جناين فالح

البارت الثامن عشر

بقلم الكاتبه حوراء الساعدي
البارت الثامن عشر
جناين فالح

دائماً القرارات المتسرعة وقت الغضب ، تؤدي إلى الهلاك ..

يلمع ملامع وانتي ضلي فاهيه حتى المزوجه مفرفحه عليه خلي يطير من ايدج وعود كولي حماتي ما نصحتني

خلتني وكعدت بالمقعد الاخير
كعدت كلت بكلبي هاي الثانيه شبيها هم خل يفرفحن عليه شعليه بيه اني والله يا الله

هوو هم ولا جنه شايفني. وصلنه الكل نزل اني هم جاي انزل
نذر: عبايتج وين البسيها من هسا

عذاري: يا عبايه
شني يا عبايه جا شلوون تفوتين للامام بجبتج هاي الي لازكه ع طي **

ما جايبه عبايه راحت من بالي
يعني ما شفتي البنات كلهن لابسات عبي

شفتهههههههن بس نسيتها كفرت يعني ما يصير واحد ينسه لو حرام انت ما تنسه ابد

عفيه لسانج ولا تصيرلج جارة ولا تتعلمين السانج بطولج يله انزلي لا اكفر بيج

خليت ونزلت اووووي كبر شماله هذا الله ورطني ويا واحد روحه ما جارعها

خووووو امي تركض ركاض عايفتني وتمشي ويا ام نذر وصارو مجموعات واني امشي وحدي هوووووو صوجكم لا والله صوجي اني لو ما جايه احسلي واذا زعلت سارة

وزعلتهم. نذر الوحيد الي يمشي كدامي بس قريب احسه يباطي خطواته حتى امشي وياا فتنه ازدحامات وهوووسه وكف
نذر: امشي قريبه مني لا تيهيين

ما حاجيته
ضليت امشي قبله بلكي الحك بامي هلبت تندار تلتفت تكول هاي وين صارت

فززني صوته وهو يصيح باوعتله واكف يم واحد يبيع عبي وجادر صلاة الولد كامش بايد عبايه  وبايد جادر صلاه
نذر مد ايدة ع عبايه
هاااج البسيها شووفيها قياسج

لا ما اريد عبايه اخذ جادر صلاه احسن

شوووو هذا تقربلي صاج  سنونه ويحجي
عذارررري اخذي العبايه والبسيها واسلمي ع نفسج لا تختبرين صبري وحق ربج ادفنج اهنا. سمعتي لو لا

اباوووع محددد يمي حتى احجي واتحامه بي
وعلي بس اكول لا يمكن يثرمني ثررم ويلعن لشتي

تمام تمام لا تدفني ولا ادفنك ع كيفك ميحتاج كل هاي العصبيه  هاهيه اطيني العبايه

لبستها هي من فووك قياسي بس طويله

اريد مثلها بس اكصر

خيتي كلهن طوال ماكوو ع طولج لازم تكصيها وديهاا يم الخياط اذا تردين بالسوووك باول الفررع. بس تسألين ع ابو علي كلها دليج

لا ميحتاج اني اشيلها من الكاع

نذر: هسا هاي ترديها عجبتج

اي هاي هيه ازور بيها قابل جاي اخليها بالمتحف