Surgeon (Completed)(Unicode)

Episode - 4(Unicode)

     Night duty ၀င်ရန်မှာလိုသေးသော်လည်း ဆေးရုံသို့ခပ်စောစောလေးသွားလိုက်သည်။သွားလိုက်စဉ် ဆေးရုံအောက်ထပ်ကော်ရစ်တာတွင်သူနာပြုခေါင်းဆောင် ဒေါ်မြမြအေးနှင့်ဆုံကြရာ၀ယ် -

"ဆာဂျင်ကြီး ‌အစောကြီးပါလားဟဲ့"

"စောရမယ်ဟေ့ အိမ်မှာနေရင်လူသွားသတ်မိမှာစိုးလို့"

"မထိတ်သာမလန့်သာရှိလိုက်တာမေဘုန်းရယ်"

"ဘာဖြစ်လာပြန်တာလဲ"

"‌နင့် duty ထွက်ရင်ငါဆေးရုံနောက်ကျောကသစ်ပုတ်ပင်မှာထိုင်စောင့်နေမယ် အခန်းထဲငါမ၀င်ချင်သေးဘူး"

"အေး အေး"

"‌ဒါခုဘယ်သွားမှာတုန်း"

"ဘယ်ရှိရမလဲ patient drip ချိတ်ထားတာလေ ဖြုတ်မလို့"

"ကလေးတွေရော"

"စိတ်ကမရှည်ပါဘူးအေ သူတို့ခိုင်းနေရင်မာမီကြီး ဘယ့်နှယ်ဘာညာတွေကများလို့ ငါအားရင်ငါလုပ်လိုက်တယ်"

" လူနာစောင့်နဲ့အတော်မအားမှသုံးတော့တယ်"

"ညည်းမှာလည်းအေးရယ် ခုထိစိတ်မရှည်ဘူး"

"ဒါမို့...."

"ဟဲ့ အပျိုကြီးဖြစ်တဲ့ကိစ္စထည့်မပြောနဲ့"

"ဆာဂျင်တွေဘာတွေနားလည်ဘူး လက်ထဲကကိုင်လာတဲ့ဗန်းကနင့်အတွက်ဖြစ်သွားမယ်"

"သူနာပြုကိုကြောက်ရတဲ့ဆရာ၀န်ဆိုလို့ ငါပဲရှိမယ်ထင်တယ်အေးရယ်"

"နင့်ပါးစပ်ကိုကငါ...."

"နင်နဲ့စကားပြောတာ စိတ်ညစ်တာနည်းနည်းပြေတယ်"

"စောင့်နေမယ်"

"အေး အေး Ward ထဲကအပြန် duty off မှာ စောင့်နေ"

        ဒေါ်မေဘုန်းကြွယ်နှင့်ဒေါ်မြမြအေးမှာအထက်တန်းကျောင်းတွင်ဆုံခဲ့ကြပြီး ယခုချိန်ထိပြောမနာဆိုမနာသူငယ်ချင်းများအဖြစ်ရှိနေကြတုန်းပင်။လူ့အသက်တစ်‌ချောင်းကိုကယ်ဆယ်နေကြသည့်ဆေးမှုထမ်းများအဖြစ်လည်းတစ်နည်းတစ်ဖုံပြန်ဆုံကြပြန်၍ သံယောဇဉ်ပိုလို့တိုးကြရသည်။ဒေါ်မြမြအေးမှာဒေါ်မေဘုန်းကြွယ်ကဲ့သို့အရွေးလွန်အပျိုကြီးဘ၀နှင့်အရိုးထုတ်မည့်ပုံပေါ်လေသည်။