- يا عين هلًي من الدمع على العيون الكسًيره -

بارت 3

- البارت الثالث -
ومشى اليوم والثاني والكل فرح بجية ابو ريف مررره وقبل العيد ب يومين ..
في بيت سعود
غاده اخت سعود الوحيده **
ام سعود : يا غاده
غاده : عيونيي امريني
ام سعود : ما يامر عليس عدو ابغاس تحنيني
غاده : بسسسس ؟ لو تبين عيوني اعطيس
نزل سعود : الله الله يالحب بينكم
غاده : قول ما شاء الله لا تضرنا هههههههه
سعود : ماشاء الله ماشاء الله
ام سعود : وين بتروح يا سعود
سعود : بطلع مع مشاري بخلص اغراض العيد 
ام سعود : زين
غاده : سعععود
سعود التفت : هلا
غاده : تكفى جب لي من الحلاو هذاك
سعود : الاحمر ؟
غاده : اييه
سعود : ابشري
وراحت غاده تحني امها بكل حب
..
وفي بيت ابو ريف عند ريف الي كانت تطالع مع الدريشه الديره والتفت على صوت امها وطلت مع الدرج : هلا يمه
ام ريف : وينس يا ريف تعالي ساعديني على الفطور ابوس بييجي
ريف : ابشري الحين جايه
ونزلت ريف تساعد امها
..
وفي الحاره حقت الديره كان الجد عبدالله وابو ريف يتمشون
الجد عبدالله : اجل اسمع يا ابو ريف ترا جمعة العيد عندنا ولازم تحضر انت
ابو ريف : ما نسيت ما نسيت هالجمعات هههههه تم
ابتسم الجد والتفت على السوق الي كان فيه حياه وشاف مشاري وسعود يتمشون
مشاري الي لفت نضره غتره حلللوه : اصبر يا سعود
سعود : وشو
مشاري دخل المحل وسال عن الغتره وجلس ينتضر
سعود : وش اعجبك
مشاري اشر لغتره بيضاء : هذيك بالله فخمه صح وجوده
سعود : ايه حلوه اجل انت خلك هنا وانا بروح اجيب لي حلاو وبجي
مشاري : زين
وراح سعود وجلس مشاري ينتضر وفجاه دخل عليه الجد عبدالله وابو ريف
مشاري الي تلثم  بغترته وصد لان جده بيجلس يساله وهو عجزان
الجد عبدالله : السلام عليكم عثمان ( راعي المحل )
عثمان : وعليكم السلام بابا
الجد عبدالله : وش في اليوم جديد غتره
عثمان : بابا فيه هذا لون ابيض جوده كويس سمسيم هذا رجال
مشاري :يااااااليييل منك
والتفت الجد على مشاري وشك فيه بس طنش : ايه ورني اشوفها
وعطاه عثمان الغتره بس ما اعجبته : لا خلاص عطني الحمراء والتفت على ابو ريف وقال وانت مثلي هههههههه
ابو ريف : اكيد ما يبي لها الحمراء كشخه
الجد عبدالله : زين عطني ثنين
وعطاهم وطلع ابو ريف فلوس والجد طلع فلوس والكل يبي يحاسب
الجد عبدالله : يا بو ريف انت ضيف وغالي وانا الي بحاسب
ابو ريف : ولا تحاسب ولا شي انا الي بدفع
والكل يبي يدفع ومشاري مبتلش وبالنهايه دفع الجد عبدالله وطلعوا
مشاري : اوه ما بغوا
..
وجاء العصر الساعه 5 وربع والعيال كان برا كلهم والجد عبدالله كان يبيهم بشغل في المزرعه وينتضر وينتتضر ولا جاو
ابو نايف : يبه هد اعصابكم بيجون
الجد عبدالله : ايه معليه يجون هالعصابه خلهم بس يجون لاربيهم 
..
