فصليتي ضابطة

الكاتبه: كناࢪيي

هلو ابدي قصتي وياكم من جان عمري18سنه

اني عشق عمري 18سنه البنت الوحيدة لاهلي واخواني ثنين ادرس سادس وحلمي اصير ضابطة مواصفاتي  عيوني كبار لون جوزي بشرتي حنطاويه لا بيضه ولاسمره حلكي صغير خشمي وصط بس لايگلي طولي 162 وزني 55 شعريي طويل صابغته عسلي وبس

اهلي عايشين الحمدلله عائلتي متكونه من

بابا اسمه احمد عمره 56سنه وهوه دكتور

وماما اسمها زينب عمرها50سنه وهيه هم دكتوره
اتزوجوو هيه وبابا عن حب

اخويا اسمه عمر عمره 28سنه دكتور جامعي ممتزوج

اخويا الثاني كيان هذا اني ويا سوالف وضحك مومثل عمر وعمره 23 مهندس ممتزوج ايضاً  

خلص التعريف عن البطله يلاا نبدي بالقصه

زينب: عشق ماما يلا كومي راح الوقت يلا ماما تأخرتي على دوامج
عشق: ايي ماما كعدت شفت الساعه: 6الصبح كمت اخذت شور وبدلت ملابس المدرسه ومشطت شعري وحطيت مرطب لوجهي ولشفايفي  ولفيت حجابي (ملاحظة: عشق محجبه) ولبست الساعه والحذاء تكرمون واخذت جنطتي ونزلت صبحت عليهم
عشق: صباح الخير والسعادة والعافية عليكم يااحلى عائله بالدنيا
ردو كولهم صباح العسل على احلى واجمل ابنيه بالدنيا
عشق: اكلت وكملت بابا كلي اني اوصلج بطريقي كتله تمام اني كيان كل يوميه يوصلني بس اليوم متأخره عليه طلعنه اني وبابا وصلني للمدرسه وراح دخلت للمدرسه ولكيت صديقتي الغالية نور اني وياهاروح بروح
عشق: صباح الخير حبيبتي
نور: صباح الورد والياسمين هسه نورت المدرسه
حجينه شويه وبعدين اجت المدرسه وبدت تشرح وهيج لحد مخلص الدوام طلعنه اني ونور نور راحت واني لكيت كيان جاي رحت سلمت عليه ورجعنه للبيت لكيت ماما مسويه ع الغده دولمه العشق مالتي سلمت وصعدت لغرفتي بدلت ونزلت لكيت بابا جاي من الدوام وعمر هم سلمت عليهم وبست بابا وكعدنا ناكل بابا كلي شوكت امتحاناتج
الاب:  بابا عشق شوكت امتحاناتج تبدي
عشق: بابا  الاسبوع الجاي حنكعدت بالبيت نقرأ للمتحانات  وهيه بعد شهرين فترة مراجعه هالشهرين
الأب: تمام بابا الله يسهلج ويوفقج
عمر: عشق شنو ناويه تصيرين اذا نجحتي
عشق: تلبكت من سؤال عمر فكتله بالوقت المناسب اكللكم سكت كملنه اكل بهدوء وغسلت الاماعين ورتبت المطبخ وسويت جاي اخذته قدمت الهم شربنه وكملنه وكلمن راح لغرفته صعدت لغرفتي نمت كعدت الساعه 4:30 اخذت شور ولبست اتراك لون تركوازي ونزلت سويت كيك ونزلو اهلي اكلنه وكعدنه نشاقه اني وكيان ونسولف ونضحك وبعدين أذن صلينه وماما سوت عشه اني مااكلت صعدت لغرفتي بديت أقرأ للمتحانات قريت للساعه 11:جعت نزلت جوه لكيت الكل بغرفهم شفت ماما مسويه كباب وكبه وزلايط وهاي السوالف اكلت وكملت صعدت لغرفتي نمت وهيج روتيني لحد مبدتت الامتحانات واليوم اخر امتحان الي صبحت عليهم ورحت للدوام وصلني كيان وراح دخلت للمدرسه ولكيت نور هلو حبي اشلونج
نور: هلا بيج حبيبتي تمام انتي اشلونج المعنويات اشلونها
عشق: تمام الحمدلله يعمري والله المعنويات زينه بس خايفه
نور: اني هم خايفه بس خليها على الله
دخلنا للمتحان وجانت الاسئله سهله الحمدلله جاوبت عليه وطلعت وطلعت نور وراي هم فرحانه مجاوبه خلصنه امتحانات واخيراً
رجعت للبيت سلمت وصعدت لغرفتي بدلت ونزلت ساعدت ماما بالغده واكلنه وكملنه وهيج روتيني لحد اليوم النتائج كاعدين كولنا بالصاله وكيان ديطلع النتيجة كلي ليش هيج
كيان: ليش عشق ولج ليش هيج راسبه ضليت ابجي كلي ولج جذب ناجحه ومعدل96فرحت وبابا حضني وباسني ابراسي كلي شنو تردين تصيرن دكتوره مثلي ومثل امج لوشنو كتله بابا اريد اصير ضابطة انصدم كلي مستحيل ماعدنا بنات تصير ضابطة ويا الشباب كتله بابا وحتى اذا صرت دكتوره هم ويا الشباب بابا حباب اقبل ضل يعيط عليه ميقبل وعمر هم ضل يعيط كلي شيلي من بالج تصرين ضابطة اني عاندت وبابا ضربني راشدي انصدمت اول مره صعدت لغرفتي ضليت ابجي وبعدين قررت اهرب واحقق حلمي
عشق: الساعه ب3بليل لميت ملابسي واخذت افلوسي جنت مجمعتهم وذهبي ونزلت على كيف حتى محد يحس بيه وطلعت برا البيت وصعدت بتكسي كتله وصلني لكركوك بس جنت كولش خايفه لا اهلي يلكوني كسرت الخط حتى ميندلون مكاني  وصلني الرجال لكركوك انطيته الكروه واني رحت للكليه قدمت كلي متأكده تراا صعبه واكو بنات اهوااي بطلت
عشق:متأكده واني جايه اريد احقق حلمي مو ابطل  المهم انقبلت ورحت للغرفه رتبت اغراضي وصار انذار علمود التدريبات.

