[မနေ့ကထက်ပိုချစ်တယ်]
" သား သားရေ "
ရောင်လေးထွက်သွားတာနဲ့ခခလည်းထမင်းစားနေတဲ့ သားလေးအနားသွားလိုက်ပြီး ပေပွနေတဲ့သားပါးစပ်လေးကိုသားရဲ့ကလေးလက်သုတ်ပုဝါနုနုလေးနဲ့သုတ်ပေးလိုက်၍ ထမင်းခွံနေတဲ့ မသန်းနွယ်ကိုကြည့်လိုက်ကာ။
" ဘာတွေနဲ့ခွံတာလဲ "
" ပန်းသီးပေါင်းနဲ့ပါအစ်ကိုခ အစ်ကိုရောင်လေးကညနေ့ကသူကိုယ်တိုင်ပန်းသီးနဲ့ထမင်းပေါင်းပေးသွားတာ ကလေးကိုနေ့တိုင်းအသားမကျွေးချင်လို့တဲ့ "
" သားကိုကြည့်ထားပေးဦးနော် ကျွန်တော်ရေသွားချိုးလိုက်ဦးမယ် ထမင်းပဲမခွံနဲ့ရေလေးပါတိုက်ပေးဦး "
" ဟုတ်ကဲ့ အစ်ကိုလေးခ "
ခခလည်း မသန်းနွယ်ကိုမှာထားခဲ့လိုက်ပြီးနောက် အိမ်အပေါ်ထပ်သို့တက်လာခဲ့လိုက်ပြီး ရေချိုးခြင်းကိုစတင်လိုက်သည်။ မိနစ်အနည်းငယ်ကြာ အောက်ထပ်ပြန်ဆင်းလာတော့ သားလေးကထမင်းစားပြီးသွားလို့ မသန်းနွယ်နဲ့အတူကစားနေသည်။
" အစ်မသန်းနွယ် သားလေးထမင်းကုန်လား "
" ဟုတ်ကဲ့ ကုန်ပါတယ် အစ်ကိုလေးခ ထမင်းစားတော့မလား အစ်ကိုရောင်လေးမှာသွားတာ သူ့ကိုမစောင့်နဲ့စားနှင့်လိုက်တဲ့ "
" ဟုတ်ကဲ့ "
ရောင်လေးကညစာစားပွဲသွားတာမလို့ စားခဲ့မှာသေချာသည်။ ခခလည်းအမသန်းနွယ်ထမင်းဝိုင်းသွားပြင်နေတုန်းသားလေးနဲ့အတူထိုင်ကစားပေးလိုက်သည်။
" သားသားလေး တစ်ယောက်တည်းပျင်းရင် ဖေဖေခ တူတူဆော့ပေးမယ် "
ခခလည်းသားလေးနဲ့အတူမြေကော်ကားရုပ်လေးကိုကိုင်မောင်းနေသလို ပါးစပ်ကအဝူးဝူးအော်ရင် ကစားပေးတော့ သားလေးမှာသဘောတွေကျကာ တခစ်ခစ်အော်ရယ်နေသည်။ ခခတုန်းကလဲငယ်ငယ်ကတစ်ယောက်တည်းဆိုပေမဲ့ နောက်ပိုင်း ရောင်လေးနဲ့အတူအဖော်ရခဲ့သလို ကိုကိုတိမ်စိုင်နဲ့ဒယ်ဒီတို့မွေးဖွားလာတဲ့ညီမလေးတစ်ယောက်လဲပိုင်ဆိုင်နိုင်ခဲ့ပြီးအထီးကျန်ဆန်တဲ့ဘဝကလွတ်မြောက်ခဲ့၏ အခုလည်းသူတို့သားလေးခရောင်ခတစ်နှစ်ခွဲဆိုတဲ့အရွယ်ရောက်နေပြီမလို့ ခခအတွေးထဲနောက်ထပ်သားသမီးတစ်ဦးလောက်ထပ်ယူဖို့တွေးမိလာသည်။
![[ မနေ့ကထက်ပိုချစ်တယ် ] Completed](https://img.wattpad.com/cover/335532374-64-k388960.jpg)