عند العيال الي كانو بالدكه
فيصل : يا عيال القنابل نشتريها من الحين ولا كيف
سلمان : ايييه من الحين ولا بتخلص
نايف : الوعد اخر الليل
سند : تم
تركي : عاد انتبه انت وياه تراها خطره
رائد : معليك
نايف : عيال بقول لكم شي
الكل : وش
نايف : اء جدي كان يبينا
فيصل : يووووه نسينا قوموا قوموا
تركي : الحين بيجيك عقاب البطل
مشاري : عاد مالي خلق تعبااان
ودخلوا العيال بس ما لقوا الجد وارتاحوا بس كان اصلا العقاب جايهم جايهم ودخلوا ب المجلس وكانت الجده ثرياء موجوده
الجد ثرياء : وينكم الله يهديكم جدكم يبيكم
تركي انسدح على رجولها : نسينا بس لا تقولين معصب
الجده ثرياء : بالحيل بعد
مشاري : تكفين جده توسطي لينا
وبنص الكلام دخلت افنان : وش توسط لكم وش مسوين
مشاري التفت على العيال : ياليل جات الملسونه
افنان وهي تنزل السفره وقامت : اييييييه عندكم بلا علموني
فيصل : يا غثاااء وش تبين ما سوينا شي
افنان : واضح واضح
عبدالله يبي يغير الموضوع : اييه وش مسوين اليوم
افنان  : رد على سؤالي وارد على سؤالك
الكل : هههههههههههههههههههههههههههههههههههه
سند : انتي ملقوفه
افنان : عيوني انتم بتقولون ولا اقول ل ابوي
الكل : لااااااا
الجده ثرياء : اقول ورا ما تروحين تساعدينهم
افنان : اصلا خلصنا ما فيه شي
تركي : ابوي وين
افنان : في المزرعه
الجده ثرياء : وانتو الله يصلحكم ورا ما سويتوا بسرعه
فيصل : يمه قلنا نطلع شوي وبنرجع ونسينا
افنان : هذا من الرباده وانا اختك
فيصل رمى عليها المخده افنان : ااااييي
مشاري ضحك : احسسسسسن انتي ما تسكتين الا بالمخدات
افنان : وش ذا معكم الواحد المفروض انه يرحم البنات اولا لانهم رقيقات وثانياً لانهم يطبخون برمضان وانتو نايمين
الجده ثرياء : عن الدلع ما سويتي الا المشروبات
الكل : هههههههههههههههههههههههههههههههههههه
نايف : قال ايش قال يكرفون يا بنت الحلال لو انادي يوسف كان سوا الي تسوينه
حمد : انا راضي اسوي الي تسوينه بس تسكتين
افنان : يمه حرام عليس وش ذا الحقد علي وبعدين انت وياه حتى العصاير ما تسووونها وو اصلا بعد بنص كلامها سمعت صوت ابوها وراها
الجد عبدالله : وينك يالردي انت وياها وين ذالفين
تركي الي قام وجلس يطالع بامه
وافنان بسرعه سوت نفسها انها تزين السفره مره ثانيه
فيصل : يبه كان بنسوي الي تقول بس نسينا
الجد عبدالله : زين وطلع برا
والكل حرفيا ما تكلموا من الصدمه لان لازم عقاب بس ما عاقبهم
الجده ثرياء ضحكت : زين الله فككم
رائد :  ياربي لك الحمد
وبعد ما افطروا وارتاحوا
وافنان راحت  تنام لانها تعبانه شوي من الحراره
اتصل تركي على عذاري وقال انهم يبون يجلسون مع الجده والبنات دخلوا ودخلوا العيال
حمد : الله يا جدتي بتحطين حنا صح
الجده ثرياء : ايه يامك
مشاري : شكلي بحطه لس علشان يطلع زين
الجده ثرياء ضحكت : لا تعب نفسك بتحطه لي عذاري كان بتحطه لي افنان بس نامت
فيصل : غررييييبه نايمه ذا الحزه
الجده ثرياء : ايه يا بعد عمري فيها حمى شوي ونامت ولا بغيت اصحيها
الكل بعد كلامها خاف وراحوا كلهم لغرفتها
عذاري وهي تلبس قفاز : ياحظك يا افنان كلهم راحوا لها وش ذا الحب
الجده ثرياء : هههههههههههههههه وش شلون محد يحبها بنيتي
وفي غرفة افنان وهي الي كانت نايمه ونومه حلوه ومشغله المكيف لاعلى درجه ودخلوا عليها العيال كلهم ولا احد جلس
تركي وهو يطفي المكيف : افنانوه ما صحيتي
نايف : افنانننن
ولا صحت افنان واخذ سلمان المخده ورماها عليها وصحت افنان : وفجععع من ذاااا وشهقت  ، بسم الله الرحمن الرحيم وش بلاكم يا العصابه 
رائد  : مشتاقين لس
افنان : ايييه الحين يوم جات نومتي حلوه اشتقتوا لي
تركي: يقولون انس تعبانه وش بلاس
افنان وهي تبعد شعرها عن وجهااا : ايييه امس بس دخلني برد وتعبت شوي
ممشاري وهو يتعطر بعطرها : بسم الله عليس
عبدالله : وجع حتى وهي مريضه بتاخذ اغراضها
حمد : ما يستحي ما يستحي
افنان ضحكت وهي تقوم : عاد هذا عطري المفضل
الكل : هههههههههههههههههههههههههههههههههههه
تركي : يالله وانا اخوك قومي الحين وصحصحي واجلسي معنا
افنان : زين
العيال وهم بيطلعون سمعوا صوت الحريم داخل
تركي : ياليل الكلً هنا وش نسوي
عبدالله : الباب الخلفي
