ كيفي حتى لاينتبه لان ضنيت بأن حرامي
مشيت كم خطوة يم جربايتي واباوع خاف اكو احد بغرفتي مع إنو جان دنيا الليل والكل نايم مشيت كم خطوة يم الشباك مالكيت احد بس جانت البردة مفتوحة وماكو احد باوعت من الشباك مالكيت احد ردت ارجع لجربايتي لان ضنيت باني اتوهم واني راجعة مااحس غير انجريت من مكان الشباك وبعدها صارت الدنيا ظلمة وماشفت شيء
مااذكر بعد مدة كعدت لكيت نفسي بغرفة ديكورها يختلف مابيها غير جرباية يم شباك طويل كلش وميز بعيد عن الجرباية شوية مابيه غير لعبتي!
يلي جنت دائما قبل لاأنام اشبكها وانام وجانت اللعبة هاي عزيزة كلش بالنسبة الي وجانت مراية طويلة بصف الميز واني كاعدة بكرسي ومربوطة بحبل وراسي يوجعني ودايخة ماكدرت اشوف شي غير يلي جان كدامي وااكدر ادير وجهي جنت ملفوفة على الكرسي بالحبل حيل وحلكي ساديه بلاصق وراسي موتني
مااحس غير قفل باب انفتح..
ودخل رجال طويل كلش وملثم وجه وكل ملابسة سودة بالبداية ضنيت بانو جاثوم بعدين على بالي متت وهذا عزرائيل استغفر الله بس هذا يلي جان بالي وقتها بس لمن جر كرسي وكعد كدامي ولمس شعري اني هنا فزيت وكمت اصيح مع انو جان محطوط لاصق على حلكي بس حاولت اصيح
باوعت عليه مامبين منه اي شي غير شعرة الطويل يلي جان جوة اذنة بشوية وجان اسود همين جان ملثم بشكل فضيع بس اديه مبينة
لاتخافين مني
كال بهدوء بس صوتة خشن
اني ضليت احاول احجي بس مااكدر
إذا طلعتي صوت ماراح اخليج تحجين واوخر الاصق تمام
هزيت راسي بقبول
فتح الاصق
كلت واني ارجف
انت منو وشاسوي هنا؟
لاتسالين هواي وتزعجيني صيري هادئة
بس كلي شاسوي هنا
اعتقد تعرفين
شلون اعرف
كمت احرك بنفسي واحاول افك ايدي من الحبل بس مااكدر
ماعرفت بأن ساجر عندة بنية مخبلة مثلج
ضليت صافنة
من وين تعرف ابوية وانت منو واني شجابني هنا
اتنهد بإستهزاء وكام من الكرسي المقابيلي وراح وكف قريب من الميز وكمش لعابتي
يلي جانت باندا محشو شوي جبير
امم اول شي حبيت اعرفج بأن ابوج هو السبب بوجودج هنا
شلون ابوية انت شدتحجي فهمني اني شاسوي هنا وانت منو اصلا
أنت تقرأ
بين يديك حورية
ChickLitأُحاول تحرير نفسي من بين قبضته كانني سجين امكث بين اربع جدران حاولت تحريري من قبضته فشددها فاصبحت اسيرة .... الحورية وآلقيصر رواية (باللهجة العراقية) الكاتبة: H_0
