قصة يمامه ﴿ اغتصبني ابن عمي ﴾ حقيقيه 🔥
بارت 👈 8 💔😔
حارث...اي يمه ابنج عرس
ام عمر...ولك شنوووووو
حارث...عمر مسوي حادث وميت
يمامه...من كال ميت صرخت بكل صوتي وكعدت بالكاع
وعمتي تصرخ
الناس التمت علينه ركضت وره حارث اجي وياك اريد اشوفه
حارث...ماكووو ارجعي احنه راح نروح للمستشفى
يمامه...كعدت بالكاع وابجي اخذوني وياكم اريد اشوفه
وهوه مامات كالي انتظريني ارجع
اجن نسوان المنطقة ودخلونه بالبيت واني اريد املخ نفسي من كدا ما انهاريت
طلعت اركض لشارع من بين النسوان كمت اشيل طين واخلي على راسي الناس كله التمت عليه
فقدت بعد ماحسيت بشي فتحت عيوني واسمع صوت
عياط بالبيت كمت من مكاني ركض طلعت امي بوجهي
حظنتني واني ابجي وج يمه راح وعافني
هل مره هوه الي عافني كليلي من بقى الي منو
وينه كليلي وينه فدوه يمه اريد اشوفه لو اخر مره
فدوه الله يخليج والله اسامحج بس خليني
اشوفه
ام سوسن...ياعيوني حركتي كلبي عليج هسه اخابر ابوج
يمامه...كلبي نار وماعرف شسوي ياربي يكون هذا حلم
اي حلم وهسه يجي
ام سوسن...عيوني انتي خابرته همه بالجامع دا يغسلونه
يمامه...شنوو يعني ميت يمه فدوه مو كتلج اريد اشوفه
ام سوسن...اي هسه راح يجون للبيت علمود امه
يمامه...طلعت اركض بالباب وانتظر هيج تالي اكعد انتظر جثته احس دموعي نشفت وراسي يريد ينفجر
سمعت صوت طلعت بالباب همه اي همه اختنكت شلون راح اشوفه شلون كلبي يتحمل
نزل حارث بسرعه امشي طبي جوه شوفي الزلم
يمامه...فدوه اريد اشوفه
حارث...فوتي هسه احنه نجيبه
يمامه...دخلوني النسوان شويه وجابوه
والكل تصرخ وامه ملخت نفسه
اتقربت منه اديه ترجفت شلون اريد اريد اوخر الجفن من وجه النسوان يحجن عليه ميصير خطيه
صحت عليهم معليككككم اريد اشوفه كوه فتحته
وانصدم راسه من النص مكسور وشكله حتى ماينعرف
صرخت بعلى صوتي ملخت نفسي
ماحسيت على روحي بعد من شفته بهل منظر
فتحت عيوني البيت قليل بيه صوت وامي واخواتي
كاعدات يمي يمه وينه راح موو
ام سوسن...كافي يابنتي مو انتي حامل مو زين عليج
يمامه...يمه كلبي نار عمر عافني يمه عافني راح
يروح يتعلل اظوج شلون هسه اتحمل
ام سوسن...يلا عيوني كومي خطيه عمتج كومي اكعدي يمه
يمامه...كمت دخلت على عمتي انوب من شافتني اتخبلت بالزايد حظنتني وتبجي ياعيوني ياريحة الغالي
ولج جان يكلي يمه يمامه هيه وروحي
يمامه...هيه تحجي واني ابجي
كمت صاحت عليه امي وين
عوفيني اريد اصعد لغرفتي طلعت صارت بوجهي صورته
مال التخرج
اوف ياحبيبي حركت كلبي عليك
صعدت للغرفه وقفلت الباب رحت للكنتور طلعت
ملابسه وكعدت اشتم بيهن هنا انتهت حياتي.......
