قصة غسق وريثة العار

part1

البارت الاول قصة  غسق ﴿ وريثة العار ﴾
حقيـقيه 💔-

بارت 1 شاركو القصه مع اصدقائكم وصوتو❤

غسق:::
جنت جاية من الكلية جايبة نتيجتي طايرة من الفرح ﻻن ناجحة..طبعا بعد سنة لخ واتخرج..وصلت للبيت لكيت بابا..رحت ركض شبكته:
بابا..ناجحة؟
ههههه..ممتفاجئ..ادري..ببنيتي شاطرة
ماما كالت:
اي شاطرة على ابوها..
طبعا الجو حيل متوتر بين بابا..وماما صار اكثر من 3 اشهر..ما اعرف ليش بس احس بينهم مشاكل..هوايه بس همه ابد ميججون كدامي..ورغم هذا بابا كلي:
اشو مسألتيني شنو هدية نجاحج..شعجب؟؟
كعد بصفة بسته بخدة:
ولويش اسألك..اعرف هديتي مثل كل سنه سفرة ﻻربيل!!
ﻻ هالمرة هديتج اكبر!♥..

هديتي اكبر اوكف بابا لتحجي..خلي افكر...امممم..شنو..شنو..شنو..اووف معرفت فدوة بابا شنو هيه؟؟
ضحك وخلة ايده ع شعري:
هالمرة السفرة...لتركيا؟؟
شنو..تركيا..يا الله..صدوك..صدوك بابا..
هههه...اكيد بابا..
مصدكت حيل فرحت..كمت اكمز ماما كالت:
شبيج..تكمزين مثل الجاهلة تخبلتي؟؟
ماما سمعتي بابا شكال ..راح ياخذنا لتركيا؟؟
ياخذج انتي ماما احتمال اني مياخذني..
بابا باوعلها..وكال بنتر:
شلون ما اخذج..ابتسام..شبيه تخبلت اخليج هنا..وحدج..هي هاي العايزة.
ماما رأسا تغير لونها..وفاتت للمطبخ..اني كلت لبابا
شوكت نروح بابا:
بابا ..حسبة اسبوع ..عشرة ايام مو اكثر
بابا ممصدكة حيل فرحانة...
ﻻصدكي!!ونبقى هناك..شهر..اخذ بضاعة مناك..وادزها بالنقليات وبعدين نبقى باسطنبول..نتونس ..واشوفج القصور مال السﻻطين؟؟
الله بابا شوقتني..هالمرة حتاخذني لتركيا..لعد السنة الجاية من اتخرج وين تاخذني..
بابا ضحك:
هههه..انتي خلصي كلية وتخرجي..وشوفي..وين راح اخذج..شعندي غيرج بابا..
وركضت حضنته..وكتلة:
الله يخليك الي بابا..وانشالله انجح..واتخرج وافرحك..
وصار العصر اتصلت ع صديقتي..غادة..وكتلها..راح نسافر لتركيا حيل فرحتلي..اكيد تفرحلي ﻻن هيه صديقتي..الوحيدة..بالكلية..لحد يستغرب..من اكول هي صديقتي الوحيدة....اي الوحيدة الي قبلت تكون صديقة..لبنية مثلي..سمعة..امها ع كل لسان..بالكلية تقريبا..وليغركم..الي قريتو قبل شوية وتفكرون اني اسعد بنية بالعالم ومدلله ﻻن اني البنت الوحيدة لرجال.... زنكيل كل همة بالحياة يسعدها وبشوف ابتسامتها..ﻻن هاي مو كل..الحقيقة..اي مو كل الحقيقة..الى عرفتها..بأول سنة من دخولي..للكلية ﻻن قبلها جانت حياتي غامضة مجنت اعرف شي عنها..ومجنت اعرف ليش معندي خوال وخاﻻت..وليش معندي بيت جدو...من جهة..ماما..ومجنت اعرف ليش بابا مقاطع اهلة ومحد يزوه او هو يزورهم ﻻن متبرين منه..كل هذا عرفته..من صرت بالكلية وعرفت عندي بنت عم..بنفس القسم..بس مينكال عليها بنت عم..ﻻزم ينكال عليها بنت..عدو..من اول اسبوع عرفتها وهي كارهتني..وتحاول تكره الناس بيه جنت اسأل بابا..ليش بنت عمي تكرهني..يكولي معليج بيها ولتحجين وياها واطخيلها راس..وﻻ تنطيها اهميه واخذت حجاية بابا..وكمت اتجاهلها..بس هي جانت تتصرف بالعكس..حتى صديقاتي الي تعرفت عليها باول مرحلة عافني فجأة وبعد ميسلمن علية..الى ان تعرفت بصديقتي الوحيدة غادة وبدت تحجيلي شديصير..ودينحجي من ورة ظهري..وعرفت من خلال...

يتبع....