سند : ابك الباب جدي مسكره عقب سهرتنا امس
افنان : طيب عادي بقول لهم يتغطون ومروا من عندهم
نايف ومشاري الي ما يحبون يمرون من عند الحريم : لاااااا
تركي : انا بطلع تبي انت وياه ولا كيفك وبنص كلامه صرخ الجد عبدالله يدور عليهم
سند : ياعيااااااال طلع سكوته موب رضا
حمد : يعني عقاب اقوى
رائد : اجل وين نطلع منه
افنان التفتت على دريشتها وضحكت : عندي حل
العيال : وش
افنان وهي تركض راحت تفتح الدريشه الي مطله على الحوش : مابه الا دريشتي
والعيال كل واحد يبي يناحش قبل لا يدخل الجد عليهم ويعاقبهم والكل اشكالهم تضحك وهو يركضون ويطبون وكانت غيداء تحت بس كان بينهم جدار وشهقت خوف : بسم الله مييين
عبدالله وهو بيطلع رجع ورا : هييييه ولددد اصبر غيداء هناااا لاحد يجي وراح لغيداء : غيداء بسسسرعه ادخلي العيال بيمرون
غيداء بخوف : طيب
وضحكوا فيصل و تركي الي من محارم غيداء لانهم عادي يهجون
فيصل : يالله يا حبيبي ابوي بيجي وحط انت وياه رجلك ع الجدار
عبدالله وهو يركض ورابط ثوبه : يالله ياعيا ابككك جدييي وراكم
الجد عبدالله : وانا اقول وين طسيتوووو يالسربوت انا اربيكم
وبدوا العيال يهجون بس الجد كلامه اوامر وحلف انه يتبرا من الي ما يجي
الجد عبدالله : وش تسويي  انت وياه هااااااهه
تركي وهو ينزل ثوبه : اءء كنا عند افنان
الجد عبدالله : ما شاء الله افنان ومن وين طلعتوا
سلمان : مع الدريشه
الجد عبدالله : مع الدريشه هاااه قلت البيبان انت وياااه
نايف : يا جدي الحريم داخل ولا حبينا نمر من عندهم
الجد عبدالله : شف انت وياه شفت هالغرفه
الكل : ايه
الجد عبدالله : ابيكم تنظفونها لكم بس ساعه وتغسلونها
الكل : ابشر
وراح الجد ودخل عليهم : السلام
الكل : وعليكم السلام
الجده ثرياء : وش بلاك عليهم يا عبدالله
الجد عبدالله : خلهم يتادبون ، قوموا يا بنات جهزو المكانس
الجده ثرياء : خل البنات يتقهون بعدين ينظفون الغرفه
الجد عبدالله : لا لا موب هم الي بينظفونها الدشير الي برا
ام نايف ضحكت : يا حليلك يا عمي مشغلهم
ام عبدالله : ايه خلهم يتحركون وخل ولدي يعرف الحركه
افنان وهي بعد ما طلعوا جات تجلس وبصوت خفيف للبنات : احس ودي اطير من الفرحه
سواري : ايييييه كنت شايله همه الصراحه
خلود : وش تقولون
افنان : ولا شي
نوره : مااحد مسنعهم الا ابوي
الكل : هههههههههههههههههههههههههههههههههههه
وبعد ما عطوا الجد عبدالله اغراض التنظيف رماها على العيال بالحوش : يالله زي ما تعرفون تطبون مع الدرايش نظف انت وياه
وراحوا العيال وبدوا ينظفون بس تنظيفهم ماش الي يركض ويطيح والي يطرح الثاني وطلعت الجده وطلعت وراها افنان لان لازم احد يشرف عليهم : يا عيالي بس الماء خلصتوا الماء والصابون
مشاري : هلا هلا ياعين السيح
الجده ثرياء : حسبي الله على بليسكم وش ذاه
تركي التفت على الغرفه الي صارت كلها صابون ومويه : وش فيس
افنان : وش سويتوا وش كل ذا الصابون وتوها بتكمل كلامها وسحبها مشاري وطاحت بالصابون : اه يا ضهري حسبي الله عليكم من عيال ووقفت وجات تبي تطلع الا وسحبها نايف وطاحت مره ثانيه وضحك : والله ما تطلعين الا وانتي منظفه معنا
افنان جاز لها اللعب وكملت معهم وطرحت نايف الي طاح ولا قدر يقوم بسببب الصابون وبدت المطارحات وراحت الجده ثرياء معصبه تنادي الجد عبدالله ودخل عليهم الجد عبدالله الي صدع منهم : جعلك الي مانيب قايل حسبي الله عليكم نظف زين ، وانتي وش جابس عندهم
افنان وهي بتطلع بس رجعها الجد عبدالله : على وين على وين
افنان : بطلع يبه
الجد عبدالله : زي مانس جيتي لهم كملي معهم
حمد بصوت خفيف ل مشاري : جابت التعب برجولها
مشاري : ههههههههههههههههه
الكل هنا ماسك ضحكته ودخلت افنان معهم بالشغل
وبدو العيال يشتغلون بجد وتعبوا
سند الي جلس : ياربي تعبت
الجد عبدالله : سنددددد قم
سند بمزح : يا عبدالله الرحمه زينه
وتحسبون الجد خلاه بعد كلمة عبدالله اخذه وخلاه يوقف على الجدار
الجد عبدالله : عدها ثاني مره
والعيال كلهم يضحكون وافنان مبتلشه
وبعد عناء طويل وخلصوا العيال وراحوا يبدلون ويتقهون
وافنان دخلت على الحريم والكل ميت ضحك عليها
ام رائد : وش الله حادسس يوم رحتي لهم
افنان : هذا السؤال الي ما لقيت له حل
..
