لعبة الأنتقام

البارت الثالث

أبتسم محمد لوعد ولكن النظرات بينه وبين ليلي لا تدل أبدًا على أن القادم خير.
وعد: في اي ي زفتة دلوقتي عملك اي مستر محمد بقا.
ليلي بغل: عملي ايه الحيوان ماشي بسرعة وماسك كوباية القهوة ف ايده ف خبط فيا يسكت لا يروح يقل ادبه ويقولي انتي غلطانة واي جاب الاشكال دي الشركة.
وعد بدهشة: يعني انتي دلقتي عليه القهوة دا كفاية انه مطردكيش انا مستغربة بجد انا سمعت عنه انه شديد جدًا ازاي بس سكت.
ليلي بنظرة غاضبة: وعد لمي يومك قولتلك هو الي غلطان يبقا تتكتمي وطول ما انتي قدامي متعمليش دور البريئة دا علشان مقلبش ام الشركة فوق دماغك.
وعد: ياربي انا مش عارفة حظي مهبب كدة ليه واصلا متاكدة أنها هي الي غلطانة ع أساس ان ست ليلي بتسكت يعني طيبة اوي.
ليلي بدهشة: انتي بتقولي كدة عليا انا.
وعد: انتي سمعتي نهار اسود.
السكرتيرة: وعد مصطفى وليلي نادر أتفضلوا على مكتب مستر عامر شغلكم هيبقا معاه هو.
وعد بلطافة: شكرًا ي حبيبتي بس فين مكتبه.
السكرتيرة: مكتبه في الدور الثالث هتلاقي قدامك ع طول بشمهندش حسن أساليه هو هيدلك ع المكتب.
وعد: تمام شكرًا.
ليلي: يالا ياختي ننزل ربنا يستر كمان.
وعد: عيلة فقرية بطلي فقر بقا.
ـــــــــــــــــــــــــــــــــــــــــ
عند علياء.
ندى: طيب يالا قومي نمشي.
علياء: همشي وهقول لجدو ومش هسكتله ع فكرة علشان هو غلط.
ندى بحنان: بس احنا غلطانين ي علياء احنا أتاخرنا وكمان مكنش ينفع تكلمي الدكتور كدة.
علياء بغضب: ماهو لو دكتور محترم مكنتش هتجرأ أتكلم معاه كدة واخلصي يالا بينا نروح.
ومن ثم أستلقوا السيارة وذهبوا للبيت.
ـــــــــــــــــــــــــــــــــــــــــ
في قصر الدمنهوري.
رأفت يمسك بصورة أبنه وزجته وأبنته والدموع تغرق عيناه: ليه يابني كدة ليه مشيت وسيبتني لوحدي أنا وأمك دا أنت كنت أقربهم لينا كنت احن واحد علينا ليه بس انا نفسي تسامحني يابني عدت 20سنة 20سنة ولسة ملقيتش بنتك يابني ملقيتش حفيدتي انا عارف انك لو موجود مكنتش سكت بس والله انا ما ساكت ولا بطلت أدور عليها ولا دقيقة بس مش عارف راحت فين معرفش عايزة ازاي ولا اصلًا عايشة ولا ميتة يابني من بعد فراقك الدنيا كلها باظت نصر اخوك بقا دايمًا لوحده عارفينه هادي ومكنش بيحب غيرك بس ع الاقل مكنش بعيد كدة أخوك بيضيع و منصور قلبه طيب بس ربنا يهديه يااارب البيت في الصغير وفي الكبير في الشباب والبنات بس ملهوش طعم من غيرك يابني.
ولكن ذلك الحديث مر على أذن شخصًا آخر شخص يجلس على كرسي متحرك والدموع تفيض من عيناه وقلبه منكسرًا وحزينًا على تلك الدموع  والكلمات التي تنزل من قِبل جده فتقدم بكرسيه المتحرك للغرفة وأقترب من جده: جدي صدقني هنلاقيها انا متأكد من دا.
رفعت بقوة: طبعًا ي احمد هنلاقيها أنا ميأستش أبدًا حفيدتي هنلاقيها.
أحمد بإبتسامة: وهنتجمع كلنا وهنفضل افضل عيلة في الكون.
رفعت بإبتسامة: تعرف انك الي مهون عليا في البيت دا.
أحمد بمشاغبة: انا طبعًا عارف أنا اصلا مبتكررش ابدًا.
رفعت بضحك: طالع لرفعت الدمنهوري يالا.
أحمد بمشاغبة: لا بقا رفعت الدمنهوري راحت عليه خلاص قال رفعت الدمنهوري قال.
نظر اليه رفعت بعصبية: نعم ياروح امك.
احمد بخوف وهي يحرك الكرسي ليهرب: نهار اسود اتحول الراجل خلاص ثم رفع صوته: صدقني ما بقول حاجة كل الي قولته انا اقدر ازاي اطلعلك اصلا انت مفيش منك اتنين اصلا.
رفعت: اه ياخويا اهرب اهرب.
ـــــــــــــــــــــــــــــــــــــــــــــ
في مكتب عامر الدمنهوري.
عامر: خلاص تمام كدة فل اوي هنبدا من النهاردة شغل.
ليلي: نهار اسود من النهاردة ليه.
وعد سيطرت على الموقف بسرعة: لا لا طبعًا ي مستر عامر نبدا من النهاردة.
عامر بإبتسامة: تمام اوي السكرتيرية برة هتوريكم مكاتبكم ثم نظر الى ليلى: لو تحبي تبداي الشغل من بكرة عادي بس شكلك كسولة جدًا.
نظرت اليه ليلى بضحك: دا انا هبهرك.
عامر بضحك: اه شكلها هتكون ايام فل اوي.
وعد: طيب ايه يالا بينا.
نظر اليها عامر: تمام اتفضلي