لَا اعرِفُكَ !

مقدمـه

جميعنا نسمع عن الصدف الرائعــه !
ولكن ماذا عن .. الصدف كما يقولون ' المتخلفــه ' ؟

حيث تلتقي تالا المنتقله حديثاً إلى كوريا بعد دراستها واتقانها للغه الكوريه

بشخص .. كما قالت عليه عـبـيـط 

--

" أنتِ زوجتي ! "

" دي زي يا بت انتِ مراتي عندنا كده ؟ .. لا ؟! "

--

" انت بتعبد ايه طيب .. احلفلك بـايه يا عم انت ! "

--

" معلش يا عمو يعني أنا اسفه في السؤال .. هو انت عبيط ؟ "

" ماذا ؟ "

--

" في حاجه في عينيك كده .. "

" ماذا ؟! انا حقا لا افهم لكنتك تلك !! "

" عُمـاص .. انت مبتغسلش وشك لما بتصحى؟ "

" اسمعيني .. انا لا افهم لكنتك ولكن الابتسامه تكاد تشق وجهك
لذا اشعر انك تقولي شئ جيد، لذلك شكرا وأنتِ كذلك مع اني لا افهم "

" لا انا كذلك ايه انا بغسل وشي يا عم ! "

--

" عارف .. احسن حاجه اني فاهمه كل حرف انت بتقوله .. وانت ولا فاهم اي حاجه مني "

نظر لها بطرف عيناه لانه فقد الامل بأن تتحدث معه بلكنته

" يعني بص انا لو شتمتك مش هتفهم حاجه !
قد ايه دي حاجه جميله في التخلف اللي احنا فيه ده "

--

" يوووه بقا هو انا كل ما اكلمك تقولي ماذا ماذا ماذا !
ما تتعلم مصري بقى يا عم ومتقرفنيييش ! "

" ماذا ؟ "

--

" بُص .. انا عارفه أنه من المستحيلات انك تكون شوفت روايات أو مسلسلات مصريه .. لكن لو حصلت صدفه وشوفت .. فممكن تكون شوفت بعضهم مطلعين المصريين سرسجيه وكده والأشكال الضاله دي .. لكن في الحقيقه احنا مش كده خالص، فاهمني؟ "

" ماذا ؟ "

" يعني أنا لسه هترجم كل ده تاني للكوري لا يا عم اتكل على الله "

--

" قول ورايا انا هعلمك المصري
كرر خلفي "

" اخيرا تحدثتي بالكوريه ! حسنا "

" أنَّــا "

" أانــاا ؟ "

" مُتَخلَِف "

" مـووتخلييف ؟ "

" انا متخلف "

" أانــاا مـووتخلييف ؟ "

" الله عليك يا ابني احسنت والله "
استقامت تحييه

" ماذا تعني؟ "

" تعني أنا جميل "

ابتسم بسعاده اخيرا تعلم جمله مصريه صحيحه
واخذ يكررها بسعاده
" أانــا مـووتخلييف ! "

" هشش وطي صوتك لاحسن الحاجات دي بتتحسد "

--

ملاحظه مهمه : عندما تتحدث الشخصيه باللغه العربيه الفصحى يعني أنها تتحدث بالكوريه

--

حيث تلتقي تالا بشخص مقتنع بأنها زوجتها .. وهى أول مره تراه في حياتها !

JEON JUNGKOOK
TALA KHALED

لَا اعرِفُكَ !

SOON 🫡