دريد! من كال الدكتور البقاء بحياتك حسيت واحد ضربني ع راسي فقدت وكعت من طولي بعد فتره صحيت وركضت بالمستشفى مثل المخبل ادور ع صديقي صديق روحي كالو خليناه بالثلاجه انتهيت البارحه كاعدين سوه واليوم هوه بالثلاجه بتت اني هم بالمستشفى ثاني يوم طلعناه وديناه الاهلها ملفوف بعلم وامه تخبلت ساعه تهلهل وساعه تعيط شويه وطلعناه من بيت اهله وبنيه ركضت وره التابوت كالو خطيبته خطيه تخبلت فد مره انتهت وفقدت رحنه غسلناه وصلنه للنجف ونزلت صديقي واخوي بأديدي بالكبر كملنه ورحت يم ضريح الامام علي (عليه السلام) اول مره ابجي ضليت ابجي واحجي واكول ياسيدي يامولاي اليوم اخوي اندفن يمك اليوم اخوي بأرضك انهد حيلي عليه عيني يامولاي ضليت شويه وطلعت رجعت اخذت اجازه ورحت للبيت لان كلش تعبت💔وصلت للبيت وتفاجئو اهلي بجيتي وبحالتي وامي تلكتني مصدومه وكعت بحضنهة ابجي ع صديق روحي وهيه تبجي وياي بعدين ترخصت وصعدت الغرفتي سبحت ومددت ع السرير وبسرعه نمت من التعب نايم وحسيت ع صوت هوسه بالبيت كعدت باوع للساعه بل 2ونص نزلت اركض كتلهم بخووف شكوو؟
نجمه! يمه ماكو شي بس عمتك محاسن جاي تطلك راح تولد
دريد! من كالت امي هيج انقهرت شويه وضليت ادعيلها واخذت امي ولحكناهم للمستشفى لكينه عمي وعلي ابنه سلمت وكفت وياهم وره ساعه تقريبا طلعت الدكتوره شايله الطفل وجان تكول مبروك اجتكم بنت مثل الكمر هنا صدك كلشش فرحت لان مرة عمي تتمنه ابنيه كالت دخلنه ع مرة عمي تحمدنالهة بالسلامه والدكتوره جابت الطفله جان تكلها شنو راح تسمين بنتج باوعت عليه وجان تكول دريد يسميها بهتت كتلها عمه انتو اهلها انتو سموها جان تكول ابد والله انته تسميها شلت الطفله ومااعرف ليش قشعر جسمي كبرت بأذنها وسميتها جنه
كاظم! اللهم صلِّ على محمد وآل محمد الاسم كلش حلو بارك الله بيك عمي
علي! شتريد بعد ابو سند اختي انته سميتها ههه
دريد! ابو نرجس ماكو فرق بيني وبينك يالغالي
علي! الحبيب دريد اكيد ماكو فرق
دريد! اترخصت وطلعت للبيت ثاني يوم طلعت عمتي والحمدالله زينه ومرت الايام كلشش حلوه ومن بعدها كمت التهي بدوامي ومشاغلي وماعندي مجال حته الاهلي ومرت شهور وسنين وكبرت جنه صار عمرها4سنوات وتموت عليه كلش تحبني ومتعلقه بيه من تشوفني تتخبل عليه ومن اجي من الدوام مرات تنام يمي ومنا بدت قصتي وياها كبرت جنه وصارت بالمتوسطه وهيه تحبني ومتعلقه بيه احبها كلشش احسها طفلتي اهتم بأصغر تفاصيلها بس مجنت اعرف هذا التعلق بيها هوه حب ادمان اووفف ياجنه علعلت كلبي اعرفكم بنفسي ونرجع
اني دريد ابن عم جنه معلعلة كلبي عمري37 طولي 185وزني 75 لون بشرتي حنطاوي عيوني سود مكحله عندي أخوان 2 اصغر مني يدرسون واخوات 3 اثنين متزوجات وحده تدرس ابويه اسمه مصطفى وامي نجمه المهم جنت كلش احب نجمه مااعرف شنو نوع الحب البداخلي جنت دائما ادللها معتبرها طفلتي كبرت جنه وصارت حاليا ثالث متوسط جنت اضوج من تحجي ويه احد حته صديقاتها بالمدرسه وجنه حسيتها كامت تتجنبني هواي مااعرف شنو نوع غيرتي عليها بس بعدين ايقنت انو اني عاشكها ومو عشك عادي وسميتها معلعلة كلبي ومنا تبدي قصتي وياها
