Sweet Love [Complete]

1

Unicode

"အားး!!"
"ဆောရီး ရရဲ့လား"
"ခင်ဗျား လူတစ်ယောက်လုံးကိုမမြင်ဘူးလား"

အလုပ်ကနေအိမ်ကိုပြန်လာတဲ့အချိန်မှာကားအရှေ့ကနေဖြတ်ပြေးလာတဲ့ကောင်လေးတစ်ယောက် မီးစိမ်းနေတာကိုမမြင်ဘဲသူကလည်းဖြတ်ပြေးသေးတယ် ကိုယ့်ကိုလည်းပြန်အော်နေတယ် မတတ်နိုင်ဘူးလေ အကြီးဖြစ်တဲ့ကိုယ်ကပဲအလျှော့ပေးလိုက်ပါ့မယ် တခြားသူတွေကိုဆိုဘာပဲဖြစ်နေဖြစ်နေလုံးဝအလျှော့မပေးတာကတော့လျှို့ဝှက်ချက်ပေါ့နော်

"ဆောရီး ကိုယ်မမြင်လိုက်လို့ပါ ဘယ်နားထိသွားသေးလဲ"
"ခြေထောက်ထိသွားပြီနဲတူတယ် အိုမားရေသားကိုကယ်ပါအုံး အီးဟီး"
"ဟေ့ ကလေးမငိုနဲ့လေကွာ"
"ဘာကိုကလေးလဲကျွန်တော်က ကလေးမဟုတ်ဘူး"
ခြေထောက်နာနေရတဲ့ကြားထဲကိုယ့်ကိုကလေးတဲ့ ဘာကိုကလေးလဲ တကယ်ပဲ

သူ့ကိုကလေးလို့လည်းပြောလိုက်ရော နှုတ်ခမ်းတဆူဆူနဲ့ရန်ပြန်တွေ့တာ အဲ့တာကိုကလေးမဟုတ်ဘူးတဲ့ ယုံချင်စရာပဲ

"မင်းပုံစံကြည့်ရတာ ၁၇ ၁၈ လောက်ပဲရှိအုံးမယ်ထင်လို့ ကလေးလို့ပြောတာကို ထဆေးရုံသွားမယ်"
"......"
"ဟိတ်ကလေး ထလို့ဆိုတာကို"

မထဘဲနဲ့ထိုင်ငိုနေတဲ့ကလေးလိုလိုဘာလိုလိုကောင်လေးဆီကထွက်လာတဲ့စကားကတော့
"ခြေထောက်နာနေတာကိုဘယ်လိုထမလဲ ခင်ဗျားကရပ်ကြည့်မနေနဲ့လေ နည်းနည်းပါးပါးထူပေးပါလား"တဲ့
"ဟုတ်ပါပြီကွာ"

ကိုယ်လည်းသူမထနိုင်မှန်းသိတာနဲ့တွဲပြီးထူလိုက်တယ် ဒါပေမဲ့အဲ့ကလေးကတော်တော်နာနေတဲ့ပုံ ခြေထောက်တောင်ကောင်းကောင်းမထောက်နိုင်ပဲပြန်လဲကျတော့မလိုဖြစ်သွားတာကြောင့် ခါးကိုလှမ်းဖက်လိုက်မိတယ် ဟိုကလေးကတော့ဘယ်လိုနေလဲမသိ ကျွန်တော့်ဘယ်ဘက်ရင်ဘတ်ထဲကအကောင်ပေါက်လေးကတော့ ငြိမ်ငြိမ်မနေတော့ ဘေးက ကလေးပေါက်စကိုကြည့်လိုက်တော့လည်းငိုမဲ့မဲ့နဲ့ သူ့ကိုဖက်ထားကိုလည်းသိတဲ့ပုံမပေါ် ခြေထောက်နာတာကိုပဲအာရုံရောက်နေတာ ကားဆီရောက်ဖို့ကလည်းငါးလှမ်းခြောက်လှမ်းလောက်သွားရဦးမှာ ဒီတိုင်းဆက်သွားလို့လည်းမဖြစ်တာကြောင့် သူ့ကိုဆွဲပွေ့လိုက်တော့ မျက်လုံးအဝိုင်းသားလေးနဲ့လှမ်းကြည့်လာတာ ကြည့်တော့လည်းကြည့်ပါစေပေါ့ ချောလို့ကြည့်လိုက်လို့ပဲသတ်မှတ်လိုက်တော့မယ် ရင်ဘတ်ထဲကသံစုံတီးဝိုင်းဖြစ်နေတဲ့ရင်ခုန်သံတွေကိုမသိချင်ယောင်ဆောင်ပြီးတော့ပေါ့