فصليتي ضابطة

الكاتبه: زهراء الحسناوي

عشق: احمد صديقي صحت احمد واحمد صاح عشق ركضت حضنته وهوه هم حضني كتله شدتسوي اهنا وهوه كلي انتي شدتسوين اهنا كتله اني فصليه كلي انتي الفصليه كتله ايي وانته شنو كلي بيتنا هذا ايهم يصير اخويي اتفاجئت احنه نحجي وهمه ممفتهمين شي صاحت للوش
للوش: يمعودين شديصير فهمونه وين تعرفون بعض
حجيت اني ااا احمد قاطعني
احمد:كعدت الصبح لبست الزي ونزلت سمعت الوالده تهلهل كتلهاا منوعرس جان تكول اخوك شفت ابنيه واكفه بصف ايهم ولابسه الزي مال الضباط التفت وجان اشوفها عشق صديقتي صاحت احمد اني هم صحت عشق وصار الفوك 👆🏻ماريد اعيد اجت تعرف اشلون نعرف بعض قاطعتها وكلت هااي ضلعتي صديقتي العزيزة اختي الماجبتهه اميي جنه ندرس سوه ونطلع سوه مهماتنه سوه كولشي اتشركناا سوه
للوش: ياااا عزاا طلعتوو تعرفون بعض ودارسين سوه والله حلو
احمد: عشق واني اكول وين مختفيه هااي الفتره الشله كولهاا تسئل عليج
عشق: والله انشغلت وتعرف بعد شصار يلاا نرجع مثل قبل واحسن واني حداوم وياك نطلع سوه
احمد: ياا هلا وغلا والله نور المركز
ايهم: كل هذا واني صافن تفاجئت اشلون تعرف احمدويعرفهاا بس من حضنت احمد نار وشبت بصدري مااعرف ليش غرت يمكن المهم كعدنه اتريكنه وطلعو همه للدوام واني رحت للديوان اني وابويه شويه دخل عمي محمد الي ابنه مات طلعو اهله كولهم جايين كلت اهوو اللزكه هم جايه بنته اسمهه احلام هااي لازكتلي عود تحبني واني ماريدهاا دخلنه للبيت سلمت عليهم وهيه بدتت سوالفهاا ولاجنه اخوهاا استوه ميتت كالت عمتي ايي وين الفصليه احلام نطتت كالت ايي خل انشوفهاا حلوه لا اكيد اني احلا منهاا اجيت احجي جان يدخلون عشق واحمد
عشق: رحنه للمركز اني واحمد ادولنه التحيه وشفت الشله كولهاا سلمت عليهم وحضنتهم وحجيت الهم اشصار ويايا كالوو هلا هلا انتي واحمد صرتو اقارب اتفقو علينه عود
عشق: لابابا شنوو نتفق مانتفق احنه كولنا ايد وحده كالوو صدقتي القول والله 😂راحوو كلمن لمكتبه شفت شنوو عندي طلع عندي تحقق لمجرم قاتل امه وميعترف وبقيت بس اني ممحققه ويا دخلت اله
عشق: هلا والله ايي عيوني ليش قاتل امك اعترف
الولد: اني كولهاا حققت ومعترفت تجين انتي اعترف الج
عشق: انشوف جبت اله مي وكتله أكيد تعبان من التعذيب كلي اي والله بس انتي خوش ضابط انطيته شربه كله كتله هذا بي سم واذا معترفت اتموت مدته ربع ساعه فقط وعندي المضاد احجي وانطيك كلي اي اي احجي
الولد: عمي كلي اقتل امك وناخد الورث مالتهاا والله
عشق: ضربته 👊كتله تقتل امك الي تعبت عليك علمود ورث واني فاتحه تسجيل سجلت كولشي
الولد: وين المضاد يلا حموت
عشق اشكد غبي صار اكثر من ربع ساعه تحجي اصلاً ميي مبي شي وطلعت للعميد تحياتي سيدي
العميد: اهلا بنتي
عشق: سيدي هذا الاعتراف مالته
العميد: احسنتي ضابطة عشق
عشق اديت التحيه وطلعت لكيت احمد كلي ولج اشلون كدرتي عليه وخليتي يعترف
عشق: سر المهنه عزيزي
احمد: ديلاا ام المهنه عساس اشلونج انتي اشعندج بعد اني خلصت حطلع للبيت لو انتضرج