واخر الليل
الحريم كان داخل والعيال بالحوش والجد وابو نايف وابو رائد وابو عبدالله جالسين بالمزرعه
عند الحريم
الجده ثرياء : اسمعوا العيد بعد بكره وهو عندنا وزي ما انتو تعرفون بيجون من الساعه 6 الصبح وابي شي يبيض الوجه
ام رائد : ماعليس يا خالتي انتي ارتاحي بس
ام نايف : اجل من الحين نرتب كل شي
خلود : اجل اسمعوا نننقسم كل ناس تمسك شي
البنات عليهم كالعاده حلويات العيد والاستقبال  وحنا نرتب البيت
ام عبدالله : ابشري
افنان قامت تبي تشرب مويه بالمطبخ ودخلت وشافت مع الدريشه العيال يضحكون ويسولفون ابتسمت وراحت لهم 
افنان : ايييييه صوت الضحك والمود عالي
حمد : شعليس انتي مموب تعبانه
افنان : يا حبيبي انا هبوب ما يهزني شي
سند : هبوب الرهيفين يا عيوني
الكل : هههههههههههههههههههههههههههههههههههه
افنان : ما عليه بمشيها لك رحمه من عمه
الكل : ياااالللليل
افنان : امزححح المهم بتجيبون قنابل ؟
تركي : ايه بعد شوي بنروح 
افنان : الله وناسه
حمد : الله لو اجيب وحده وافجرها بوجهك
مشاري ضحك ولا وقف : اه ه يا بطني ههههههههههههههههههه
افنان : يا قلبي لا تموت اشرب مويه وانت يالردي تفجر ايش لا يكون  تحسب ساحة الديره بوجهي
نايف : هههههههههههههههههههه زين تبين تشوفينها
افنان : اكيدددد ما يبي لها
تركي : وين مافيه الا الدريشه يا افنان
افنان ميلت فمها بضيق : اف ليت كلهم محارمي
عبدالله : ولا بحلمس حتى
افنان : هههههههههههههههههههه عاد اختك بالذات تبي تشوفها
عبدالله : اجل نقرب عندكم لعيون اخت عبدالله
الكل : وعععع
افنان : الا جازت لي تكفون في برحه قريبه من هنا شبوووو فيها
تركي : ابشري
وبعد سوالف بينهم دخلت افنان لان بعد شوي بيروحون للسوق
..
