رجل منتصف الليل

رجل منتصف الليل٢الفصل الرابع🍒

السلام عليكم ورحمة الله وبركاته 
زي ما انت عارف يا صحبى ديه روايه رعب فانتازيا يعني مش حقيقه بس ايه اللى يمنع انها متكونش حقيقه 🙂...
احم يلا نقرا شويه ايات و بعدين نبدا... شايفك ياللى مش هتقرا الايات 🧐يلا يلا خلى. يبقى فى بركه
~بسم الله الرحمن الرحيم~
"وَأَنَّا مِنَّا الصَّالِحُونَ وَمِنَّا دُونَ ذَٰلِكَ ۖ كُنَّا طَرَائِقَ قِدَدًا  (١١)وَأَنَّا ظَنَنَّا أَنْ لَنْ نُعْجِزَ اللَّهَ فِي الْأَرْضِ وَلَنْ نُعْجِزَهُ هَرَبًا  (١٢)وَأَنَّا لَمَّا سَمِعْنَا الْهُدَىٰ آمَنَّا بِهِ ۖ فَمَنْ يُؤْمِنْ بِرَبِّهِ فَلَا يَخَافُ بَخْسًا وَلَا رَهَقًا  (١٣)وَأَنَّا مِنَّا الْمُسْلِمُونَ وَمِنَّا الْقَاسِطُونَ ۖ فَمَنْ أَسْلَمَ فَأُولَٰئِكَ تَحَرَّوْا رَشَدًا  (١٤)وَأَمَّا الْقَاسِطُونَ فَكَانُوا لِجَهَنَّمَ حَطَبًا  (١٥)
وَأَنْ لَوِ اسْتَقَامُوا عَلَى الطَّرِيقَةِ لَأَسْقَيْنَاهُمْ مَاءً غَدَقًا  (١٦)لِنَفْتِنَهُمْ فِيهِ ۚ وَمَنْ يُعْرِضْ عَنْ ذِكْرِ رَبِّهِ يَسْلُكْهُ عَذَابًا صَعَدًا  (١٧)وَأَنَّ الْمَسَاجِدَ لِلَّهِ فَلَا تَدْعُوا مَعَ اللَّهِ أَحَدًا  (١٨)وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا(١٩)قُلْ إِنَّمَا أَدْعُو رَبِّي وَلَا أُشْرِكُ بِهِ أَحَدًا  (٢٠)
~صّدٍقُ آلَلَهّ آلَعٌظُيَمً~
كده خدنا ثواب قبل الروايه و الايات ملهاش دعوه بالروايه لاني كده كده هغيرها كل مره و اه صح
*كل سنه وانتم طيبين  ورمضان كريم علينا*
يلا نبدا  ....
وبيدخل منه عم مجدي.... مجدي ماشى كويس على رجله و شايف عادي و شايل القماشه اللى دايما كان ديما مغطي عينه بيها وكان داخل معاه اتنين شكلهم غريب ومفزع جداا واقفين حاولين مجدي زي الحرس اما مجدي اتكلم و قالى
مجدي: متخافش انا عارف انك بقيت تشوفهم
احمد: هما مين دول يا عم مجدي و ازاي بقيت اشوفهم و انا هنا من امتي انا مش فاهم اي حاجه  انا بعمل هنا ايه ومين دول وايه ابو عرفان ده.....
مجدي:  اهدي اهدي بس يبني... هفهمك كل حاجه 
احمد: انا حاسس اني اتشليت....
مجدي: لا لا لا لا متشلتش ولا اي حاجه  انت هتبقى نصين نصك الشمال فى ملكوت سيدي ابو عرفان تقدر تسمع و تشوف العالم الاخر بتاعه منه من الجن والاتباع و خلافه اوعي تقول ان عينك الشمال ديه راحت  تؤتؤتؤتؤ... عينك ديه معاهم
احمد: و ده ليه...
مجدي: استني هوريك... اااا.. حط ايدك على عينك اليمين وشوف....
احمد: شايفك و شايف الاتنين اللى واقفين على جامب دول
مجدي: طيب غمص عينك الشمال كده... وقولى
احمد: لما غطتيت عيني الشمال.... اختفوا....

