هازال،،،،،
حسيت بصوت اجهزه يمي و ثكل على ايدي دا احس شنو يصير بس ما اكدر افتح عيني اتفست بعمق اكثر من مره و احاول اهدء نفسي فتحتهن الي كدامي مغوش رمشت اكثر من مره وضحت الصوره
باوعت بابا نايم على ايدي و دخل دكتور ليث مبتسب
ليث: يا هلاا بل حلوه ليش هيج اتعبين روحج
اكتفيت ب ابتسامه بابا فز على صوته سحبني الصدره يبوس ايدي و راسي و اخدودي
ادهم،،: ليش اسوين بيه هيج محمد الكلب ابن سطعش كلب فصمتلج ضهره
هازال: يااا ليش خطيه
ادهم : بابا ميصير اتعبين روحج تمام؟
هازال : بس ليش
د.ليث : لان انتي وحده حليوه و ميصيلج التعب الله خلقنه كل انسان بي عيب ماكو شخص كامل و من يمرض شخص معناها يحبه و بسم الله الرحمن الرحيم (قال ما يصيبنا الا ما كتب الله لنا) كلشي بيد الله و الله ان حب عبد ابتلاه هاي اكو مريضه بصفج من كد ما حلوه الله خله بيها مرض السكري
هازال : يعني اني بيه سكر
ليث : لا قلبج ضعيف مَڪدࢪ يتحمل يشوف هل جمال هذه كله و يبقه يدك
ضحكت
ليث: والله شبيج لو اني من قلبج من زمااان متوقف لتعاينين على روحج ب أمرايه انوب يروح يوكف بويهه ميتحمل هل جمال الخدود منا العيون السود مصيبه انوب بلشمس ينكلبن عسلي عمي حقه والعباس الحنج دائري لجج خيهه تعايي ما شفتي اكو وحده اجتنيي للعياده تريد مثل حنجج تدور تجميل
ضحكت على اسلوبه
ليث: يعني هسه المطلوب شنو
هازال : شنو
ليث: انو متركضين اهواي
هازال: بس اني مشتركه ب كره السله و كره القدم اتركهن!؟
ليث : ما اكلج تتركيهن لازم تقللين منهن
هزيت راسي العبره خانكتني
ليث: وراح اكتبلج علاج تلتزمين بي تمام ؟
هازال : لا مو تمام ما اريد اترك لا السله ولا القدم و بعدين اني مشتركه بهواي ريضات مثل التايكوندو و المصارعه و بل مدرسه اني القائده من يدرون عندي قلب ما راح يخلوني
ليث : بس توصلين ١٨ سنه تسوين عمليه و ينتهي كلشي و تكدرين ترجعين ال كلشي ومحد يمنعج
هزيت راسي بحزن مو كافي عليه فيتامينات فقر الدم
- ونغزات القلب راح تبقى موجوده ؟
- اذا ما تعصبين و متعبين روحج و تلتزمين بل علاج تروح و اهم شي متباوعين على روحج بل مرايه