‎عن الحريم
‎الجد عبدالله : السلام عليكم
‎الكل : وعليكم السلام
‎الجد عبدالله : هاه يا بنات جاهزين نروح
‎البنات : ايه
‎غيداء الي ماهي فاهمه شي وكانت من جمبها جود : جود وش السالفه
‎جود ضحكت : يا حليلس ماتعرفين نضام جدي لازم كل ليله عيد يودي البنات للمحل الحلويات ونشتري ولا نسيتي
‎غيداء بحماس : الا تذكرت الله تحمست
‎جود : ايه
‎افنان جات وهي تمسح يدها بعد ما غسلت : هاه يا الحبايب جاهزين
‎الهنوف : ايه بس بلبس
‎غيداء الي راحت تقول لامها وكانت بتطلع
‎سواري : غيداء وين بتروحين
‎غيداء : بروح اجيب عبايتي لان هذي ما يصير اطلع بها
‎سواري : تمام
‎وراحت غيداء الي كانت تمشي وتوثق ل صديقتها هياء اجواء الديره وكانت هياء مغرمه جدا جدا فيها
‎ودخلت بسرعه واخذت عبايتها وشوزها وطلعت وكان الكل راكب وراحت تركب معهم
‎والعيال طلعوا يشوفون شغلهم ويركبون العقد لان العيد عندهم والجد عبدالله معطي كل واحد شغل
‎رائد : اخ بس حنا نكرف وهم يروحون ياخذون حلاو
‎سلمان الي كان يمسح الدريشه ونط من فوق : دايم جدي ظالمنا الصدق
‎مشاري : كافي انه مسمينا  العصابه 
‎تركي الي انجرحت يده ودخل عند امه تلفها
‎نايف : ياولد انت وياه الوقت يمشي وانت تسولف اخلص علينا ورانا اشغال
‎فيصل : خلاص خلصنا باقي العقد نركبه وخلاص
‎وفعلاً بدو يركبون العقد  وعند البنات بالسوق الي كل وحده راحت تشتري الي تحبه الجد عبدالله : يا الهنوف
‎الهنوف جات عنده : هلا يا جدي
‎الجد عبدالله : شوفي ذا الحلاو محلاه زين اخذه
‎الهنوف وهي تشوفه وضحكت لان شافت اسمها عليه ( حلا الهنوف )
‎الهنوف : يجننن يا جدي خذه وانت مغمض
‎الجد عبدالله : هههههههههههههه زين زين
وبعد ما اخذوا وطلعوا والعيال خلصوا وشغلوا العقد من الحين وكلً الديره مشغله وكانت حلو منضرها
وفي وغيداء مبتسمين من يوم شافوها لين دخلوا البيت
وعند الحريم قامت ام عبدالله وقالت : حنا عاد نستاذن يا خالتي بنروح نجهز
الجده ثرياء : زين الله معكم ولا تاخرون
ام عبدالله : من عيوني
وطلعت غيداء وامها وراحوا يجهزون وغيداء بسرعه راحت تروش وبعد ما خلصت بدت تستشور
وبدا العد التنازلي والوقت يمشي بسرعه والبيت كلً واحد يجهز بسرعه
العنود : هناي تكفين امسكي يوسفوه طلع برا ما يبي يتروش
هناي ضحكت : بروح اشوفه وطلعت من السور وشافته برا ونادته : يوسف يوسف
ولا رد
هناي : يوسفوه هيه
يوسف : مابي مابي مابي اتروش ما احبه
هناي : وجع احد ما يحب يتروش
مشاري من بعيد : يوسف وش تسوي برا
هناي : زين الله جابه
جاه مشاري وانتبه ل هناي وقال بغضب : بنت وش تسوين  هنا
هناي : ابيه يجي يتروش
مشاري : واذا احد شافس هنا هاه
هناي : ياخي انا متاكده مافيه احد
مشاري اخذ يوسف ودخله وراحت امه تروشه ‎
والكل مشتط الي يستشوور والي يدور ملابسه والكبك حقه وكان مشاري وسند يتهاوشون على الكبك
‎مشاري : فككككك انا حاجزه قبلللكك
‎سند : اقلب وجهك كلنا حجزناها وانا باخذه لان ما عندي انت عندك درزن
‎وراحوا كلهم ل هناي تحل المشكله
‎مشاري : هناي صح ذا الكبك حقي ؟؟؟
‎سند : لا حقييييي وخر
‎هناي الي كانت تستشور ولا عطتهم وجه
‎مشاري : يا بنت الحلال مهما  تسوين  بتطلعين تروعين وانا اخوس
‎هناي طفت الاستشوار : نعم وش تبي انت وياه ازعجتونيي
‎مشاري : وين الكبك الثاني الي يشبه ذا
‎هناي بصوت عالي : وانا وش درانيييي اطلعوا
‎سند : بسم الله خير وش قلنا
‎جاتهم سواري : خذ يا مشاري هذا حقك
‎مشاري : ياشييييخه انا مقدر بدونس
‎وضحكت سواري ونطل مشاري الكبك على سند وراح
‎وبعد ما راحوا دخل رائد عند سواري وهناي : هيه ما شفتوا طاقيتي
‎سواري : يالله منكم حنا وش درانا
‎ودخل عليهم مشاري الي يبيهم يكون غترته وكلن يحسبها الجديده وكان لابس طاقيه بس
‎رائد : يا سلام هيه يالحبيب طاقيتي
‎مشاري : يوه مادريت اجل حقتي وين
‎دخلت ام رائد : يا عيال وش فيكم فجاه فقدتو اغراضكم
‎مشاري : وين طاقيتي وابيكم تكون غترتتي
‎ام رائد : مششششاري وش الاستهبال هذا كلها في دولابكم والغتره يا ذكي هذي القديمه الجديده بدولابك 
..
