اجتازت اختباري

اجتازت اختباري بارت 1

قاعده على كنبة بيتها بكل تناكه...
فيروز. انا هسألك كام سؤال لو جاوبتهم زي ما انا عاوزه هوافق
بصلها باستغراب ورفع حاجب من حواجبه.
اسألي
اول سؤال . ايه فصيلة دمك
جاوب بتعجب من سؤالها.
Bسالب
حكت راسها بقلمها الي ماسكاه في ايديها.
اها
وفتحت النوت اللي كانت معاها وعلمت علامه ❌
السؤال التاني.
امك خانت ابوك وانت بتكرها وماشوفتهاش من سنين وانت بسببها بتكره كل البنات وهتتجوزني عشان تنتقم من الستات فيا
جاوبها بغضب.
انتي مجنونه يا بت انتي ما انا امي وابويا معايا بره والمفرود انهم سيبينا رئيه شرعيه دلوقتي وانا اصلا بتعامل معاهم عادي

ردت بفقدان امل.
طيب انت كنت متجوز قبل كده ومراتك خانتك وهجرتك وانت هتتجوزني عشان تنتقم منها فيا

لا دا انتي عقلك طاير على الاخر مش المفرود ان اهلك معرفينك اني مش متجوز قبل كده اصلا

.اه
.امال في ايه

ما ردتش عليه ومسكت قلمها مره تانيه وعملت اتنين❌❌ في النوت

.انا عاوز اعرف انتي بتكتبي ايه في النوت دي

.الاول تجاوب على كل اسألتي وبعدها هتبدأ فقرة اسألتك انت

.طب اتفضلي خلصي
.عندك بنت من مراتك الي خانتك وهجرتك في السؤال اللي فات وانت عاوز تاخدني مجرد خدامه ليك ولبنتك

رد بغضب اكتر.
يا بنتي مش قولتك بردو في السؤال الي فات اني من متجوز اصلا

ردت بعصبيه.
اوف بقى..طب انت راجل مافيا

رد بغضب.
لا

.طب تاجر مخدرات وانا لما اتجوزك هخليك تتوب عشان عيوني.
.ورمشتلو بعيونها كتير بشكل سمج

وهوا رد وكالعاده.
لا
.ولا حتى تاجر اسلحه
.لا
.يبقى امك جبراك عليا
.بردو لا
.ابوك جابرك تتجوزني عشان شغل بينو وبين بابا
.ياستي لا والله
.عندك بنت خاله حربايه عاوزه تتجوزك
.والله لا

.اوف بقى طيب ايه مافيش ولا حاجه من دول

.انا عاوز افهم فيه ايه بجد

ما ردتش عليه واكتفت بأنها مسكت النوت والقلن وملت الورقه علامة❌❌❌❌❌
وقالت.
مرفوض

.افندم مش فاهم
.ايه الي مش مفهوم قولت مرفوض

.انا مش زعلان عشان رفضتيني لا لا لا لا خالص على فكره.. لان انا اصلا كنت هرفضك بس هوا ممكن اسأل سؤال حازز في نفسيتي اوي

.اتفضل اسأل
.هوا ايه دخل فصيله دمي بالجواز وايه الاسئلة الغريبه الي سألتيهالي دي وايه النوت الي في ايدك دي

ردت بغرور بما اني كده كده رفضاك ف هقولك عشان اريحك.
افترضنا مثلا انك كنت معذبني ومطلع عقدك فيا وانا اكرهك وفنفس الوقت احس بقيمتك واني بحبك لما يحصلك حاجه او تعمل حدثه لما يجي الدكتور ويقعد يقول المريض هيموت فصيله دمو نادره لازم ننقذو حالا و فصيلة دمو مش متوفره وهيموت..اروح انا بقى اظهر واقول وانا منهاره في العياط انا فصيله دمي o سالب زيو خدو كل دمي بس المهم يعيش واروح انا لما اديك كل دمي يجيلي انميا ونقص دم وادخل في غيبوبه ٢٠ سنه وانت تفضل مستنيني وتحس بقيمتي وتحس بالذنب تجاهي عشان انت السبب في الانميا الي عندي لانك ما كنتش بتأكلني ولا بتشربني واني ضحيت بحياتي عشانك ولو امك خاينه تكتشف انها مظلومه وتصالحها ولو بقى انت رجل مافيا تقول يارب انا هتوب بس تشفيهالي و اييح.... بقى وبعدها افوق ونتجوز ونخلف ٤ توأم وانت تتجلط منهم وتغير عليا من ولادي الاولاد وانا اغير عليك من بناتنا ويطلع ابننا الصغير زيك وبيكره البنات على عكس الكبير الي نسوانجي وبيحب البنات ويكملو مسيرتنا بقى واحنا نعجز مع بعض زي كل الروايات

كان باصصلها بصدمه من الي قالتو عجز لسانو عن نطق حرف واحد ف بالتأكيد هذه الفتاه مجنونه فهيا الروايات لحست عقلها بالكامل بالتأكيد ضرب كفيه على بعض وهوا بيقول.
لاحولا ولا قوه الا بالله.. عليه العوض ومنو العوض.. البت عقلها طاير على الاخر.. بقى دي واقعه توقعيني فيها ياماما وقال ايه دي بنت عاقله وما فيش من عقلها اتنين.. هيا فعلا ما فيش في عقلها اتنين لان لو فيه كانت البلد خربت على الاخر حسبي الله ونعم الوكيل في كل ظالم ومفتري.. خرج من عندها وهوا عقلو طاير على الاخر فأخر ذرة عقل وصبر فيه هيا نهت عليها

قال لمامتو وباباه بعصبيه.
ماما..بابا يلا نمشي من هنا حالا...
الام. فيه ايه يا ابني البنت ما عجبتكش ولا ايه..
ابو فيروز قال في سرو.
هيا عملتها تاني والله لانا مواريكي يا فيروز الكلب لما الناس يمشو

وعلى صوتو شويه وقال.
ايه يا ابني مالك فيه ايه.. ايه الي حصل

خلو بنتكو تفهمكو هيا الي حصل يلا يا امي لو سمحت مش هاقعد هنا ثانيه واحده
ومشي العريس واهلو..
اهل فيروز دخلو عليها واتصدمو لما لقو فيروز شعرها متنعكش..

يتبع....