البارت 14
.
يزن::
من سمعتني كلت..راح ابات يمج واعقد عليج تغيرت كل مﻻمحها ومسحت دموعها..بظهر ايدها مثل حركة الجهال اني بقيت فاهي اباوع..ع حركتها .يربي هاي شنو من بنيه يعني من صدوك اكو بنية..شايلة هالكد رقة وانوثة..وجمال..وسمعتها تكولي:
صدوك..صدوك..راح تبات يمي وباجر..وباجر تسوي عقد وبعد متعوفني وحدي..
ههههه..اي صدوك..هالكد مكيفة!
اي مكيفة يزن..ﻻن اني اخاف من الوحدة من مات بابا لحد اﻻن احس نفسي وحدي والدنيا تكفخ بيه..بس من ..انت دخلت بحياتي حسيت عندي سند..
واني راح ابقة سندج غسق..بعد لتهتمين..نامي رغد..كتلج..ﻻخر نفس اني ابقة بظهرج..وما اعوفج.
الله يخليك الي ويحميك لشبابك....
الله..شكد حلوة حجايتها الله يخليك..الي..مكدرت اشيل عيني عنها انفعالاتها الطفولية..ونظراتها البريئة تجبر..اي واحد يبقى صافن بيها..خطية..نفسيتها مدمرة الله ينتقم من امها كل..الي ديصير بيها من جوة راسها..شنو ذنبها..بنيه مثل الليرة ذهب صافي..هالكد..نفسيتها متحطمة..هالكد فاقدة الثقة بنفسها..هالكد متحملة عار امها..الي ما الها..اي ذنب بيه وبهالحظة جنت اباوع عليها..واخذ..عهد على نفسي ما اخليها وحدها بهالدنيا..وياها لاخر نفس بصدري..اووف يعني صح صعبة البنيه تطلب الزواج من الرجال بس هيه هيج بعفوية..طلبت مني اعقد عليها واتزوجها..كل همها احميها من خيالاتها..ومن طمع الناس بيها بس شلون يعني باجر من اعقد عليها وتصير مرتي..ابقة هيج مثل الحارس الشخصي..ما كو بيني وبينها عﻻقة حقيقيه تهي...بهي..شيصبرني ..عايش وحدي ويه بنيه شايله وجه..يحجي الصخر..وشايلة جسم بيه انوثة..نسوان الدنيا كولها مشايلته..ما اكول اني احبها..وعاشكها..يمكن اخاف.. عليها..لو اريد احميها من الدنيا كولها..واضمها جوه جناحي..يمكن متعاطف وياها..ﻻن بطبعي شخص حساس..وكلبي رهيف..ما اتحمل اشوف شخص يمر..بمثل ظروفها..بس رغم كول هذا ما اكدر اضحك على نفسي واكول هي متغريني ..وما الي يمها رغبة خصوصا اذا صارت مرتي وحﻻلي..زين شلون يعني نعيش مثل اﻻخوة هي بمكان واني بمكان..شلون ترهم شلون اكدر الزم نفسي منها اعرف هيه..محتاجتني سند الها محتاجه رجال تذب عليه حملها واعرف هي متفكر..بعﻻقة..زوجية عادية وحقيقية..واعرف اصﻻ..هي طلبت الزواج مو ﻻن تحبني او واكعة بغرامي..او ادور على زوج..اصﻻ لوعدها اخ..جان..مفكرت بيوم من اﻻيام بواحد اسمه يزن..بس شأسوي دكيت صدري الها..وما اريد اخذلها..وعاهدت نفسي ..وما اكدر اتملص من العهد..باجر تصير مرتي..وحﻻلي وما اعرف شضامتلي اﻻيام وياها..بداخلي هاجس..وامل زغير يكولي ممكن بالعشرة هي تحبني..ممكن يصير... زواجنا حقيقي..بيوم من اﻻيام..غبية تكول مستنكف منها..وهي تاج..واخلي على راسي وامشي مفتخر..ومتنومس بيه..وهي ..حلم..اي والله حلم..واصﻻ ابعد من الحلم..ﻻن مجنت حتى احلم بنيه مثلها تجي تكولي تزوجني..يمكن اني محظوظ يمكن ربي يحبني..وصار..بحياتها كل الصار حتى تصير الي..والله..والله ..والله..ميهني ﻻ امها..وﻻ الي سوته هي بس تهمني..دموعها..تملخ كلبي تملخ....اووف شلون راح تصفه والله ما ادري..شافتني صافن وافكر كالت:
ها..يزن اشو صفنت..شنو غيرت رأيك!
أنت تقرأ
قصة غسق وريثة العار
General Fictionتحجي القصة عن بنت يبقئ عار امي يلاحقها الئ الابد...ادخلو واقرو القصة إن شاءلله تعجبكم♡