يمامه..مرت ايام صعبه وصرت مثل الخبله ساعه اكول لا مامات اكيد يرجعلي وساعه اذكر شلون شفته وهوه ميت
ودموعي تنزل هنا كعدنه هنا سولفنه تعبت حيل
اما وضع ام عمر شي ثاني جنت مرات اكول لا لازم اني اصير قويه واصبرها
خلصت الفاتحه ولزمت عده
جنت على طول بالغرفه ومن الولد بالدوام انزل
كعدت الصبح وكل يوم اكعد اكول بلكي جنت بحلم
نزلت بس عمتي بالبيت الكل طالع
ام عمر...تعالي يمه اكعدي يمي
يمامه ...عمه لازم نصبر الحمدالله على كل حال
ام عمر...يعني ما تصبريني
يمامه...لا عمه بس هذا قدر الله بعد شنسوي
اتغدينه ومر اليوم واني كاعده بالغرفه وافكر بالطفل
واكول اكيد ولد يارب ولد ويطلع مثل ابوه
مددت بمكانه وابجي واسمع صوت جوه
عالي كمت اريد اشوف منو جان يدك باب الغرفه
امي وعمتي
يمامه..شكو يمعودين ترى خفت
ام سوسن...كعدي يمامه اريد احجي وياج
يمامه..اباوع على عمتي الدمعه بعينه كعدت
ام سوسن...يمامه اني وابوج جينه ناخذج
يمامه...راسن دمعتي نزلت ليش ماما
ام سوسن...ماما الفاتحه خلصت والناس بدت تحجي
ما شاءالله البيت بس ولد والناس ماترحم
يمامه...ماما شدا تحجين هذول اخوان عمر يعني اخواني
ام سوسن...والله يمه اعرف بس محد يرحم وانتي بعدج
صغيره
يمامه...اباوع على عمتي بس تهز برأسه
ام سوسن..كومي يمه حظري ملابسج
يمامه...ماما بس شلون اروح شلون اتحمل ابعد عن مكانه
وريحته ترى دا تذبحيني
ام سوسن...والله احس بيج يا امي لمصلحتج يلا عيوني كومي
يمامه..ماجان كدامي غير اروح ويه امي ماريد اغلط بشي
كمت لميت ملابسي واني حسره بكلبي تبجي الكون
نزلت جوه عمي واكف
...بنتي لا تنقهرين احنه دوم يمج
يمامه..بس هزيت راسي بسته من راسه ومشيت
مثل طفل أخذوه من حظن امه هيج حالي
صعدت بالسياره ودموعي تنزل امي وابويه يحجون واني ماجاوب
وصلنه البيت بدون ماحجي ويه احد صعدت لغرفتي
اول مادخلت اذكرت من عكر اجه اخذني آخر مره
وشلون حظنته بالباب اذكر وابجي
دخلت امي
ماما يمامه كتفي الي تسوين بنفسج كافي يا امي
يمامه...ماما راح سندي راح حبيب عمري
ام سوسن...يا عيوني والله اتموت من اشوفج هيج
بس هاهيه شنسوي هاي سنة الحياة
يمامه ...ماما خليني بحظنج اريد ارتاح
ام سوسن...يا عيوني تعاي بحظني
يمامه...ماما اني هناك جنت مرتاحه ليش جيتو اخذتوني
ام سوسن...يمامه الناس ماترحم وانتي بعدج صغيره
شوكت تحبين تروحين روحي بس ميصير تبقين يمهم
يمامه..ماعرف شلون راح تمشي الحياة بدونه
ام سوسن...تمشي لا تفكرين باجر يجي ابنج تفرحين بيه
يمامه..ابتسمت منو يكول ولد
ام سوسن...الي يجي خير وبركة
يمامه...بس اريد ولد يشبه عمر
ام سوسن...ان شاء الله عيوني نامي و ارتاحي
يمامه...طلعت ماما وسدت الباب معقوله يجي يوم
انسى عمر لا ماصدك
ماعرف شلون نمت من التعب
عبير....يمامه حبي كعدي تعشي بابا يصيحج
يمامه...عوفيني ماشتهي اريد انام
عبير...كومي عفيه خلي نشوفج
يمامه...والله تعبانه بعدين حياتي انزلي انتي اتعشو اني مو جوعانه
طلعت عبير جهازي يدك اففف والله مابيه حيل اكوم
ماعرف القهر هيج تعبني مادري الحمل
دك مره ثانيه خلي اكوم اشوف منو
باوعت حارث بس لا اكو شي
جاوبت الوو هلا حارث خوما بيكم شي
حارث..هلا ام عمر
يمامه...من كال ام عمر كلبي وجعني
حارث...ليش رحتي
يمامه...شسوي مو بيدي وماريد اسوي شي اهلي ميقبلوه
حارث...ليش قابل انتي وين حتى يصير شي احنه اهلج وانتي اختنه
يمامه....مو بيدي
حارث ...الله كريم امانه اي شي تحتاجين تخابريني
يمامه...ان شاء الله سديت الخط فكره تجيبني وفكره توديني
ماعرف احس حتى مدا تجيني كعده اريد ارجع هناك
اريد ريحة عمر
................مرت ايام وبطني كبرت واني يم اهلي
بس بهاي الفتره نفسيتي تعبت ماطلع من غرفتي
ماريد اشوف احد ولا احد يشوفني
جنت اريد اعتزل وكل يوم اتمنى الموت
ليش رحت وعفتني جنت اكول ياريت من اجيب اموت
حتى اروح لعمر
يمكن اتخبلت من جد شوقي اله ومرات اكول ابني شنو ذنبه ينحرم من امه وابوه
يوم الايام نايمه كعدت عطشانه حيل
باوعت ع الساعه ٩
نزلت وسمعت صوت الي دمر حياتي كمت ارجف واني واكفه بس محد شافني
مهند....عمي اني غلطت وغلط جبير بس والله اني ندمان والله لحظة غضب
والله الي صار من حبي ليمامه ومن رفضتني انهاريت
عمي اني جاي اخطب يمامه
يمامه....صرت نار ماحسيت بروحي شلون نزلت اركض
انت شنو هااا شنو بعد مادمرت حياتي جاي بكل
عين وقحه تخطبني ولك جان استحيت على روحك
مهند...يمامه والله ندمان والي صار غلطه
يمامه....كوم اطلع بره..باوعت على ابويه وانت بابا
ليش ساكت
ابو سوسن ...اهدي يمامه مو زين عليج
يمامه...ماعرف حيل اختنكت وصعدت فوك اركض وقفلت الباب
ابجي بحركه ليش اهلي ساكتين ليش سمحو اله
يدخل البيت
كمت بسرعه طلعت جهازي ودكيت على حارث
الووو حارث
حارث...هلا ام عمر
يمامه...حارث
حارث...شبيج يمامه ليش تبجين منو وياج
يمامه...حارث الحكلي ..حسيت روحي دخت وكعت
وبعده ماحسيت بشي.....
