(၁)
ဒီနေ့ ရဲတစ်ယောက်က ငါ့ကိုဖုန်းခေါ်ပြီးမေးခဲ့တယ် ဝူတုန်ရှူး ကွန်မြူနတီက ဗီလာDရဲ့ပိုင်ရှင်က ငါဟုတ်လား မဟုတ်လားတဲ့။
ဟုတ်ပါတယ်လို့ ငါဖြေခဲ့တယ်။ တစ်ဖက်က ဖုန်းရဲ့အသံက နှစ်စက္ကန့်လောက် တိတ်နေပြီးမှ ညင်ညင်သာသာနဲ့ အကြောင်းပြန်တယ် "ဒါက မစ္စတာရှဲ့ဖြစ်မယ်ထင်တယ်ဗျ၊ ဆားကစ်ပြဿနာကြောင့် ခင်ဗျားရဲ့အိမ်က မနေ့ညက မီးလောင်သွားခဲ့ပါတယ်"
ငါသူ့ကို "အင်း" လို့အသံပြုပြီး နှလုံးသားထဲမှနေ ရှင်းမပြနိုင်တဲ့ နာကျင်မှုတစ်ချို့ ခံစားလာရတယ်။
သူကဆက်၍ "ကျွန်တော်တို့ ခင်ဗျားအိမ်မှာ အလောင်းတစ်လောင်းတွေ့တယ်၊ သေဆုံးမှုအကြောင်းရင်းရဲ့ ကနဦးဆုံးဖြတ်ချက်အရတော့ ဖျားနာခြင်းကြောင့်ပါ၊ ဘာလို့ဆို အလောင်းတဝိုက်မှာ ဆေးတွေအများကြီး ပြန့်ကျဲနေပြီး အလောင်းက ယိုယွင်းစပြုနေပါပြီ... ကျွန်တော့်လုပ်ဖော်ကိုင်ဖက်က ဒီလူကြီးမင်းရဲ့ အထောက်အထားကိုကြည့်ခဲ့ပါတယ်၊ သူ့မျိုးရိုးက 'လင်'တဲ့၊ ခင်ဗျားရဲ့ မိတ်ဆွေလားဗျ?"
ကျွန်တော် စကားမပြောနိုင်ဘူး။
သူကဆက်ပြီးတော့ "ကျွန်တော်တို့ အခု ခင်ဗျားကိုဆက်သွယ်နေရတာက ခင်ဗျားကို ဒီလာပြီး အလောင်းကို အတည်ပြုစေချင်လို့ပါ၊ သူ့မိသားစုကို ဆက်သွယ်ဖို့ ကျွန်တော်တို့ ကြိုးစားခဲ့ပြီးပါပြီ ဒါပေမယ့် ဘာသတင်းမှမပြန်လို့ပါ..."
"လူကြီးမင်းခင်ဗျ?"
"ခင်ဗျားနားထောင်နေရဲ့လား?"
သူသေပြီ?
လင်ရွေ့သေပြီ?
...
(၂)
ငါ ဆေးရုံကို ဒီနေ့သွားပြီး သူ့အလောင်းကို အတည်ပြုခဲ့တယ်။
ငါအခုထိ... သူသေသွားပြီဆိုတာ တကယ့်ကို မယုံကြည်နိုင်သေးဘူး။
အလောင်းကို ဆရာဝန်လာပြီး စစ်ဆေးတော့ သူခေတ္တရပ်တန့်သွားခဲ့တယ်။ သူကျွန်တော့်ကိုကြည့်တယ်၊ ပြီးတော့ ညင်ညင်သာသာပြောတယ် "ဒီလူကြီးမင်းက ပုပ်သိုးနေနှင့်ပြီးတော့ မီးသင်္ဂြိုလ်ဖို့ ဖြစ်နိုင်သမျှစောစော လိုအပ်ပါတယ်"
YOU ARE READING
နောက်ဆုံးသောရက်ပေါင်းတစ်ရာ ||ဘာသာပြန်
Short Story•Original Title - 最后一百天 •English Title - The Final 100 Days •Author - 买菜 •Genres - Tragedy, Psychological, Yaoi •Original Publisher - Chang Pei (gongzipcp) I don't own any of this novel.This...