فضلت ابدل ايدي مبين هنا و مبين هنا......
انا مالى انا و مال ابو عرفان و الحاجات الغريبه اللى بتروح و تيجي ديه
مجدي: مش قولتك اهدي!؟.... اهدي و احكيلك الموضوع  كله من الاول... وخد بالك لان ديه هتبقى اول و اخر مره هتشوفني.... انا اللى اختارتك علشان الدور يبقى عليك انت اللى هتكمل مسيرتي.... دمنا نادر انا و انت من النوع اللى الجن شايفينه اقرب ناس ليهم ممكن يسخرونا وانسخرهم وممكن يخولنا وسيط بنهم و بين اللى بيسخرهم واه صحيح بالمناسبة  ابو عرفان مش جن... ابو عرفان انسان زي و زيك بالظبط بس تقدر تقول انه ساحر و من اخطر السحره الموجوده... بيجيله ناس مهمه مره اول كل شهر و ده بيكون مع اكتمال القمر بيجولوه الفيلا وفى المره ديه طلباته بتكون بارقام خياليه المهم انت هتبقى وسيط هتبقى حلقة الوصل  ما بين العالم بتاعنا و عالمهم هتبقى لسان القرين اللي ابو عرفان بيجيه يستدعيه علشان  يريح الناس من الحاجات  المعنيه اللى بيطلبوها من الجن وهرجع و اقولك كل ده هتشوفه بنفسك
احمد: وانا مستفيد ايه من كل ده... انا مش عايز اعمل الحاجات  ديه.. انا كان مالى... انا غلطان اني رجعت عشان  اشوقك جرالك ايه....
مجدي: الموضوع  مش فكره مستفيد او مش مستفيد.... الموضوع انك ملعون... ولا هتقدر تهرب ولا هتقدر تتحرك الا باذن ابو عرفان... انت دلوقتي  بقيت جوا الدايره و هيجي يوم انت تجيب حد يبقى مكانك بعد ما ابو عرفان يسمح ب. ده هيكون ليك معاونين فى كل مكان هما اللى هيدلوك علي شاب نفس مواصفاتك وحيد، متغرب، فى حاله، مبيحشرش نفسه فى اي حاجه  .... طب تعرف ان مطاوع البواب  ورفاعي المدير بتاعك و من الاعوان... ايوه ايوه متبرقش رفاعي من الاعوان... اعوان ابو عرفان طبعا... هو اللى رشحك لينا من سنه بالظبط.. المهم انك و المعاونين هتدوروا على شخص تاني.... و اعمل حسابك انك من اول الشهر هتتعاون مع مديرك و تتعرف على الباقى  زي مطاوع البواب و ناس كتير تانيه و قدامك فتره و ابو عرفان يسمحلك بقى تخلي حد تاني يحل محلك واللعنه تنحل عنك بس نصيحه متبداش تفكر ف.  ده من بادري  صدقني ولا هتقدر تخرج ولا هتقدر تتحرك  انت جوا دايره السن انت كل اللى عليك تسمع الكلام و تنفز و الا هيفضل الشلل ده لاخر يوم فى عمرك... كل المطلوب منك ان ابوعرفان يرضي عنك ويقبل حد غيرك فى يوم من الايام.. و ده يبكون اشاره و قتها ان الجن استكفى منك
احمد: يا عم مجدي يا عم مجدي ايه الفليم الخيال العلمي اللى انت بتقولهولى ده!؟ خرجني من هنا خرجني من هنا بالله عليك
مجدي: يابني مقدرش  افهمهالك ازاي... هو انت فكرك حد هيسال علينا ما انا زيي زيك اهو لو قاعدنا هنا ميت سنه محدش هيسال فينا ولا يعرف انا فين  ... الموضوع فى ايدك و زي ما الموضوع  صعب ولكن مستفيد... وانا مقولتكش الاستفاده... انت هتخرج ب. مبلغ مالى متحلمش بيه  يكفيك و يكفي ولادك واحفادك و احفاد احفادك كمان
احمد: يعني ممكن الموضوع  يبقى شهر مثلا يعني
مجدي: معرفش
احمد فى دماغه: فكرت شويه فى الموضوع يعني شهر ولا اتنين ولا حتي سته شهور اوحتي سنه هيبقي بعدها معايا مبلغ
.... قام مجدي من على. الكرسي اللى قاعد عليه و باس راسى و راح ناحيه باب الخروج
احمد: انت قاعدت هنا قد ايه يا عم مجدي بصراحه
مجدي: عايز اقولك نصيحه اهم من ده كله  طول ما انت مفتح عنيك الاتنين هتشوف الانس و الجن فى نفس الوقت لكن لو شوفت مناظر تخوفك يابني  اقفل ديما عينك الشمال و سد ودنك لان نصك الشمال كله دلوقتي  معاهم  ... مع الجن و اخر نصيحه يا احمد  محدش هيخسر فى الحاله ديه غيرك.....
#يتبع
#رمضان_كريم
#خميس_الرعب
#الفصل_الرابع