CLINTON (S2 Of The Abandoned Library)

CHAPTER 10

"𝗖𝗟𝗜𝗡𝗧𝗢𝗡" (S2 of The Abandoned Library)

CHAPTER 10

(Kesha's POV)

Na shock kos gibuhat ni Clinton sa akong mommy. Iyahang gituok si mommy maong gisinggitan nako siya.

"Clinton! Clinton naunsa ka! Buhii na ako mommy!" Singgit nako sa iyaha pero murag wala ra siya kadungog nako.

"C-Clinton?" Naglisud nga storya ni mommy. Unsay pasabot niya? Kaila ba siya ni Clinton?

"Kesha, panawag ug tabang ngadto! Dali!" Sugo ni ate nako. Nagpanic nako tungod kay murag dili na si Clinton akong nakita karon. Hugot kaayo ang pagtuok niya sa akong mommy. Kadaganon-dili ko tungod kay nabalaka kos mahitabo ni mommy.

"Kesha! Unsa pa imong gipaabot, dali na!" Singgit pagbalik ni ate Kris Ann samtang gibira-bira niya si Clinton pero wala ra kini matandog.

Mao tong ningdagan na ko paadto sa mga taw nga nagtapok.

"TABANG! TABANGI MI!" singgit nako ug dali-dali na silang mingdagan paanhi sa akong direksyon.

(Third Person's POV)

Nadunggan nilang Danica ang singgit ni Kesha maong naalerto pag ayo sila ug ningduol sa ilahang amiga.

Si Miyaci pud kay nakakita sa pagtuok ni Clinton sa mommy ni Kesha maong nagdali-dali siyag adto sa iyahang kuya nga si Stephen.

Naa sila karon sa guestroom nagtabi-tabi parte sa halimaw. Wala na makatuktok pa si Miyaci ug ni diretso na siyag sulod.

"Kuya Stephen!" Naghangos si Miyaci pag ayo.

"Naunsa ka Miya?" Pangutana ni Stephen nga nakaduol na diay sa iyang igsoon.

"Si...Si... Ang mommy ni K-Kesha kay gituok ni Clinton!" Sulting Miyaci maong silang tanan nag-dali na dayon ug panggawas.

Sa pikas bahin, si Clinton nagpadayon ra gihapon sa pagtuok ni Anne. Pirmi gabalik balik sa iyang hunahuna ang “Kan on? Dili?”

Kan on niya, pero dili. Kan on unta niya tungod sa kalagot, pero sa pikas side dili kay gusto na siyang mahimong normal.

"Unsa pay gipaabot nimo Clinton? Kan a nana!" Naay naghunghong sa iyahang dunggan.

Nabuhian ni Clinton si Anne ug napakupot siya sa iyang dunggan.

Gitabang dayon ni Kris Ann iyang mommy.

"Rawrrrr! Grrrrrrr!" Tingog ni Clinton. Nanghagis siya sa palibot ug kada naay makita na tawo iyahang larguhon ug bitad tapos kan on.

"Wahhhhhhhh!" Siyagit sa mga tawo ug nagkagubot na silang tanan. Iya-iyahay nalang ug panagan makagawas lang.

Nagpanic na ang tanan,

"Ga, kupti si Jessielou ha ayaw jud ug buhii." Sulting Stephen samtang gipagawas na niya iyahang pusil. Ningtando si Jacelyn ug gigakos iyahang anak pag ayo.

Daghan na ug nakaon si Clinton. Nagkatag na ang mga patayng lawas sa sinaw nga salog sa masyon nilang Kesha.

Ninghilak si Kesha sa iyahang mga nakita. Dili siya katoo.

Dili katoo ang tanan.

Nagkadugo na ang lawas ug baba ni Clinton. Mura na siyag bu@ng nga nagpangita ug pagkaon. Pula na kaayo iyahang mata. Napunta iyahang panan aw kang Kesha. Naglaway na siya pirmi. Nabuhat na pud niya ang pirmi niya buhaton sa una.

Naghilak lang si Kesha nga naglingkod sa daplin. 

"C-Clinton, unsay nahitabo nimo?" Pangutanang Kesha samtang walay hunong sa pag agas iyahang luha. Giisa ni Clinton iyahang kamot nga tag as nag mga kuko, ug handa na untang duslakon si Kesha sa dihang naigo iyahang bukton sa bala sa shotgun. Nilingi siya kung kinsay nagbuhat ato.