يا فاتن الحُسن إن الحُسن يأسرني كالبدر وجهك والعينينِ تسحرني

البارت الاول

ديم ال ڤهـد 🕊️
بسم الله توكلنا على الله نبدأ روايتنا و ان شاء الله تعجبكم واكون عند حسن ظنكم

في صباح الساعة الخامسة تحديداً في الديره

ابو فهد: صباح الخير يا شيخه
ام فهد: صباح النور والسرور
ابو فهد: ما صحى ملهم ياشيخة
ام فهد: لا والله يا عايض ما صحى
عند ملهم نايم بسابع نومه فجأه يصحى على الصراخ
ملهم: هاه هاه ما تخلون الواحد ينام
ابو فهد : قوم قامت قيامتك
ملهم: خلاص قايم
‏ قام ملهم بسرعة اخذ شاور على السريع
عند مزون: قاعده في المطبخ تسوي الفطور بمساعدات بدرية
ملهم : صباح الخير يا حلوات
مزون :صباح النور يا بعدي
بدرية: صباح النور
ملهم: وين ابوي
مزون : راح المسجد بسرعة لحق ابوي لا يقوم عليك
ملهم: زين تبون شيء؟
مزون: سلامتك وانتبه على نفسك
بدريه : سلامتك ياقلبي
‏طلع ملهم المسجد صلى صلاة الفجر طلع هو و أبوه
ووصلو البيت
ابو فهد : وين الفطور يا بنات
ام فهد : الحين يجي
جت مزون ومعها شاهي : ارحب يبه ثم حبت راسه
‏ابتسم ابو فهد : البقى يا مرحب
عند بدريه جت ومعها الأكل: هلا أبوي ثم حبت راسه
أبو فهد : هلا بحبيبة أبوها
‏ ناظرت مزون في ابوها : افااا وانا وش طيب؟
ضحك ابو فهد : عاد انتي الغلا
مزون : يابعد قلبي والله
جت شيخه معها الخبز
ملهم جاء : هلا وغلا في دنيتي
ام فهد: هلا يا يمه وش علومك
ملهم: بخير دامك بخير ياقلبي
ابو فهد : مااحد كلم فهد ماراح يجي اليوم
ام فهد: الا كلمته بيجي على الغداء
ابو فهد: خلص يا ملهم و روح للعزبه
ملهم يشر على خشمه بمعنى : على خشمي

عند ملهم في العزبه قاعد يوكل النياق
دق على سلطان

عند سلطان : ارحب وحشتني ياحمار
ملهم: البقى يامرحب وش الاخبار وش العلوم
سلطان: ابد كل شيء تمام انت اخبارك واخبار الاهل
ملهم: بخير دامك بخير
ملهم: وش علوم عميمه
سلطان: بخير وتسلم عليك
ملهم: الله يسلمها
سلطان: وش عندك
ملهم: ابد والله طفشان متى تجي الديره انت و عميمه
سلطان: الخميس و حنا عندكم
ملهم: الله يحييكم

(نروح عند مكان جديد عند بطلتنا )

