احلام محطمه بقيود الزواج

البارت الرابع

مساء الخير حبايب گلبي 🤍🦋

قبل لا نبدي بلبارت تعالو  نتفق على التنزيل التنزيل راح يكون بين يوم ويوم بليل واذا مانزلت الكم راح اعوضكم ابارتين بيوم واحد او بارت طويل اذا موافقين على الوقت اكتبو بلتعليقات

احبكم😘
ـــــــــــــــــــــــــــــــــــــــــــــــــــــــــــــــ

حبايب لاتنسون التصويت +التعليق +متابعة حسابي🤍🦋

فاطمه الموسوي 🦋
ـــــــــــــــــــــــــــــــــــــــــــــــــــ

صرت رسام لعيونك.. وانا حيت
وروحي لشوفتك حنت.. وانا حيت
ويامن عاركت لجلك.. وانا حيت
عزيز وفركتك تصعب عليه. ﷼.💔

ـــــــــــــــــــــــــــــــــــــــــــــــــــــــــــ
شذر:

قبل الخطبه بيومين
كعدت من النوم مالي خلگ وتعبانه تفكيري مشغول بلخطبه الي راح تصير غصب عني

-شذر: اوففف ياربي خلصني

طلعت اغسل غسلت وكملت ورحت اريد اتريك لان ميته من الجوع كملت ورحت للغرفه ضليت كاعده هناك شويه وسمعت ابوي يحجي وي امي يكللها

-سلمان: رئد كال الخطبه بعد يومين جهزي بنتج ولاتخليها تفشلنه

-حميده: انشالله راح احاجيها واقنعها

-سلمان: بنتج اذا عاندت وكسرت كلمتي اكسر راسها والله

-حميده: لا ماتحجي شي اني راح احاجيها وفهمها

-شذر: شويه واجت امي دخلت للغرفه عود تقنعني واني قافله

حميده: يمه والله احسنلج ماتلكين مثله شاب مؤدب وخلوق وشاغول يايمه وافقي

-شذر: اسمعي يمه والحسين اذا سويتوها صدك ازوجتوني افضحكم فضيحه

-حميده: يمه والله ابوج ينهيج اذا كسرتي كلمته ونزلتي راسه

-شذر: بس عدكم عادي اني انجبر وانكسر موو

-حميده: يمه قابل شمسويلج هوه اريد نزوجج وتعيشين حياتج وتستقرين

-شذر: لاتحجين ولاتعبين روحج ماقبل واذا جبرتوني افضحكم

شذر: ماحجت امي خلت وطلعت واني ضليت ابمكاني الوب وافكر شراح يصير ابوي لو يموت مايتراجع عن كلمته

ضليت ساعه افكر وساعه ابجي لمن لثاني يوم ابوي كال راح يجي رائد وزهراء حتى ياخذون قياس اصبعي يجيبولي حلقه اجت عمه زهراء  كالت قيسي خلقتي شلتها وشمرتها وكلت

-شذر: لو تموتون ماكدرها وخرو عني ماريد اتزوج منكم اكرهكم كلكم

-زهراء: ولج عمه كافي بعد شسوين ابوج اوافق