  نرجع لاهل عشق نشوف شنو صار وياهم
الأب: صباح الخير لعد وين عشق
كيان: بابا اني حشوف عشق صعدت دكيت الباب ماكوو فتت لكيتها ماكو شفت الكنتور ملابسها ماكو انصدمت عشق هربت نزلت ركض كلي بابا شبيك تركض ولك كتله بابا عشق ماكو
الأب:شنو ولك ماكو وين راحت
كيان:بابا عشق هربت
الأب:شنوووووووووو
كيان: ضلينه ندور بغدادكولهاا مابيها عشق اختفت
بابا كال:هاهيه ماعندي بنت اسمها عشق 

عشق: عرفنه على اسمائنه وادربنه وتعرفت ع شله تجنن 4 شباب و2بنات
الشباب هلو ممكن انصير اصدقاء
عشق: طبعاً اني اسمي عشق عمري 18سنه  من بغداد وحجيت الهم قصتي كولها  كالوو احنا اخوانج ولا يهمج احنا يمج وبكولشي وياج وعرفوني عن نفسهم
احمد: عمره19 من البصره واهلي شيوخ
حسين: عمره19وهم من البصره اصدقاء هوه واحمد
كرار عمره 19ومن الانبار
حسام: عمره 19 من بغداد
البنات سجى: عمرها 18من البصره
وهدى عمرها 18وهم من بغداد
تعرفنا على بعض وصرنا اصدقاء وشله تخبل  «تسريع الأحداث»بعدمرور4سنوات كمنله تدريبات واليوم تخرجنا صرنا ضباط وتعينا كولنا بنفس المركز واشترينه بيت كولنه بي
عشق: كعدت الصبح اخذت شور وبدلت لبست الزي وحطيت واقي شمس ومرطب لشفتي ولبست حجابي والبريه وباوعت لنفسي بالمرايه فرحت من شفت النجمات على متني واذكرت اهلي شنو ردتت فعلهم من يشوفوني يستقبلوني لولا  شلت هااي الافكار من بالي ونزلت لكيتهم كاعدين ينتظروني على الاكل صبحت عليهم وتريكنه وطلعنه للمركز   وصلنه ضربولنه التحيه ورحنه كلمن لمكتبه وشفت عنديي تحقيقين وتدريب الجنود كملتهم وانتها دوامنا ورحعنا للبيت اتغدينه وكلمن لغرفته اخذت شور ونمت كعدت ساعه 7:30حيللل اشكد نايمه بدلت ونزلت لكيت الشباب كتلهم شنو رائيكم نتعشه براا وافقوو بدلوو وطلعنه تعشينه بالمطعم وفترينه لل1بليل رجعنه للبيت رحنه نمنه ورانه دوام«تسريع الأحداث» وهيج حياتنه ماشيه لحد اليوم كاعده بالمكتب اجه المساعد مالتي اده التحيه وكلي العميد يريدني
المساعد: تحياتي سيدي العميد يريد حضرتج
عشق: تمام انصرف رحت لمكتب العميد ولكيت الشله كولهاا يمه اديت التحيه وكتله طلبتني سيدي
العميد: اهلا ضابطة عشق جمعتكم علمود عصابه اتاجرمخدرات وانتوو من اشهر ضباط العراق اكلفكم بهاي المهمه لأن جداًصعبه اتقنه واني الي اشرف بهاي المهمه
كملنه وطلعنه من المركز اني والشباب للبيت بدلت ونزلت طلبنه اكل من برا اكلنه وكملنه كتلهم عندي موضوع وياكم
عشق: شباب وبنات اسمعوو عندي موضوع وياكم
.
.
.
.
لهنا وانتهى البارت حبايبي.

..دمتم في امان الله وحفظه 🩷