وفي بيت ابو ريف عند ريف وامها
ام ريف : تروشتي ولا توس
ريف : ايه ، يمه الحين لازم اروح معس
ام ريف : ريف اكيد بلا استهبال الكل هناك بيجي والبنات واجد خليهم يشوفونس يا هبله
ريف : بس انا مابي اروح
ام ريف : ريف روحي اجهزي بتروحين معي الناس عيد عيد
ريف ميلت فمها بضيق : طيب
وراحت ريف تتروش وبعد ما اخذت شاور اتصلت على صديقتها ساره
ريف : السلام ساره
ساره : هلا هلا وعليكم السلام ويييينك يالقاطعه
ريف وهي ترتب الميكب حقها : اف يا ساره وش اسوي ملخبط كل شي
ساره : ليه ؟ من بعد الديره
ريف : ايه عاد بكره فيه جمعه عند عيايلة ال عبدالله وتخيلي ما اعرف ولا احد فيهم مرررره ولا بنت تخيلي
ساره : معليك بتعودين لا تشيلين هم وانتي بديره مو مدينه اكيد الكل عادي وضعهم
ريف : اف مدري الصراحه وين اجلس
ساره : يا مجنونه تجلسين مع مين روحي شوفي العالم والبنات
ريف : طيب اجل بروح اجهز
ساره : تمام
‎وبعد صراع عند الكل بدا العيد وبدا الجد عبدالله يطلع والعيال بدو يطلعون الجد عبدالله : يالله يا عيال تاخرنا
‎وبما انهم واجد كانوا منقسمين على كل سياره
‎في سيارة الجد عبدالله كان فيها ابو رائد وابو عبدالله و ابو نايف و مشاري الي اخذوه معهم لانه دايم يفحط ويستهبل
‎وفي سيارة تركي : نايف و فيصل وسند
‎وسيارة رائد : سلمان  وعبدالله وحمد
‎وراحوا ووصلوا وبدا الكل هناك يسلم وكانو ال عبدالله مع بعض ولهم هيبه وهم كثار وجاهم ابو ريف الي ذكر الله عليهم : السلام عليكم
الكل وعليكم السلام
وبدوا يعايدون الديره ويسلمون
..
‎وفي بيت ابو عبدالله  الساعه 6 حكم الي كانت بس غيداء وامها فيه والخادمه
‎ام عبدالله : غيداء ياماما خلصتي ولا توس
‎غيداء وهي تطل مع الدرج : لا يمه باقي
‎ام عبدالله : اجل بروح اساعد خالتي والبنات واعايدهم وانتي الحقيني مع الخادمه
‎غيداء : ابشري 
‎ام عبدالله : بس لا تتاخرين ترا الناس هنا يجون بدري مو زي الرياض
‎غيداء : من عيوني
‎وطلعت ام عبدالله لبيت الجد الي كان قريب منهم ولا فيه مسافه 
‎وعند الجده ثرياء يوم دخلت عليهم ام عبدالله وراحت تسلم : اخبارس خالتي كل عام وانتي بخير
‎الجده ثرياء : وانتي بخير يامي وين بنتك
‎ام عبدالله  : غيداء توها ما بعد خلصت بتجي بعد شوي
‎الجده ثرياء : زين
‎وراحت تسلم على الباقي
‎وكانت الجده فرحاااااانه لان احفادها بيتعيدون معهها هالعيد الي يمر اعياد بدون ما يجون
‎والتفت  الجده ثرياء الي كانت تتامل الترتيبات مع البنات وحريم عيالها
‎الجده ثرياء : يالله معاد به وقت اخلصوا
‎خلود وهي تصور : يمه حبيبتي خلصنا كل شي انتي ارتاحي وبس
‎وبعد خمس دقايق جات غيداء ودخلت عليهم   : السلام عليكم
‎الكل  : وعليكم السلام
‎وراحت غيداء تسلم اول شي على جدتها : هلا هلا بالقمر كل عام وانتي بخير
‎الجده ثرياء: وانتي بخير يامي
وبدت الجده ثرياء تتقبلهم وترضا  عنهم
‎وراحت غيداء الي ملاحظه عليها تسلم على الكل
‎جود : الله الله قمر وكذا نغار حنا بعد
غيداء : يا حياتييي كلكم قمر حياتي
عذاري : عاد يا غيداء هالعيد غير بوجودس
غيداء : حبيبتي
______________
‎وعند العيال الي راحوا لبيت ونزلوا وبدو الناس يجون والي يرحب والي يقهوي وعند البنات بعد الجد عبدالله : ياولد فز على طولك الرجال جو وانتم باردين
