شمرت طابوكه على سيارته وشردت سمعته يصيح ورايه ماهتميت ضليت اركض لحد ما تيهته وصلت لبيت ضليت ادك محد طلعلي
نمت يم الباب وحلمت بماما صافنه اسئلها ومتجاوبني كعدت فازه على صوت يم الباب بس داخل البيت
كبل ركضت وره سياره طلعت بنيه شغلت السياره
ضميت روحي اكثر واني ادعي متشوفني طلع ولد وراها صعد ديرجع السياره ليوره انحصرت بين الحايط والسياره
طلعت وضليت اركض والولد يصيح ورايه اني اركض وهو يمشي ورايه بلسياره لحد ما تعبت
- يلا مريم لتخافين يمكن الله جابه الج
وكفت انداريتله طلع من السياره واجاني مكتف ايده ويحجي بثقه
-شتسوين وره سيارتي؟
-هاي سيارتك؟
-شتكولين؟ المهم موضوعنا شتسوين وره سيارتي منو دزج عليه؟
مريم: مافهمت
- نور تعالي دخلي هاي البنيه للبيت وافهمي منها من ارجع نتفاهم
نور: بعيوني
مريم: طلعت الي اسمها نور من السياره اجت يمي لزمت ايدي بهدوء
نور: تعالي يحلوه للبيت
باوعتلها واحس وجهي اصفر وجسمي كله يرجف والخوف ممتلكني
سحبت ايدي منها وكمت ابجي واصيح
-والله ممسويه شي عوفوني اريد ماما والله مخطوفه اني والله رجعوني لاهلي
كعدت بلكاع ابجي بحركه سريعه كمت اركض والتفت لمحت الولد ضل مكتف ايده والبنيه تباوعلي ضليت اركض وابجي تعثرت و وكعت نجرحت رجلي ضربتها بقوه
مريم: مووو وكتجججججج موو وكتجججججج
كمت اركض وادور مكان اختل بي لكيت حديقه بيها اشجار ونخل ختلت بيها واجر نفس بقوه واحاول ماطلع صوت علمود محد يلكاني ضليت ساعه افكر شسوي
ستوني داغفه واحس ايد صارت على وجهي فتحت عيوني بصدمه لكيته نفسه الولد ابو السياره كبل حط سجين ع رقبتي
-يحلوه حركه وحده يروح راسج اي شي اكوله
تسوي والا هذا راسج يصير وحد يعني جسمج وحد وراسج وحد احس الشكل حلو لان حيكون منفصل ومريح اكثر
ماكدرت اسيطر على دموعي شكد حاولت ماضعف بس ماكدرت هزيت راسي بموافقة ضحك
أنت تقرأ
وقت الجحيم 3:00
Bí ẩn / Giật gânبڪل وقت، بكل ثانيه، بكل غرفه، بكل ساعه، اكو انواع الذكريات وانواع الهموم #العذاب
