حكاوي حياه ﴿بقلم چنا إسلام [غموض الإبداع]

حكايه حياه(١) ليالي رمضان

كانوا جميعًا جالسين يشاهدون رؤية الهلال لمعرفة يوم رمضان لم يفت كثيرًا من الوقت وهلت البشرة بأنه سيكون يوم الخميس
تعالت البهجه والسرور بقدوم ذلك الشهر المبارك

لتردف حياة بجدية لزوجها:- حبيبي ابو عيالي كل رمضان وانت بخير بص بقى يا غالي وعلى نور كدا علشان ربنا يتقبل منا صيامنا إن شاء الله

ثم وجهت حديثها لأولادها:-والأخوه القرود ركزوا انتوا كمان

انتبهوا لها جميعًا لتنص عليهم حديثها:-شوفوا بالصلاة على النبي كده احنا هنمشي كالآتي ترويق الشقه علينا كلنا اه انا زوجتك وأمهم مش خدامه احنا هنصحى نتسحر ونصلي ونقرأ الورد وننام الي هيزعجني من نومي هيتفرج على الي هيحصله في الفطار

وغمزة لهم وهي تقول:-اه متنسوش إني انا الي هعمل الفطار انتوا حرين بقى

ثانيا بعد الفطار كل واحد هيغسل طبقه كبايته معلقته شوكته كل حاجه هيبهدلها هيغسلها

تحدثت ابنتها الصغرى حلى:-مامي انت الي بتغرفي الاكل يبقى انت الي بهدلتيه مش احنا انت بتغريفلنا ناكل

ضربتها حياة بخفه على يدها مردفه:-بس يا مقروده انت لاء يا حلوه انتوا الي هتاكلوا يبقى انتوا الي تغسلوا

قاطعها زوجها حازم وهو يردف بطمئنان:-خلاص يا ولاد محدش فينا هيخلص طبقه

أكملت حياة حديثها بسخريه:- والله اخليك تغسل المواعين كلها يا حازم انا بقولك اهو

حازم بمرح:-قلبك ابيض يا معلم براحة علينا مش كده في ضابط برتبة رائد يحصل فيه كده برضوا

حياة:-ايوه كده اتظبط وان كنت قائد فأنا ست مصرية خد بالك بقى وتمعن في كلمة ست مصرية دي اوي
احم نكمل هتروح شغلك وتيجي تريح شويه
وتكمل ترويق

واه اعمل حسابك يوم العزومات هتاخد اجازه من الشغل اه انا مش هعيد قرة القرده بتاعة كل سنه دي لاء فوقوا بوشكاش فاقلكوا خلاص وعشان لو حماتي القمر معجبهاش حاجه اققلها ابنك ونن عينك وفرعونك الصغير الي عاملها

تحدث حازم بسخريه:-طب وانت مش هتدلعي فرعونك انت كمان

لترد عليه حياه بقرف:-لاء يا حلو انا بسمع رضوى مش ياسمين

حازم:-كتر خيرك يا حياتي تأمري بحاجه تانية

حياه:-الامر لله يا حمزاوي باشا

تحدث الابن الأكبر حمزه:-مامي حبيبتي انا عندي دروس ومذاكرة وفي ثانوية عامه بقى وانت عارفه فأنا معفي من ضرايب حضرتك دي اكيد صح

لتردف حياة بقتضاب وبسمه تزين وجهها:- اهو انا نفسي متنفزش ضرايبك عشان اخليك تشيل الضرايب كلها

حمزه:-حاضر يا ست الحبايب إلا الام الي اول يوم جنبي في مدرستي وبتجلد كرستي وبتسهر لحد منام دي الاقيها فين يا حياة قلبي

حياه:-في السوبر ماركت يا حبيبي

"كده اتفقنا على برقة الله "

في نهاية يوم الأربعاء كانوا جالسين جميعًا لتناول السحور

حازم بحب:-كل رمضان وانتوا منورين حياتي كلها

حمزه بحب لوالده وتريقه على والدته:-بوجودك يا تاج الراس والله المفرود يعملوا عيد اب بسببك والله ربنا ميحرمنا منك ابدا

حازم بحب لابنه:-ربنا يخليك يا حبيبي بس بطل تلقيح عشان مش ضامن الي هيحصل

حياة:-حمزه يا حبيبي

حمزه:-نعم يا ماما

حياه:-انت الي هتلم الاكل بعد السحور وتغسل المواعين كلها ياروحي اه منا مش لسه هزعق وأوجع في قلبي يا حبيبي علطول هتلاقي عقابك جاهز واهو منه ارتاح

كاد أن يرد عليها لتقاطعه:-عايز ترد عليا في حاجه يا حمزه

حمزه بغضب داخلي:-وانا اطول اعمل حاجه لست الحبايب

حياة بإستغلال:-حيث كده يا حبيبي روق الصاله بقى معاك

حمزه:-ماما

حياه:-قلب ماما عايز تعمل حاجه كمان

قاطعها حمزه مسرعًا:-لاء والنبي كفايا عندي مذاكره قد كده

حياه:-ماشي حبيبي

لتوجه حديثها لزوجها:-حازم يا قلبي بكره اجازه ليك عشان عزومة ام الفرعون جايه بكره

حازم بسخريه:-هو انت ليه مش عايزه تقتنعي اني رائد اجازة ايه يا حياة الي عايزاني اخدها

حياه بصريخ:-يعني ايه يا حازم يعني اول رمضان ومش هتكون معانا ولا ايه والله مفطرهم بكره هاه

حازم محاولا تهدئتها:-قلب حازم انت هفطر معاكم حاضر لكن اجازة ايه هو انا تلميذ عايز إجازة عيد الله يخليك ياروحي بلاش الهرمونات دي مش وقتها والله

حياة ببكاء:-نكد علينا بقى وأوجع قلبي مهو انت علطول كده

حازم وهو يمسح دموعها:-ليه العياط ده انا قلت ايه ولا عملت ايه حملك عليا يا حياتي مش كده

حياة:-جهتفطر معانا انا بقلك اهو لو مجتش مترجعش تزعل وتيجي بدري

حازم بحب:-اوامر حياتي

حياة:-ربنا ميحرمنا منك ابدا

يتبع.......

لو عجبتكم قولوا في التعليقات اكمل لو ملقتش تفاعل عليها همسحها خالص
وكل رمضان وانتم بخير