البارت الثالث 🌺
في فيلا شريف كان يجلس سعيدا ويشعر بقرب الانتصار بعودة ملك له بعد أن قام بتسريب صورها مع فهد وإثارة الاقاويل على وجود علاقة بينهم ليفاجأ بأبنته تدخل وهي تبكي
- شفت يا بابي مامي اتجوزت فهد ده
وقف شريف في حالة من الذهول وهو ينظر لأبنته
- انتي بتقولي ايه مين اتجوز مين
- يابابي بقولك مامي اتجوزت فهد صرخ بها شريف
- جبتي الكلام ده منين
- الصور كلها على الفيس حتى حديثه مع الصحفيين نازل كمان
سقط شريف على الكرسي خلفه وعندما حاولت راندا الاقتراب منه صرخ بها ان تخرج وتتركه وحده وبالفعل جرت راندا على الخارج وقامت بالاتصال بأمها التي كانت في السيارة مع فهد ولكنها ردت عليها
- اهلا يا راندا هانم خير
- كده يامامي تتجوزي وكمان كأني مش موجوده في حياتك
ضحكت ملك بسخرية
- انتي من أمتي كنتي موجودة في حياتي انا اللي دايما موجوده في حياتك انا اللي باخد بالي وبهتم وبراعي وفي الاخر اتقال لي بكل قوة انا زهقت من عشتي معاكي واختارتي ابوكي وقعت ادامك ماهتمتيش تعرفي حصلي ايه
- يامامي انا كان نفسي ابقي زي باقي البنات اخرج واتفسح والبس بس انتي
- اسمها حضرتك يامتربية نفسك تعملي زي كل البنات وبعدين تدخلي جهنم صح حاولت افهمك ان البنت جوهرة لازم تحافظ على نفسها للي ح يكون صاحبها حاولت افهمك انك زهرة جميلة خلي الكل يتمنى تبقى بتاعته لكن للأسف كنتي زهرة بس سمحتي للكل يلمسها ويشمها وفي الاخر جاية تكلمي عايزة ترجعي بنتي اللي ربيتها تعالي عيشي معايا انا وجوزي واولادنا
هنا خرج شريف وعلم ان راندا تحدث امها فصرخ بها
- اعملي حسابك مش ح تشوفي بنتك الا لو اطلقتي ورجعتي لي فاهمة ياملك والا انسى راندا
- قولي لابوكي نجوم السما أقرب لك يا شريف بيه ولو كان في امل واحد في المليون اني كنت ارجع لك بعد اللي عملته وانك تسوء سمعتي علشان تجبرني ارجع لك تبقى غبي وماتعرفش ملك الشربيني مين ودلوقتي واختارتي ابوكي يا راندا بس ح اقولك كلمة واحدة بكره تندمي بس يارب الندم يبقى قبل فوات الأوان يابنت عمري مع السلامة
اغلقت ملك الهاتف وأخذت تبكي فأحتضنها فهد بقوه واخذ يهدهدها حتى هدات ثم همس لها
- بكره تفوق يا ملك وترجع لك تربيتك ح تلحقها اكيد بس اديها فرصة تشوف بعينها وساعتها ح تفوق وترجع لحضنك جري
- يارب يا فهد يارب ابوها دماغه سم ومراته اكيد زيه ويمكن اسوء ربنا ينقذها منهم يارب
- ان شاء الله حبيبتي
مرت الأيام والاسابيع واعلن فهد عن زفافه على ملك في افخم فنادق القاهرة وبحضور جمع غفير من رجال الأعمال و السياسيين في البلد وكما وعد قد سمح لتلك الجريدة فقط بنشر يوم الزفاف كما سمح لهم بالتواجد في حفل الزفاف لالتقاط الصور وبعض لقطات من الزفاف وكان هدف فهد ان يصل كل هذا لشريف حتى يعلم جيدا انه خاسر لتلك المعركة وكان فرح على أعلى مستوى ارتدت فيه ملك فستان زفاف حضر لها خصيصاً من الخارج بعد تعديله ليلائم حجابها كما صنع مثله لأثير بطلب من ملك نفسها وكانت أثير ملكة الحفل بجوار ملك وقام فهد بإحضار طاقم اخر لملك وقام بالباسه لها في الحفل وكانت فلاشات الكاميرات تضوي حولهم ورقصوا على بعض الاغاني الهادئة وبعد انتهاء الفرح صعد الاثنان الي جناحهم في الفندق وكانت ملك تشعر بالارتباك والخجل اقترب فهد منها واحتضنها برقه مقبلاً جبينها