‎العيال : ابشر
‎نايف الي معه القهوه : ياليل الحين انا الي باخذ القهوه ؟؟
‎رائد : ايه 
‎نايف : اجل بجلس كذا صنم لين يطلعون الله يعين
___________________
‎وعند البنات بعد ما جو الحريم ونفس الشي الي تصب القهوه والي توزع الحلاو وجود كانت هي الي توثق وتصور
‎والعنود كانت مبتلشه بولدها واتصلت على مشاري يجي ياخذه
‎وغيداء الي تشوف الازدحام والناس عكس الرياض الي كان هدوء
‎وفي بيت ابو ريف الي طلع ابو ريف من زمان مع ال عبدالله وام ريف  وريف الي بيطلعون الحين
‎ام ريف : ريففف وينس يامي تاخرنا
‎ريف الي كانت تركض وهي تعدل اساورها وطاحت : اه ه ياربي رجلي
‎ام ريف شهقت : بسم الله عليس وش بلاس انتي طايره اركدي
‎وريف الي وقفت وهي تعرج بس كان طيحه خفيفه والم ويروح  : يالله يمه بلبس عبايتي
‎وراحت ريف وامها ل ال عبدالله ودخلوا وكانت خلود الي تستقبلهم
‎ام ريف : السلام عليكم من العايدين
‎خلود الي ما عرفتها : يا هلا وعليكم السلام من الفايزين 
‎ام ريف ضحكت : ما عرفتينني
‎خلود : اء لا ههههههههههههه
‎ام ريف : انا اروى مرت سعد
‎خلود : يا هلا يا هلا يا ام ريف كيفكم اخباركم عساكم بخير
‎ام ريف : بخير جعلس بخير
‎والتفتت خلود وقالت : والحلوه هذي بنتس ريف
‎ام ريف : ايه
‎وتقدمت ريف تسلم : هلا كل عام وانتي بخير
‎خلود : وانتي بصحه وسلامه والله وكبرتي يا ريف
‎وجاتهم غيداء الي كانت تبي خلود وانصدمت ان فيه احد عندها ولا تبي تسلم لان تعبت واظطرت تروح تسلم : اءء السلام عليكم
‎ام ريف : هلا وعليكم السلام حبيبتي اخبارس
‎غيداء : الحمد لله تمام وانتي
‎ام ريف : بخير
‎وجات ريف تسلم : كل عام وانتي بخير حبيبتي
‎غيداء : وانتي بخير يا قلبي
‎ام ريف : ما عرفتس يا حبيبتي انتي بنت مين
‎خلود ضحكت : هذي بنت اخوي خالد غيداء
‎ام ريف : ماشاء الله يا غيداء اذكرس وانتي صغيره بسم الله عليس كبرتي
‎غيداء ابتسمت : يا بعد روحي ،  حياكم
‎ودخلوا ام ريف وبنتها الي استقبلتهم الجده ثرياء الي شوي وتصيح وبعد سلام طويل والكل يسال عن الثاني دخلوا داخل وجلست ريف مع امها وكانت الانضار على ريف وغيداء لانهم اول مره يعيدون
‎غيداء وهي جالسه مع البنات : يمه وش بلاهم خرشوني
‎هناي : يابنت الحلال هم كذا طبع الديره
‎افنان : ما عليس منهم المهم بنات ترا اليوم كلنا بننام مع بعض نفس كل عيد
‎غيداء : مدري بشوف امي اخاف ترفض
‎هناي : لا شدعوى الباب بالباب وبيتكم قريب
‎افنان : ايه وانتي صادقه
‎غيداء : خلاص بشوف بعدين ، المهم بنات احس ريف شخصيتها حلوه
‎افنان وهي تلتفت عليها : ايه واااضح عليها اخلاق موب زي شينة الحلايا مرة سليطين
‎غيداء ضحكت : هههههههههههه الا وينها ما جت
‎افنان : عند اهلها جعلها ما ترجع
‎هناي : بنات شوفووو
الكل التفت  افنان : شفيك وبعدين استوعبت وقالت ياربي وش جابها
‎افنان : شوقً بنت الشيخ جات ياليل عجزانه اسلم عليها
‎وبعد ما سلمت شوق على الكل وراحت تسلم على البنات وجلست قريب منهم وكانت شوق تطالع بغيداء و ريف وكان فيها قهر
‎غيداء بصوت خفيف : افنانوه
‎افنان : وش فيس يبنت
‎غيداء : شفيها ذي تطالعني كذا !