عشق: لا معندي شي يلاا نطلع ودعنه الشباب وطلعنه كلمن بسيارته ووصلنه للبيت سمعت صوت بنت تكول اني اكيد احلا منهاا دخلت كلت السلام عليكم
الكل: وعليكم السلام
احلام: هلوو عيني ضابطة الخاتون الله يعلم شنو تسويي وياا الضباط
عشق: من كالت هيج اني فرت كولشي ولا احد يشكك بأخلاقي ويجيب سيرت شرفي ضربتها راشدي وكتلهاا احترمي نفسج منوو انتي وتشككين بأخلاقي
احلام: شوو هاي ضربتني راشدي صطرتني كتلهاا انتي منوو وتضربيني كلج خلك فصليه كح....... سا...... ام الولد ممعروف اصلج
ايهم: كل هذا واني ساكت بس احلام بدتت تجاوز عليهاا اني هالمره ضربتهاا راشدي وكتلهاا احترمي نفسج مرت الشيخ ايهم محد يمس شرفها ويحجي وياها واني موجود
احلام: ايهم ضربني تخبلت كلت اكيد هذا يحبها واني لازم افرقهم اني الج يالفصليه تاخذينه مني ابويه كله عذرني عمي امسحهاا ابوجهي
عشق: من دافعلي ايهم كولش فرحت صعدتت اخذت شور وغيرت ملابسي لبست فستان بيجي مرتب وحطيت مكياج خفيف وحطيت عطر ولبست شيله لون وردي ونزلت ساعدت البنات بالغده ونقلنه الغده للصاله اجيت اكعديم للوش الشيخه كالت اكعدي يم رجلج كمت داريد اكعديمه جان تنط هااي الي اسمهاا احلام وتكول الفصليه مكانها المطبخ صاح بيهاا ايهم ايهم: يبت عمي هايي زوجتي موو فصليه  عشق.. عاد الصمت وسدتت حلكهاا كملنه غده بهدوء وشربنه جايي وغسلنه اماعين وهمه وراحوو لااهلهم واحنه كلمن دخل لغرفته عاد اني هم صعدتت لكيت ايهم على الجربايه متمدد ذبيت الشال واخذت برمودة لون احمر وكيمونه بيضه ودخلت للحمام لبستهم وطلعت باوعلي ايهم اجيت على المرايه حطيت مرطبات لوجهي ولشفتي ودلكت راسي يوجعني لان وحطيت عطر واجيت يمه على الجربايه وبسرعة نمت كعدتت العصر ايهم ماكوو كمت لبست اتراك لون سمائيي شويه طويل شيله بيجي ومكياج خفيف وحطيت عطر ونزلت لكيتهم كاعدين بالحديقة يسولفون اجيت يمهم كتلهم مرحبا ردوو مراحب
احمد: صح النوم
عشق: يصح بدنك شفت مكان يم ايهم كعدتت يمه وضلينه نسولف ونضحك صار المغرب دخلنه جوه صلينه وسوينه عشه اني والبنات اتعشينه وشربنه جاي الشيخ والشيخه راحوو ناموو بقينه بس احنه
للوش: شنوو رائيكم نسهر
احمد واني كلنه سوه ياريت ضحكوو علينه كمنه اني والبنات سوينه حبشكلات الشهره وكعدنه كولنه بالصاله حسن ومرته وللوش واحمد واني وايهم كالت للوش خلي نعلب جرئه وصراحه صرنه دائرة وفرت البطل صار عليه وعلى حسن سئلته
عشق: جرئه لو صراحه
حسن: صراحه
عشق: اتزوجت على حب لوتقليد
حسن: طبعاً على حب
كولنه كلنه اووووو
فرته مرت لخ صار على احمد وعليه احمد كلي جرئه لو صراحه
عشق: جرئه
احمد: غني النه اغنيه
عشق: لا احمد مااغني صوتي محلوو ومااعرف بدل السؤال
احمد: موجنه انغني كولنه يلا غني وماابدل السؤال
للوش: يلاا عشق فدوه يلاا غني
عشق: ضلو يلحون عليه عيني صارت بعين ايهم جان يباوع الي بنضرات كأنو يكلي غني اريد اسمع صوتج
كتلهم تمام
احم احم احم احم وبديت اغني