MY LIL TREASURES

Lihim?

Nakatagong lihim na ipilit ko mang itago

Anupa't napakatibay mo ginoo

Bakit? 

Bakit mo ba ito ginagawa?

May masama ka bang balak at ibang haka?

Gayunpaman nahihirapan na ako,

Kakaiba ang mga emosyong nararamdaman ko

Sa bawat oras na nandiyaan ka sa tabi ko

Isa ba ito sa mga plano niyo?

Ang paibigin ako?

Wala akong maramdaman na panganib

Kumportable't mapayapa ako sa piling mo

Nakakatakot, ngunit ako nga yata'y umiibig

Isang emosyon na sa paniniwala ko ay kahinaan at dala lamang ay peligro

Nakakatawa na napaamo mo ang isang gaya ko

Ngunit mag iingat ka, 

Iba ako lumaki't pinalaki ng mundong para sa mga tulad natin

Maingat ang mga salita't kilos, napupuno ng pangamba

Nakatuon ang atensyon at paningin sa mga balakin

Gaya mo, kung sakali man

Hindi ako magdadalawang isip, mahal