‎افنان : هذي حبيبتي تحب تشوف البنات وتخاف ان احد يكون احسن منها لبس وبما أنس اول مره تجين بتشوفس بكل حالاتس
‎وغيداء الي كانت تطالعها وودها تقول وخري عيونس
‎طفشت غيداء وقامت وراحت وراها الهنوف الي بعد طفشت والهنوف كل عيد لازم تطلع شوي تشم هواء وترجع
‎الهنوف : غيداء انتضري
‎التفتت غيداء : عيونيي هلا
‎الهنوف : وين بتروحين
‎غيداء : ابي اطق من الزحمه وش هذا مو طبيعي بالرياض حتى الزواجات مو كذا
‎الهنوف : هههههههههههههههه يا حليلس امشي معي نطلع بالسور
‎وفعلاً طلعوا بالسور وبدو يسولفون
‎الهنوف : غيداء صدق شلون صبرتي هناك لحالس
‎غيداء ابتسمت : لا مو لحالي هناك عندي بنات خالاتي
‎الهنوف : طيب اعجبتس الديره
‎غيداء حطت يدها على خدها : يووه عاد تصدقين ما توقعتها بهذا الجممممال تجننن ياالهنوفً
‎الهنوف : انتضري اليوم بالليل بعد احلا العيال يرمون قنابل وفعاليات
‎غيداء التفتت بوناسه : الله عاد هناك محد يرمي ولا شي الا الصغار وانا اطالعها بالجوال وانقهر
‎الهنوف : اجل حظس حلو
‎وبنص سوالفهم طلعت عليهم ريف الي كانت شوي مكتومه داخل وشهقت : بسم الله
‎غيداء والهنوف : يمه
‎ريف : معليش ما كنت احسب احد هنا
‎الهننوف : هههههههههه لا حبيبتي عادي تعالي معنا وين بتروحين
‎ريف تفشلت : تمام وراحت ريف تجلس معهم
‎غيداء ابتسمت : ريف حنا ما نعرفس كثيييرعرفينا عليس
‎ريف الي ارتاحت لهم وبابتسامه قالت : وش تبين تعرفين بالظبط
الهنوف : عن نفسس لان واضح انس تهبلين
ريف ابتسمت وقالت : ياروحي ، حنا واهلي كنا نجي هنا بالاعياد والويكند وبعدين ما صرنا نجيها وغيرنا لديره ثانيه بس مو ساكنين للابد صراحه نجيها كل عيد وابوي ما اعجبته هذيك ولا الناس الي فيها وصار لنا 4 سنوات هناك وبعدين غيرنا وجينا هنا
‎غيداء : يعني خلاص بتسكنون هنا
‎ريف ابتسمت : لا يا قلبي بس نجيها بالاعياد
‎الهنوف : اجل انتي زي غيداء
‎التفتت ريف لغيداء : ايه زيكم علمتني امي عنس
‎غيداء : يا حسافه انس بالرياض ولا اعرفس
‎ريف : طيب متى جيتوا
‎غيداء : صار لي 4 سنوات وتوني اجيها الحين
‎ريف انصدمت : ليش طيب
‎غيداء : اشغال ابوي هناك ودراستي
‎الهنوف : شكلي بزوجها واحد من اخواني علشان تجلس
‎غيداء بضيق : لا تكفين هههههههههههه
‎الهنوف بمزح : ليه وش فيهم اخواني
‎غيداء : يا طويلة العمر انا ما ابي اخذ من عيال عمي مدري ليه ولا ابي اخذ احد اعرفه
‎ريف ضحكت : الحال على بعضه
‎غيداء والهنوف : ليه
‎ريف : انا خطبني ولد عمي ورفضت لان ما ابي اقارب
‎الكل : هههههههههههههههههههههههههههههههههههه
‎ودخلوا داخل وبعد ما خلصوا وراحوا الناس وجات الساعه 1:00حكم الضهر
_____________________
‎عند العيال الي حرفيا ً ميتين تعببب لابعد درجه الي نايم بثوبه والي بسرواله وفنيلته وجاهم الجد عبدالله وسكر الباب عليهم من الازعاج
‎وعند البنات الي تمسح الميكب حقها والي تسولف وغيداء الي راحت تقول لامها انها بتنام عندهم ووافقت امها وراحت غيداء تقول لهم والكل هنا فرح الكل والحريم الي حاطين باقي الحلا ويتقهون عليه ويسولفون واحلا شي ان هدى مو معهم
‎وعند البنات ..
‎عذاري : اجل الحين احلا سوالف بتصير
‎الكل : اييه
‎غيداء : عاد هذي فقرتي المفضله مع بنات خالاتي وعاد الحين مافيه احسن من مقابل وجيهكم
‎الكل : حييياتي
‎افنان : اجل اصبروا بروح اجيب حلا وقهوه
‎اماني : اييييييه تكفين مشتهيه وخاصه هذاك الاخضر
‎افنان وهي تقوم : ابشري
في : اف يا زين عيد الديره بس
اماني : اي والله
‎وراحت افنان لهم تبي تاخذ الحلا وشافت ولد العنود يخرب الصحون
‎افنان بمزح  : هالحين انتو بالزلايب ما تشوفون الولد يخرب الصحون
‎نوره : انتي ما تخلين عادتس ليه ما تروحين معهم هههههههههههه