صحت فاتن مروقه راحت اخذت شاور على السريع و نزلت تحت عند اهلها

عند ابو فاتن كان جالس يسمع الراديو
فاتن : صباح الخير يا قلبي انت
ابو فاتن: صباح النور والسرور يابنتي وش عندك مروقه
فاتن : اللي يشوف وجهك ما يروق
ضحك ابو فاتن : دوم ياعيون ابوك الروقان
ضحكت فاتن : وين امي
ابو فاتن : في المطبخ
فاتن : اجل بروح اساعدها
عند ام فاتن جالسه تزين الفطور
فاتن : هلا والله اميمتي صبحك الله بالخير
ضحكت ام فاتن: هلا ياقلبي صبحك الله بالنور
فاتن ساعدت امها واخذوا الفطور وتجمعو
فاتن : يمه متى نروح عند خالتي ؟
ابو فاتن: ليه تسالين
فاتن: اشتقت للبنات وخالتي بعد يلاا متى نروح
ام فاتن : مدري بكيف ابوك
ابو فاتن: تبون نروح اليوم
فاتن: ايي تكفى والله طفشانه
ابو فاتن: اجل تمم كم عندي فاتن
فاتن : يابعد قلبي الله لايحرمني منكمم
ام فاتن: آمين وياك ياقلبي
ابو فاتن: آمين
فاتن : متى نروح ؟
ابو فاتن: الحين
قامت فاتن حضنت ابوها وراحت بسرعه تركض الغرفه
ام فاتن : تعالي كملي فطورك
فاتن: بس والله شبعت
ام فاتن: مجنونه هالبنت
فاتن من فوق ترا اسمع
ام فاتن ضحكت
عند فاتن راحت تلبس فستان اسود ناعم حيل وصدره مفتوح وسوت في شعرها ويفي وحطت ميك اب ناعم وخفيف ولبست البرقع والعباية شكلها في البرقع مع الايلاينر يفتن صدق شوية أكسسوارات ورشت عطرها المفضل ونزلت تحت
عند ابوها : بسم الله عليتس وش هالزين
ام فاتن: ماشاءالله تبارك الرحمن استودعتك الله ياقلبي
وراحت فاتن تحضن امها وابوها
ابو فاتن : يلاا تأخرنا

في بيت ابو فهد تحديداً في الحوش
عند ابو فهد : فارس واهله جايين
ام فهد: حياهم الله
ام فهد: يلا ينات خالتكم جايه قوموا رتبوا
مزون: ابشري يمه
بدريه : من عيوني
راحو البنات يرتبون
‏ وصلوا اهل فاتن
عند ابو فهد: ارحبوا في ذمتي
ابو فاتن : البقى يا مرحب
‏ سلموا على خشوم بعض ( سلام الرجال كذا )

عند الحريم دخلت ام فاتن وسلمت على اختها
ام فهد : هلا والله خيتي
ام فاتن: هلابك يام فهد
ام فهد : ماش زعلانين عليكم
ام فاتن: افاا ليه يا خيتي
ام فهد: ما تسيرون علينا يالله تجون
ام فاتن : وش نسوي والله انشغلنا
ام فهد: معليه معليه وش علومك
ام فاتن: بخير دامك بخير
‏ جلسوا يسولفون سوالف حريم

عند البنات جالسين في الغرفة
مزون: فاتن ياحماره وحشتيني مرهه
فاتن: ادري والله
مزون: يا شينك
فاتن : وش فيك امزح والله وحشتوني
‏ قامت مزون ما تحملت احضنتها
وضحكت فاتن
فاتن : في احد في البيت
مزون: لا ياقلبي خذي راحتك
فاتن: خلنا نزل عند امي وخالتي
ضحكت مزون: وقالت يلاا
بدريه : بنات وين رايحين
فاتن : نازلين تحت ليه
بدريه : جبت مفرحات
مزون : طيب خليهم بننزل شوي ونجي
بدريه : تمام
‏نزلو عند الحريم
ام فهد: هلا والله بحبيبة خالتها
فاتن: هلابك خالتي اخبارك وحشتيني
ام فهد : بخير ياقلبي ما يوحشك غالي
فاتن : خاله عليك بامي
ام فهد: ليه وش مسويه
فاتن: ما تخلينا نجيكم
ام فهد: افااا يا منال
ام فاتن: فاتن ياحماره من متى اسوي كذا
ضحكت فاتن وهي تتخبى ورا خالتها
ام فهد: خلاص يا منال بسامحك بس بشرط
ام فاتن: وش يا شيخه
ام فهد : تخليني فاتن تنام عندنا
ام فاتن: خلاص تمم بس اشوف ابوها
نطت فاتن على خالتها وضمتها وقالت :
الله لا يحرمني منك ويخليك لي
ضحكت ام فهد: آمين وياك ياقلبي

وكذا انتهاء البارت واتمنى أن يعجبكم 🤍